Vichnou

Vichnou (sañskriteg विष्णु, distaget: viṣṇu), anvet ivez Narayan(a) (नारायण; nārāyaṇa) a zo unan eus doueed an hindouegezh, liammet ouzh ar c’hendalc’h hag ar gwarez. Eil doue an trimourti (trimūrti) eo, gant Brahma ha Chiva. Doue ar vuhez-marv-adc’hanedigezh eo ivez. Gant an trimourti ez eo aroueziet kelc’h ar vuhez :

  • Brahma eo ar c’hrouer
  • Vichnou eo ar gwarezer
  • Chiva eo an distrujer
Vichnou azezet war e lotuzenn

Alies e vez skeudennet Vichnou azezet pe o tiskuizhañ war ul lotuzenn. Dimezet eo gant Lakshmi, doueez ar binvidigezh hag ar chañs. Gantañ e vez ivez e erer, Garouda e anv.A-drugarez d’ar rishi e teuas a-benn Vichnou da aozañ un arsav-brezel etre Vritra hag Indra.A-wechoù e vez gwelet ivez an Douar (Bhūmi pe Bhû Devi) evel gwreg Vichnou. Pa oa war-nes bezañ beuzet dindan an dour e voe saveteet an Douar gantañ (dindan ur stumm all anvet Varâha).Liammet eo ivez ouzh ar roueelezh, rak stag eo an Douar (Bhūmi) hag ar chañs (Lakshmi) ouzh ar roue. E sañskriteg ec’h implijer ar ger bhūpati da dermeniñ ar roue, hag ar ger-se a c’hall talvezout “mestr” pe “gwaz” an Douar.

Bepred e vez gwisket gant ur mintr, un arouez ouzhpenn eus ar roueelezh. Daoust ma c’haller soñjal ez eo Indra roue an doueed e tiskouez an arouez-se eo bet kemeret ar roll-se gant Vichnou. Kemend-se a zo kadarnaet gant ur bern mojennoù e-lec’h ma vez mezhekaet Indra gant Vichnou (dindan unan eus e enkorfadurioù).


Skeudennadur (mûrti) Vichnou

Delwenn Vichnou e Singapour, gwelet e vez 12 skeudenn anezhañ
  • Ar veurgrogen : arouez ar c’hrouiñ eo. O tont eus ar Meurvor peurbouezus emañ. An droellenn en he diabarzh a ziskouez an astennadur. Ar son a glever enni eo skeudenn ar son peurbouezus.
  • Ar bladenn Sudarshana (“plijus da sellout outañ”), enni c’hwec’h bann evel c’hwec’h petalenn ur vleunienn lotuz. Arouez galloud ar spered eo.
  • Al lotuz, arouez displeg ar c’hrouidigezh eo, hag ar c’hlanded ivez.
  • Ar wareg, ar benveg a daol plomoù santadur e-kreiz an touell eo.
  • Ar biroù hag ar c’hlaouier-biroù, galloud ar 5 skiant, ha mirva ar galloud efediñ int.
  • Ar penngod, galloud ar ouiziegezh eo. Diwarnañ e teu an holl ouiziegezhioù all, pe e tennfent d’ar c’horf, pe d’ar spered.
  • Bravig Teñzor-ar-Meurvor (Kausthubha), a lufr war vruched an doue. An emskiant hollvedel eo, enni emskiant an holl boudoù.
  • Ar bouchad blev A Zegas Chañs (Shrî-vasta), a-us bronn gleiz an doue, skeudenn kement tra a zo er goustiañs eo.
  • Garlantez ar c’hoad (vana-mâlâ) eo skeudenn Mâyâ, an touell.
  • An daou vravig-skouarn a skeudenn daou hent ar ouiziegezh : sânkhya (hent ar meiz) ha yoga (an hent dre santout). Stumm Makara (un euzhvil mor) a zo anezho.
  • An troioù-brec’h, arouez tri fal ar vuhez : an trec’h, ar blijadur, ar peurvad.
  • Ar gurunenn : ar gwirvoud ne c’haller ket anavezout eo.
  • Ar ouel velen (pîtâmbara) gwisket tro-dro an dargreiz. Skeudenn ar Veda eo.
  • Ar seizenn santel, enni teir breunenn : teir lizherenn ar silabenn AUM int.
  • Ar c’harr : nerzh ar spered, hag e c’halloud war ar bed eo.
  • Al liv teñval, liv ar Peurefedus, ha hini danvez an egor eo.
  • An digeliener, arouez an dharma eo.
  • An aveler, arouez an aberzh eo, gantañ e vez c’hwezhet an tan.
  • Ar banniel
  • An disheolier : arouez rouantelezh an doue eo. Fust an disheolier eo ahel ar bed, ar menez Meru.
  • Ar c’hleze hag ar gouin : ar ouiziegezh goloet gant an nann-ouiziegezh int.
  • Garuda, al labous
  • Shesha Nâga : an naer. Warnañ e vez Vichnou o kousket, e-keit m’emañ o c’hortoz ar grouidigezh.

Vichnou a zo gouest da gaout dek stumm disheñvel pa rank saveteiñ an dud rak ar marv (e-barzh an dour da skouer e teu da vezañ kurma, ar vaod).

Other Languages
Afrikaans: Wisjnoe
Alemannisch: Vishnu
aragonés: Viṣṇu
العربية: فيشنو
অসমীয়া: বিষ্ণু
asturianu: Visnú
беларуская: Вішну
български: Вишну
भोजपुरी: विष्णु
Bahasa Banjar: Batara Bisnu
বাংলা: বিষ্ণু
བོད་ཡིག: ཁྱབ་​འཇུག
bosanski: Višnu
català: Vixnu
کوردی: ڤیشنو
čeština: Višnu
Cymraeg: Vishnu
dansk: Vishnu
Deutsch: Vishnu
डोटेली: विष्णु
Ελληνικά: Βισνού
English: Vishnu
Esperanto: Viŝnuo
español: Visnú
eesti: Višnu
euskara: Vishnu
فارسی: ویشنو
suomi: Vishnu
Võro: Višnu
français: Vishnou
galego: Visnú
ગુજરાતી: વિષ્ણુ
עברית: וישנו
हिन्दी: विष्णु
hrvatski: Višnu
magyar: Visnu
Հայերեն: Վիշնու
Bahasa Indonesia: Wisnu
íslenska: Visnjú
italiano: Viṣṇu
日本語: ヴィシュヌ
Basa Jawa: Wisnu
ქართული: ვიშნუ
Kabɩyɛ: Vishnou
қазақша: Вишну
ភាសាខ្មែរ: ព្រះវិស្ណុ
ಕನ್ನಡ: ವಿಷ್ಣು
한국어: 비슈누
Latina: Vishnu
lietuvių: Višnus
latviešu: Višnu
македонски: Вишну
മലയാളം: വിഷ്ണു
मराठी: विष्णु
Bahasa Melayu: Maha Vishnu
မြန်မာဘာသာ: ဗိဿနိုးနတ်
Plattdüütsch: Wischnu
नेपाली: विष्णु
Nederlands: Vishnoe
norsk nynorsk: Visjnu
norsk: Vishnu
occitan: Vishnó
ଓଡ଼ିଆ: ବିଷ୍ଣୁ
ਪੰਜਾਬੀ: ਵਿਸ਼ਨੂੰ
polski: Wisznu
پنجابی: وشنو
português: Vixnu
română: Vișnu
русский: Вишну
संस्कृतम्: विष्णुः
Scots: Vishnu
srpskohrvatski / српскохрватски: Višnu
සිංහල: විෂ්ණු
Simple English: Vishnu
slovenčina: Višnu
slovenščina: Višnu
српски / srpski: Вишну
svenska: Vishnu
தமிழ்: விஷ்ணு
తెలుగు: విష్ణువు
тоҷикӣ: Вишну
Tagalog: Vishnu
Türkçe: Vişnu
українська: Вішну
اردو: وشنو
oʻzbekcha/ўзбекча: Vishnu
Tiếng Việt: Vishnu
Winaray: Vishnu
吴语: 毗湿奴
მარგალური: ვიშნუ
中文: 毗湿奴
Bân-lâm-gú: Vishnu
粵語: 毗濕奴