Тэхніка

Тэхніка (грэч.: téchnē мастацтва, майстэрства) — сукупнасць сродкаў чалавечай дзейнасці, створаных для ажыццяўлення працэсаў вытворчасці і абслугоўвання невытворчых патрэбаў грамадства.

Таксама азначае навыкі і прыёмы ў нейкім відзе дзейнасці — тэхніка шахматнай гульні, тэхніка танца, тэхніка ігры на фартэпіяна і пад.

У тэхніцы матэрыялізаваныя веды і вытворчы досвед, набытыя чалавецтвам у працэсе развіцця. Тэхніка аблягчае працоўныя намаганні чалавека і павышае іх эфектыўнасць, дае магчымасць пераўтвараць прыроду. Па меры развіцця тэхніка замяняе чалавека ў выкананні тэхналагічных функцый, звязаных з фізічнай і разумовай працай. Тэхніка ўдзейнічае на прадметы працы пры стварэнні матэрыяльных і культурных даброт; выкарыстоўваецца для атрымання, перадачы і ператварэння энергіі; даследавання законаў развіцця прыроды і грамадства; перамяшчэння і сувязі; збору, зберагання і перадачы інфармацыі; кіравання грамадствам; бытавога абслугоўвання; вядзення вайны і забеспячэння абароны.

Агульнапрынятай класіфікацыі тэхнікі няма. Паводле функцыянальнага прызначэння адрозніваюць тэхніку вытворчую, бытавую, навуковых даследаванняў, адукацыі і культуры, ваенную, медыцынскую і інш. Асноўную частку тэхнічных сродкаў складае вытворчая тэхніка, да якой належаць машыны, механізмы, інструменты, апаратура кіравання машынамі і тэхналагічнымі працэсамі, вытворчыя будынкі і збудаванні, чыгункі, масты, рухомы састаў, сродкі камунікацыі, сувязі. Паводле галіновай структуры вытворчасці адрозніваюць тэхніку прамысловасці, транспарту, сельскай гаспадаркі; паводле прыналежнасці да асобных структурных падраздзяленняў вытворчасці — авіяцыйную, меліярацыйную, энергетычную; паводле прыроднай асновы асобных галін тэхнікі — атамную, халадзільную, вылічальную і інш.

іншыя мовы
azərbaycanca: Texnika
башҡортса: Техника
Boarisch: Technik
беларуская (тарашкевіца)‎: Тэхніка
български: Техника
brezhoneg: Teknik
bosanski: Tehnika
català: Tècnica
čeština: Technika
kaszëbsczi: Technika
dansk: Teknik
Deutsch: Technik
Esperanto: Tekniko
español: Técnica
eesti: Tehnika
Võro: Tekniga
français: Technique
arpetan: Tècnolog·ia
Nordfriisk: Tächnik
furlan: Tecniche
galego: Técnica
hrvatski: Tehnika
magyar: Technika
հայերեն: Տեխնիկա
Ido: Tekniko
italiano: Tecnica
日本語: 技術
қазақша: Техника
한국어: 기술
Кыргызча: Техника
latviešu: Tehnika
мокшень: Текниксь
монгол: Техник
Nederlands: Techniek
norsk nynorsk: Teknikk
norsk: Teknikk
occitan: Tecnica
polski: Technika
پښتو: تخنيک
português: Técnica
Runa Simi: Allwiya
română: Tehnică
русский: Техника
sardu: Ténnica
srpskohrvatski / српскохрватски: Tehnika
slovenščina: Tehnika
српски / srpski: Техника
Seeltersk: Technik
svenska: Teknik
тоҷикӣ: Техника
українська: Техніка
oʻzbekcha/ўзбекча: Texnika
Bân-lâm-gú: Ki-su̍t