Mein Kampf

Mein Kampf
Mein Kampf dust jacket.jpeg
Patos kan edisyon 1926–1928
Nasyon Alemanya
Tataramon Aleman
Ulayon Autobiograpiya
Kagpublikar Eher Verlag
Taon kan publikasyon
18 Hulyo 1925
Published in English
13 Oktobre 1933 (hinayokong)
1939 (halaba)
Klase nin media Imprinta ( Matagas na patos asin Papel)
Pahina 720
ISBN 978-1495333347
[[Library of Congress Classification| Plantilya:Abbr]] DD247.H5
Sinundan kan Zweites Buch
Duwang tomong edisyon kan Mein Kampf, 2016

An Mein Kampf (Aleman: [maɪ̯n kampf], An Sakong Pakikipagtusay) sarong 1925 librong autobiograpiya na sinurat kan pamayo kan Partido Nazi na si Adolf Hitler. An libro piglaladawan kun paano si Hitler luwayluway nagin antisemitiko. Igdi sa libro saiyang ibiniklad an saiyang ideolohiya politikal asin kun ano an mga plano niya para sa Alemanya. An enot na tomo nalagda kan 1925 asin an ikaduwang tomo napublikar kan 1926. An nagpakarhay kan libro iyo si Rudolf Hess, saiyang katuwang.

Si HItler pinonan an Mein Kampf kan siya napipiot sa preso huli sa saiyang dai-nakaantos na pag'alsa sa Munich kan Nobyembre 1923 na pig'apod niyang saiyang mga krimen politikal. Sa pagtubod ni HItler, an libro makaligtas saiya sa mga gastosan niya sa saiyang kaso. Pig'isip niya na dapat an libro magluwas sa duwang tomo na an enot dapat mapublikar kaamayi kan 1925. Kan magadan si HItler, an permiso sa libro napasa sa gobyerno estado kan Bavaria na dai nagtugot ipaimprenta o kopyahon an libro sa laog kan Alemanya. Kan 2016, kan magpaso na an copyright kapot kan gobyerno Bavaria, an Mein Kampf pinagpublikar liwat sa Alemanya, primerong gayo poon kan taon 1945.

Kan taon na 1939 an libro nakapabakal nin 5,200,000 kopya asin napalis sa 11 lenggwahe. [1]

Mga tinotolod na kaisipan ni Hitler sa Mein Kampf

An Mein Kampf kuta may titulong "Apat may Kabangang Taon na Pakikipagtusay Laban sa Kaputikan, Kapalpalan asin Katalsotan". alagad an kaglagda kan libro sinimple na sanang titulohan na "Mein Kampf" o "Sakong Pakikipagtusay". Igdi ibiniklad ni Hitler an saiyang mga ideya manongod sa pagkatawo kan Aleman asin relasyon sa ibang mga rasa o lahi. Saiyang pigtotolod an ideya na an Aleman o Aryan iyo an pinakasuperior na rasa na dapat iyo an magdominar sa kinaban. An gabos na rasa, orog na an mga Hudyo asin mga Eslabos (Tseko, Polako asin Ruso) mga inferior na lahi. Dapat daa an mga Aleman bako lang "magsibot sa pag'ataman nin mga purong kasta kan ayam, kabayo o ikos, kundi sigurohon na an dugong Aryan magin puro asin liso". Sinasabi niya man na an mga Hudyo iyo an nagraratak sa ekonomiya kan Alemanya asin dapat puhoon ngane makaolagwad sa pag'asenso an nasyon niya.. [2]

An pagtubod niya mayo nin pagkapantay an mga lahi asin ta an lahing superior iyo an dapat mangimbabaw susog sa eternal na pagboboot kan natural na pagkarinsay kan uniberso. Sinasabi niya pa na an kultura kan Aryan iyo an kapu'ngolan kan gabos na kadunongan asin gabos na lahi dapat maduko asin mapadaog sa superioridad kan kulturang Aryan alagad nanginginabang an mga rasang inferior basta an mga ini nasasakop kan mga dominanteng Aryan. [3]

Saiyang idinodoon na gayo na an mga Hudyo iyo an mga kontrabida sa kinaban: sinda an nagmamanipular asin nagkokontrol kan pinansya kan kinaban, nagkakapot kan prensa, nag'imbento kan demokrasya liberal, asin kagtogdas kan Marksismo, kagwarak kan prostitusyon, mga bisyo asin ginagamit an kultura sa pagpalakop kan diringkilan sa kinaban. [4]

Ginatongan nanggad ni Hitler an orgulyo kan rasang Aleman asin ipinahiling niya na an kasusupgan resulta kan pagkadaog kan Alemanya sa Enot na Gerang Pankinaban dapat mapara asin pigparasabi niya an areglo sa gerang idto sarong dakulaon na inhustisya sa saindang nasyon. Dai nagreparo an kinaban na an mga kaisipan ni Hitler mayong ibang ibubunga kundi magtao nin rason kun ano ta dapat manakop an Alemanya sa pagbawi kan superior na kamugtakan kan saiyang lahing Aryan. Mayong duda an saiyang mga ideya sa Mein Kampf iyo an nagin panggatong ngane magsabrit an makangirhat na Ikaduwang Gerang Pankinaban.

Other Languages
Afrikaans: Mein Kampf
العربية: كفاحي (كتاب)
مصرى: كفاحى
azərbaycanca: Mein Kampf
беларуская: Мая барацьба
български: Моята борба
bosanski: Mein Kampf
català: Mein Kampf
Cebuano: Mein Kampf
čeština: Mein Kampf
Cymraeg: Mein Kampf
dansk: Mein Kampf
Deutsch: Mein Kampf
Ελληνικά: Ο Αγών μου
English: Mein Kampf
Esperanto: Mein Kampf
español: Mi lucha
eesti: Mein Kampf
euskara: Mein Kampf
فارسی: نبرد من
suomi: Taisteluni
français: Mein Kampf
Gaeilge: Mein Kampf
galego: Mein Kampf
हिन्दी: मीन कैम्फ
hrvatski: Mein Kampf
magyar: Mein Kampf
Հայերեն: Իմ պայքարը
Bahasa Indonesia: Mein Kampf
íslenska: Mein Kampf
italiano: Mein Kampf
日本語: 我が闘争
Basa Jawa: Mein Kampf
ქართული: ჩემი ბრძოლა
한국어: 나의 투쟁
Latina: Mein Kampf
lietuvių: Mano kova
latviešu: Mana cīņa
македонски: Мојата борба
Bahasa Melayu: Mein Kampf
Mirandés: Mein Kampf
Nederlands: Mein Kampf
norsk: Mein Kampf
occitan: Mein Kampf
polski: Mein Kampf
português: Mein Kampf
română: Mein Kampf
armãneashti: Mein Kampf
русский: Моя борьба
Scots: Mein Kampf
srpskohrvatski / српскохрватски: Mein Kampf
Simple English: Mein Kampf
slovenčina: Mein Kampf
slovenščina: Moj boj
shqip: Mein Kampf
српски / srpski: Мајн кампф
svenska: Mein Kampf
Kiswahili: Mein Kampf
Tagalog: Mein Kampf
Türkçe: Kavgam
українська: Моя боротьба
Tiếng Việt: Mein Kampf
ייִדיש: מיין קאמף
Zeêuws: Mein Kampf
中文: 我的奋斗