Тираж

Nuvola apps bookcase.svg

Тира́ж (фр. tirage) — цхьа цӀе йолчу зорбанан арахецаран экземплярийн барам бу. Термин лелайо коьртаниг арахецаран гӀуллакхна, амма наггахь «тираж» бохучу дашо билгалбоккху кхечу кхолламийн барам а, масала кинематографера фильман копийн тираж.

Муьран арахецарийн (газеташ, журналаш) тираж арахоьцучара уьш яздинчеран бараме хожжий билгалйоккху (оцу тӀе розницехь духкурш а туху); жайнин, брошюрин, кхин долчунан а тираж хӀоттайо арахоьцучара дешаран хьаштога хьаьжжина. Тиражаш йоькъу кегийрачарна (15 эзар экземпляре кхаччалц), юккъерчарна (100 эзар экземпляре кхаччалц), массийнчарна (100 эзар экземпляр сов). Массийн тиражаш полиграфин белхийн барам боккха хилар бахьна долуш дукха хьолахь завод олучохь дакъошкахь зорбатуху.

Цхьа йолу литературан кеп арахоьцуш арахецаран тиражо авторан гонораран барам а хуьйцу шега терра. РФ «Авторан бакъох а, цаьрца хӀоьттина йогӀучу бакъонех а» цӀе йолчу законо боху авторца бинчу барта тӀехь максимум тираж гайта, нагахь барто авторан кхаъ билгалбаьккхинчу барамца бийцахь.

Тиражийн кепаш

  • Шеран — арахецараллехь я пачхьалкхехь билгалдаьккхинчу шарахь арадевллачу арахецарийн тиражийн вовшахтоьхна барам, ткъа иштта шеран муьран арахецарийн вовшахтоьхна барам.
  • ТӀетоьхна я тӀейина тираж — коьрта тираж жайнаш дохкаран маше еллачул тӀехьа, оццу рузманан шарахь, хьалхе дуьйна ян лерина йоцург яр. Терминан доккха маьӀна дара, оьшучу хенахь тиражан барам боцуш долчу арахецарх авторан кхаъ къасточу шерашкахь, тӀейина тираж юхайинчу тиражах къастош. Оцу хенахь коьрта тираж арахецначу шарахь йина йолу тӀейина тираж лорура тӀетоьхна тираж, ткъа тӀетоьхна тираж шолгӀачу шарахь йина ялахь, цхьан а хийцам бацахь а — юхадина арахецар ларара. ХӀинца, арахоьцучеран пайданах авторан кхаъ процентан дакъа кепара дӀало, тӀейина тиражан хан башхалла а яц. Авторийн кхаьънаш барам хӀоттийна хилча, законехь хӀоттайо максимум тираж, цул сов йолу тираж юхадина арахецар лору, цунна керла барт оьшу авторца, авторан керла кхаъ. Зорбанан статистикехь, шолгӀачу шарахь дина долчу жайнин тираж юхадина арахецар лору. Арахецаран билгалонаш тӀехь тиражах болу хаамашца горга къовларш чохь дешнаш догӀу: (тӀейина тиража) я (тӀетоьхна тираж).
  • Ша йолу — билгалчу муьрехь арахоьцучо (я арахоьцучара) арахецна арахецарийн тиражан барам (оцу массо а арахецарийн тиражашкара экземплярийн барам).
  • Хьажаран — тиражан долу хьашт билгалдаккхар Ӏалашо йолуш йина йолу дуьххьарлера арахецаран тираж, нагахь кхиам хилахь гучудаьлла хьашт кхочушдийр долуш тӀетоьхна тираж ярхьама, нагахь кхиам ца хилахь хьажаран тиражан йинчу харжаш тӀехь сацархьама.
  • Цкъа йина — цхьаьна арахецаран, номеран, муьран арахецаран томан тираж.
  • Юккъера — хьовсуш долчу арахецарийн ша йолу тираж церан дукхаллин бараман декъар.
Other Languages
العربية: انتشار الصحف
azərbaycanca: Tiraj
беларуская (тарашкевіца)‎: Наклад
català: Tiratge
dansk: Oplag
eesti: Trükiarv
فارسی: شمارگان
suomi: Levikki
Bahasa Indonesia: Tiras
日本語: 世界の新聞
қазақша: Таралым
Nederlands: Oplage
română: Tiraj
русский: Тираж
svenska: Upplaga
Türkçe: Tiraj
українська: Наклад
oʻzbekcha/ўзбекча: Adad