Кларк Эштан Сміт

Кларк Эштан Сміт
англ.: Clark Ashton Smith
Clark Ashton Smith 1912.jpg
Асабістыя звесткі
Дата нараджэння:13 студзеня 1893(1893-01-13)[1][2][…]
Месца нараджэння:
Дата смерці:14 жніўня 1961(1961-08-14)[1][2][…] (68 гадоў)
Месца смерці:
Пахаванне:
Грамадзянства:
Прафесійная дзейнасць
Род дзейнасці:паэт, скульптар, мастак, раманіст, пісьменнік, пісьменнік-фантаст
Гады творчасці:1910 — цяп. час
Жанр:фэнтэзі, Цёмнае фэнтэзі, Літаратура жахаў і навуковая фантастыка
Мова твораў:англійская[1]
eldritchdark.com
Commons-logo.svg Выявы на Вікісховішчы

Кларк Эштан Сміт (англ.: Clark Ashton Smith; 13 студзеня 1893 — 14 жніўня 1961) — амерыканскі паэт і празаік, мастак, скульптар.

Пісаў апавяданні ў жанры фантастыкі, фэнтэзі і жахаў. Па сведчанні многіх крытыкаў, Кларк Эштан Сміт быў найбольш таленавітым з заснавальнікаў фэнтэзі[4], але напісаў толькі некалькі дзесяткаў апавяданняў, пасля чаго пакінуў літаратуру.

Біяграфія

Кларк Эштан Сміт нарадзіўся ў даліне Лонг-Вэлі. Большую частку жыцця пражыў у дамку, пабудаваным яго бацькамі ў мястэчку Оберн, штат Каліфорнія. Ён пакутаваў на псіхалагічныя разлады, і пасля заканчэння пачатковых класаў праwzudfo навучанне дома. Пры гэтым ён быў заўзятым чытачом і актыўна займаўся самаадукацыяй.

У адзінаццаць год пачаў пісаць. Першымі творамі сталі чароўныя казкі і прыгодніцкія гісторыі. У трынаццаць ён пачаў пісаць вершы. Менавіта паэзія К. Э. Сміта, а не фантастычныя апавяданні, першай была прызнаная чытачамі.

У 1912 годзе выйшаў у свет першы збор паэзіі Кларка Эштана Сміта «Той, хто крочыць па зорах, і іншыя вершы» (The Star-Treader and Other Poems). А ў 1918 «Каліфарнійскі кніжны клуб» выдае новы зборнік — «Оды і санэты» (Odes and Sonnets). У 1922 Кларк Эштан Сміт выдае зборнік паэзіі «Эбен і крышталь» (Ebony and Crystal), які ўключаў самую вядомую яго паэму «Пажыральнік гашышу».

У другой палове 1920-х Сміт адыходзіць ад паэзіі і вяртаецца да малой прозы. У 1923 ён паспрабаваў сябе ў жанры іранічных рамантычных замалёвак. Першае фантастычнае апавяданне «Жахі Ёнда» (The Abominations of Yondo) было напісанае ў 1925. Да 1937 Сміт напісаў сотні апавяданняў і кароткіх аповесцяў. Асноўнай пляцоўкай для публікацый быў часопіс «Weird Tales». За наступныя 25 гадоў было створана не больш за 20 апавяданняў. У апошні перыяд творчасці Кларк Эштан Сміт вярнуўся да паэзіі, а таксама заняўся выяўленчым мастацтвам.

У 1940 быў надрукаваны першы зборнік прозы Сміта «Па-за прасторай і часам» (Out of Space and Time). Затым выйшлі ў свет яшчэ два празаічныя зборнікі: «Згубленыя сусветы» (Lost Worlds) і «Genius Loci і іншыя апавяданні» (Genius Loci and Other Tales), а ўслед за імі і два паэтычныя зборнікі: «Цёмны замак» (The Dark Chateau) і «Чары і загаворы» (Spells and Philtres).

У 1954 ажаніўся з Кэралайн Эмілі Джонс Дорман. У 1961 годзе Кларк Эштан Сміт памёр у сне ад сухотаў.

Прах яго быў пахаваны там, дзе стаяў дом яго дзяцінства.