Andy Roddick

Mirandola-stemma.gif Miranduléś
C'l artìcul chè 'l è scrit in MiranduléśEmiliàn


Andy tòlt śò durànt gl'US Open 2009
L'americàṅ al s piga par tiràr al servìsi
Alenamènt par Roddick a gl'Australian Open


Andrew Stephen Roddick, dit Andy, (Omaha, 30 'd Agóst dal 1982) 'l è stâ 'n tenìsta americàṅ prufesiunìsta da 'l 2000 a 'l 2012, nùmar òṅ dal mónd par trédas stmani, da 'l 3 ad Nuvémbar dal 2003 a 'l 1 ad Favràr dal 2004. 'L è élt 188 cm e al péśa 88 chilo.

In dla sò caréra Andy 'l à vins un tìtul dal Gran Slam (gl'US Open dal 2003) e sinc Masters 1000, p'r un tutàl ad trénta-dū turnèo ATP (al prim a Atlànta in d'l Avrìl dal 2001).

Al gh'à tri rècord, qvél di śōg purtâ a cà in na finàl dal Gran Slam (39 a Wimbledon 2009), qvél di tiebreak vins ad fila (18 in dal 2007) e qvél dal servìsi più fòrt in un Gran Slam (tirâ durànt gl'US Open dal 2004).

In dal sò caréra 'l à mis in bisàca da piò ad vint migliòṅ ad dòlar in tut, fra singulàr e dópi.

Caréra

In dal 2001 Andy al s fà nutàr a Miami in dua al riva in di quàrt baténd Marcelo Ríos e Pete Sampras ma pò al céd a Lleyton Hewitt par 3-6 2-6. Al fà incóra méj a Atlànta parchè al s pòrta a cà al tìtul mulànd un 6-2 6-4 in 69 minùt a Xavier Malisse. Al vins anc al turnèo sucesìṿ ad Houston. In séguit al bat Michael Chang a 'l Roland Garros in sinc sét 5-7 6-3 6-4 6-7 7-5 ma pò 'l è custrét a bandunàr cóntar Lleyton Hewitt (i éran un sét para). Al finìs 'l an vinsénd al tìtul ad Washington e dvintànd al nùmar 14 dal mónd.

In dal 2002 al śōga tri finàli vinsénd a Memphis cóntar James Blake par 6-4 3-6 7-5 e a Houston baténd Pete Sampras par 7-6 6-3 e pardénd a Delray Beach da 'l itagliàṅ Davide Sanguinetti par 4-6 6-4 4-6. In Maǵ al śōga par la prima vòlta a Róma. Dòp 'l incóntar vins cónt'r al spagnōl Álex Calatrava al dmanda a gl'urganiśadōr 'd a n śugàr piò in sal camp Pietrangeli parchè védar tut cal statṿi ad masć nûd da na banda a gh fava impresiòṅ. Al và pò avànti in fiṅ a la semifinàl in dua però al pèrd da Tommy Haas par 1-6 5-7. Al finìs 'l an da nùmar déś.

In dal 2003 al vins siē turnèo ( St. Pölten cóntar Nikolaj Davydenko, Queen's cóntar Sébastien Grosjean, Indianapolis cóntar Paradorn Srichaphan, Montreal cóntar David Nalbandian, Cincinnati cóntar Mardy Fish e gl'US Open cóntar Juan Carlos Ferrero) e al dvénta acsè al nùmar òṅ dal mónd.

In séguit al śōga àtar quàtar finàli ad Gran Slam ma al li pèrd tuti cónt'r al śvìsar Roger Federer.

Other Languages
العربية: أندي روديك
azərbaycanca: Endi Roddik
български: Анди Родик
буряад: Энди Роддик
català: Andy Roddick
čeština: Andy Roddick
Чӑвашла: Энди Роддик
Cymraeg: Andy Roddick
Deutsch: Andy Roddick
English: Andy Roddick
español: Andy Roddick
euskara: Andy Roddick
français: Andy Roddick
hrvatski: Andy Roddick
magyar: Andy Roddick
հայերեն: Էնդի Ռոդիկ
Bahasa Indonesia: Andy Roddick
italiano: Andy Roddick
Basa Jawa: Andy Roddick
ქართული: ენდი როდიკი
한국어: 앤디 로딕
lietuvių: Andy Roddick
latviešu: Endijs Rodiks
македонски: Енди Родик
Bahasa Melayu: Andy Roddick
Nederlands: Andy Roddick
occitan: Andy Roddick
polski: Andy Roddick
português: Andy Roddick
română: Andy Roddick
русский: Роддик, Энди
sicilianu: Andy Roddick
srpskohrvatski / српскохрватски: Andy Roddick
Simple English: Andy Roddick
slovenčina: Andy Roddick
slovenščina: Andy Roddick
српски / srpski: Енди Родик
svenska: Andy Roddick
Türkçe: Andy Roddick
українська: Енді Роддік
Tiếng Việt: Andy Roddick
Yorùbá: Andy Roddick
Bân-lâm-gú: Andy Roddick