Lituaneg

Kodoù ar yezh
ISO 639-1lt
ISO 639-2lit
ISO 639-3lit
Kod SIL
Sellit ivez ouzh ar pennad Yezh.

Al lituaneg (lietuvių kalba) zo ur yezh indezeuropek, yezh ofisiel Stad Lituania hag unan a yezhoù ofisiel Unaniezh Europa. War-dro 2,9 milion a lituanegerion a-vihanik zo e Lituania ha war-dro 200 000 e maez Lituania. Ur yezh valtek eo, tost d’al latveg daoust ma n’eus ket ag etrekompren etre o c’homzerion. Skrivet eo gant ul lizherenneg latin. Mirourañ hag henaekañ yezh indezeuropek, komzet hiriv an deiz, a reer outi dre mard eus bet miret enni henstummoù bet dilaosket er yezhoù indezeuropek arall.

Istor

Lituanegva er XVIvet kantved
Dornskrid lituanek koshañ
Kartenn yezhoù europa (1741). Warnezhi gwerzad kentañ ar Pater Noster e lituaneg
Ar meuriadoù balt, al Lituanianed en o zouesk, en XIIIvet kantved

Gober a reer c’hoazh e lituaneg gant ul lod a reizhiad soniadourel ha dibarderioù neuziadurel an indezeuropeg ha perzhioù boutin en deus gant yezhoù indezeuropek kozh evel ar sañskriteg pe al latin. Dedennus eo enta war tachenn ar genyezhoniezh (keverata yezhel) hag evit ar studiadennoù war ar yezhoù indezeuropek.

Eus ar c’hentvalt-slaveg e teu al lituaneg ha razh ar yezhoù baltek. Setu mard eus perzhioù boutin d’ar yezhoù-se gant ar yezhoù slavek, kar dezhe e meur a geñver. Da neuze, dre m’eo al lituaneg mirour-tre, e c’heller dezastum dioutañ gerioù kentslavek.

Hervez martezeadennoù yezhadegel (glotokronologek) o dije ar yezhoù kentvaltek diforc’het diouzh ar yezhoù indezeuropek kent ar c’hentañ milved kent JK, hag o dije yezhoù baltek ar reter dispartiet diouzh re ar c’hornôg etre 400 ha 600. Al lituaneg hag al latveg o deus kroget da ziforc’hañ goude 800, met e-pad pell e oant bet div rannyezh d'ur genyezh, ha rannyezhoù-ardreuziñ zo bet etre an div yezh betek ar XVIIvet kantved. Emdroet o deus en un doare disheñvel dreist-holl abalamour da abegoù istorel: chomet eo e-pad pell Lituania dizalc’h keit ha ma oa an danvez Latvia dindan beli urzhioù milourel alaman ( Urzh Livonian hag e warlerc’hidi).

Ar skrid lituanek koshañ deuet betek ennomp eo troidigezh un destenn relijiel savet e deroù ar XVIvet kantved e rannyezh Aukštaitija. Bez ez eus bet levrioù lituanek moullet adalek 1547, hogen chomet eo dister a-walc’h al lennegezh hag ar skridoù lituanek betek an XVIIIvet kantved. E 1864, da heul «  ensavadeg miz genver », e voe berzet ar yezh er c’helenn hag ar moullañ skridoù e lituaneg (hag implij al lizherenneg latin war un dro). Neoazh, kendalc’het e voe da voullañ levrioù lituanek en arallvro ha kaset e vezent dre guzh a Brusia ar reter. Maget e veze er vro ur santad broadel kreñv a-drugarez dezhe ha diberzet e voe yezh Lituaniz en embann e 1904.

Skweriekaet ha bremanaet eo bet al lituaneg a-drugarez d’ar yezhoniour Jonas Jablonskis (18601930) peurgetket. Klasket ez eus bet kavout reolennoù boutin a-hed an XIXvet kantved, hogen hennezh eo a embannas pennaennoù diazez skweriekadur al lituaneg e Lietuviškos kalbos gramatika ("Yezhadur al Lituaneg"), e 1901. Diazezet e oa e ginnigoù war e rannyezh c’henidik, hini Suvalkija ( e Lituania ar c’hreisteiz) ha war al lituaneg komzet e Prusia ar reter (e-lec’h ma oa miret elfennoù an henbruseg). Klasket en doa ivez glanaat ar yezh o krouiñ nevezc'herioù diwar stummoù kozh.

Deuet e oa al lituaneg da vout yezh ofisiel ar Stad lituaniat e 1918 (disparti diouzh Rusia) ha da vare an Unaniezh soviedel e veze implijet ingal e prezegennoù ofisiel a-gevret gant ar rusianeg en doa, evelkent, muioc’h a blas o vezañ ma oa yezh ofisiel an URSS.

Other Languages
Afrikaans: Litaus
አማርኛ: ሊትዌንኛ
aragonés: Idioma lituán
العربية: لغة ليتوانية
asturianu: Lituanu
Aymar aru: Lituaña aru
azərbaycanca: Litva dili
žemaitėška: Lietoviu kalba
беларуская: Літоўская мова
беларуская (тарашкевіца)‎: Летувіская мова
български: Литовски език
bosanski: Litvanski jezik
català: Lituà
čeština: Litevština
kaszëbsczi: Lëtewsczi jãzëk
Чӑвашла: Литва чĕлхи
Cymraeg: Lithwaneg
Zazaki: Litwanki
dolnoserbski: Litawšćina
Esperanto: Litova lingvo
español: Idioma lituano
eesti: Leedu keel
euskara: Lituaniera
Võro: Leedu kiil
føroyskt: Litaviskt mál
français: Lituanien
Nordfriisk: Litauisk
Frysk: Litousk
Gàidhlig: Liotuànais
Avañe'ẽ: Lituañañe'ẽ
Gaelg: Litaanish
客家語/Hak-kâ-ngî: Lithuania-ngî
עברית: ליטאית
Fiji Hindi: Lithuanian bhasa
hrvatski: Litavski jezik
hornjoserbsce: Litawšćina
Հայերեն: Լիտվերեն
Bahasa Indonesia: Bahasa Lituavi
íslenska: Litháíska
italiano: Lingua lituana
ქართული: ლიტვური ენა
Taqbaylit: Talitwanit
қазақша: Литва тілі
kalaallisut: Litauenimiutut
kernowek: Lithywanek
Кыргызча: Литва тили
Lëtzebuergesch: Litauesch
Limburgs: Litouws
lumbaart: Lengua lituana
lietuvių: Lietuvių kalba
олык марий: Литва йылме
македонски: Литвански јазик
монгол: Литва хэл
Bahasa Melayu: Bahasa Lithuania
Dorerin Naoero: Dorerin Rituainiya
Plattdüütsch: Litausche Spraak
Nederlands: Litouws
norsk nynorsk: Litauisk
norsk: Litauisk
occitan: Lituanian
Norfuk / Pitkern: Lithyuanyan
Piemontèis: Lenga lituan-a
پنجابی: لتھوانی
português: Língua lituana
Runa Simi: Lituwa simi
Kinyarwanda: Ikilituwaniya
संस्कृतम्: लेतुवाभाषा
davvisámegiella: Lietuvagiella
srpskohrvatski / српскохрватски: Litvanski jezik
Simple English: Lithuanian language
slovenčina: Litovčina
slovenščina: Litovščina
Gagana Samoa: Gagana Lufiana
српски / srpski: Литвански језик
svenska: Litauiska
Kiswahili: Kilituanya
ślůnski: Litewsko godka
Tok Pisin: Tok Lituwenia
Türkçe: Litvanca
татарча/tatarça: Литва теле
удмурт: Литва кыл
ئۇيغۇرچە / Uyghurche: لىتۋا تىلى
українська: Литовська мова
oʻzbekcha/ўзбекча: Litva tili
Tiếng Việt: Tiếng Litva
Winaray: Linituano
მარგალური: ლიტვური ნინა
ייִדיש: ליטוויש
Zeêuws: Litouws
中文: 立陶宛语
文言: 立陶宛語
Bân-lâm-gú: Lietuva-gí
粵語: 立陶宛文