Emilio Aguinaldo

Si Emilio Aguinaldo

Si Emilio Aguinaldo y Famy ( 22 Marso 1869 - 6 Pebrero 1964) an inot na presidente kan Inot na Republika kan Filipinas na saiyang itinugdas kan Hunyo 12, 1898 kun sain dineklara niya an katalingkasan kan nasyon dawa nganì dai ini binisto kan gobyernong Amerikano.

Kaamayan kan buhay asin karera

Siya an ikapito sa walong aki kan mag-agom na si Crispulo Aguinaldo asin Trinidad Famy. An ama niya, na dugong mestisong Insik, nagin gobernadorcillo (Poon nin Banwaan). An pamilya niya sinasabing gantad sa buhay. Namundag siya sa Cavite El Viejo (ngonyan Kawit, Cavite na.).

Nag-adal siya sa lugar ninda kan saiyang elementarya asin sa segundarya duman siya sa Colegio de San Juan de Letran. Pero sa ika-3ng taon niya igdi, nagpaulì siya sa Cavite ta tinabangan na lang niya an saiyang ina (na medyo harap na), sa pagpadalagan kan saindang mga omahan.

Sa edad sanang 17 anyos, nagin siyang cabeza de barangay kan Binakayan, an pinakamauswag na baryo kan Cavite el Viejo. Sa katungdan na ini, sinerbehan niya nin walong taon mga kabaryo niya. Siya man naglaog sa negosyong pagbyahe sa kadagatan asin nakakadangtol pa siya hanggan sa Sulu Archipelago.

Huli sa pwersa kan Maura Law na pinasar kan 1883, an mga gobyerno sa mga burubanwaan pinagreorganisar nganì magin ini mas pusog asin mapakarhay an pagadministrar asin an gobernadorcillo inapod nang capitan municipal kan taon 1895. Si Aguinaldo an pinaka-enot na capitan municipal (alkalde) kan Cavite el Viejo.

Other Languages
Afrikaans: Emilio Aguinaldo
Chavacano de Zamboanga: Emilio Aguinaldo
čeština: Emilio Aguinaldo
Esperanto: Emilio Aguinaldo
français: Emilio Aguinaldo
interlingua: Emilio Aguinaldo
Bahasa Indonesia: Emilio Aguinaldo
Basa Jawa: Emilio Aguinaldo
Bahasa Melayu: Emilio Aguinaldo
Nederlands: Emilio Aguinaldo
Pangasinan: Emilio Aguinaldo
Kapampangan: Emilio Aguinaldo
português: Emilio Aguinaldo
Runa Simi: Emilio Aguinaldo
Simple English: Emilio Aguinaldo
українська: Еміліо Агінальдо
Tiếng Việt: Emilio Aguinaldo
Bân-lâm-gú: Emilio Aguinaldo