Sotz vum Pythagoras

Der Artikl is im Dialekt Owaöstareichisch gschrim worn.
A rechtwünkligs Dreieck, üba dem seine Seitn de Quadrate eizeichnt san
Da Pythagoras vu Samos

Da so gnaunnte Sotz vum Pythagoras is oane vu de grundlegadn Eakenntnisse fia'd Geometrie im emnen Raum. D'wesntliche Aussog is, dass in am jedn Dreieck mit am rechtn Wünki de Quadrate üba de zwoa kiazan Seitn midanaund genau gleich groß san wia s'Quadrat vu da längstn Seitn. De kiazan Seitn nennt ma Kathetn und se schliaßn in rechtn Wünki ei; de länga Seitn wiad aa Hüpotenusn gnaunnt. Vu de Bezeichnungen kimmt da bessa klingade Leahsotz

„In am rechtwünklign Dreieck entspricht de Summe vu de Flächninhoite vu de Kathetnquadrate da Flächn vum Hüpotenusnquadrat“.

Ois Gleichung notiat schreibt si des so: , wobei und fia de zwoa Kathetn steht und de Läng vu da Hüpotenusn is.

Umgekeaht bsogt da Sotz vum Pythagoras aa, dass a jeds (in am emnen Raum glengs) Dreieck, in dem de obige Forml a wohre Aussog liefat, rechtwünklig sei muaß. In da modeanen Mathematik hüift da Sotz, damit ma aa in am abstraktn Raum oathogonale Vahötnisse außafindn kau.

Dea Leahsotz is noch'm Pythagoras vu Samos benaunnt und is de theoretische Ausformuliarung vum praktischn Wissn, des schau de Baumoasta und Priesta in Indien, Babylon und Oidegyptn ghobt haum. De haums nämli schau vastaundn, beim Obmessn vu am Föid oda aa beim Baun mit da Hüife vu Seile an genaun rechtn Wünki z'mochn. Schau a kloane Obweichnung vum rechtn Wünki hätt bei großdimensioniate Bautn im Endeffekt zu ana Katastrophn füahn kina, wos kloa mocht, wia genau si de schau auskennt hom.

Other Languages
Alemannisch: Satz des Pythagoras
azərbaycanca: Pifaqor nəzəriyyəsi
žemaitėška: Pėtaguora teuorema
беларуская: Тэарэма Піфагора
беларуская (тарашкевіца)‎: Тэарэма Пітагора
emiliàn e rumagnòl: Tioréma 'd Pitàgora
hornjoserbsce: Sada Pythagorasa
Bahasa Indonesia: Teorema Pythagoras
Lingua Franca Nova: Teorem de Pitagora
lietuvių: Pitagoro teorema
Bahasa Melayu: Teorem Pythagoras
davvisámegiella: Pythagorasa cealkka
srpskohrvatski / српскохрватски: Pitagorina teorema
Simple English: Pythagorean theorem
slovenčina: Pytagorova veta
slovenščina: Pitagorov izrek
Türkçe: Pisagor teoremi
татарча/tatarça: Pifagor teoreması
українська: Теорема Піфагора
oʻzbekcha/ўзбекча: Pifagor teoremasi
vepsän kel’: Pifagoran teorem
Tiếng Việt: Định lý Pythagoras
吴语: 勾股定理
中文: 勾股定理
文言: 勾股定理
Bân-lâm-gú: Pythagoras tēng-lí
粵語: 勾股定理