مریخ

Mars Astronomical symbol of Mars
Mars appears as a red-orange globe with darker blotches and white icecaps visible on both of its poles.
Mars in natural color in 2007[lower-alpha ۱]
Designations
PronunciationUK English: /mɑːz/
US English: Listeniz/
AdjectivesMartian
Orbital characteristics[۲]
Epoch J2000
Aphelion۲۴۹۲۰۰۰۰۰ کیلومتر
(۱۵۴۸۰۰۰۰۰ مایل; ۱٫۶۶۶ یکای نجومی)
Perihelion۲۰۶۷۰۰۰۰۰ کیلومتر
(۱۲۸۴۰۰۰۰۰ مایل; ۱٫۳۸۲ یکای نجومی)
Semi-major axis
۲۲۷۹۳۹۲۰۰ کیلومتر
(۱۴۱۶۳۴۹۰۰ مایل; ۱٫۵۲۳۶۷۹ یکای نجومی)
Eccentricityخطای لوآ در ماژول:Val در خط 267: attempt to call local 'lookup' (a nil value).
Orbital period
۶۸۶٫۹۷۱ روز
(۱٫۸۸۰۸۲ سال; خطای لوآ در ماژول:Val در خط 267: attempt to call local 'lookup' (a nil value). sols)
Synodic period
۷۷۹٫۹۶ روز
(۲٫۱۳۵۴ سال)
Average orbital speed
۲۴٫۰۰۷ کیلومتر بر ثانیه
(۸۶۴۳۰ کیلومتر بر ساعت; ۵۳۷۰۰ مایل بر ساعت)
Mean anomaly
خطای لوآ در ماژول:Val در خط 267: attempt to call local 'lookup' (a nil value).
Inclination
  • خطای لوآ در ماژول:Val در خط 267: attempt to call local 'lookup' (a nil value). to ecliptic;
  • خطای لوآ در ماژول:Val در خط 267: attempt to call local 'lookup' (a nil value). the گونش's استوا خطی;
  • خطای لوآ در ماژول:Val در خط 267: attempt to call local 'lookup' (a nil value). to invariable plane[۱]
Longitude of ascending node
خطای لوآ در ماژول:Val در خط 267: attempt to call local 'lookup' (a nil value).
Argument of perihelion
خطای لوآ در ماژول:Val در خط 267: attempt to call local 'lookup' (a nil value).
Satellitesمریخ قمرلری
Physical characteristics
Mean radius
۳۳۸۹٫۵ ± ۰٫۲ کیلومتر[lower-alpha ۲][۳]
(۲۱۰۶٫۱ ± ۰٫۱ مایل)
Equatorial radius
۳۳۹۶٫۲ ± ۰٫۱ کیلومتر[lower-alpha ۲][۳]
(۲۱۱۰٫۳ ± ۰٫۱ مایل; 0.533 Earths)
Polar radius
۳۳۷۶٫۲ ± ۰٫۱ کیلومتر[lower-alpha ۲][۳]
(۲۰۹۷٫۹ ± ۰٫۱ مایل; 0.531 Earths)
Flatteningخطای لوآ در ماژول:Val در خط 267: attempt to call local 'lookup' (a nil value).
Surface area
۱۴۴۷۹۸۵۰۰ کیلومترمربع[۴]
(۵۵۹۰۷۰۰۰ مایل‌مربع; 0.284 Earths)
Volumeخطای لوآ در ماژول:Val در خط 267: attempt to call local 'lookup' (a nil value).[۵]
(0.151 Earths)
Massخطای لوآ در ماژول:Val در خط 267: attempt to call local 'lookup' (a nil value).[۶]
(0.107 Earths)
Mean density
۳٫۹۳۳۵ گرم بر سانتیمتر مکعب[۵]
(۰٫۱۴۲۱ پوند بر اینچ مکعب)
Surface gravity
۳٫۷۱۱ متر بر مجذور ثانیه[۵]
(۱۲٫۱۸ فوت بر مجذور ثانیه; 0.376 g)
Moment of inertia factor
خطای لوآ در ماژول:Val در خط 267: attempt to call local 'lookup' (a nil value).[۷]
Escape velocity
۵٫۰۲۷ کیلومتر بر ثانیه
(۱۸۱۰۰ کیلومتر بر ساعت; ۱۱۲۵۰ مایل بر ساعت)
Sidereal rotation period
خطای لوآ در ماژول:Val در خط 267: attempt to call local 'lookup' (a nil value).
24h 37m 22s[۵]
Equatorial rotation velocity
۸۶۸٫۲۲ کیلومتر بر ساعت
(۲۴۱٫۱۷ متر بر ثانیه; ۸۶۸٫۲۲ کیلومتر بر ساعت; ۵۳۹٫۴۹ مایل بر ساعت)
Axial tilt
خطای لوآ در ماژول:Val در خط 267: attempt to call local 'lookup' (a nil value). to its orbital plane[۸]
North pole right ascension
خطای لوآ در ماژول:Val در خط 267: attempt to call local 'lookup' (a nil value).
21h 10m 44s
North pole declination
خطای لوآ در ماژول:Val در خط 267: attempt to call local 'lookup' (a nil value).
Albedo
Surface temp.minmeanmax
Kelvin130 K210 K[۸]308 K
Celsius−143 °C[۱۱]−63 °C35 °C[۱۲]
Fahrenheit−226 °F[۱۱]−82 °F95 °F[۱۲]
Apparent magnitude
+1.6 to −3.0[۱۰]
Angular diameter
3.5–25.1″[۸]
Atmosphere[۸][۱۳]
Surface pressure
0.636 (0.4–0.87) kPa
۰٫۰۰۶۲۸ اتمسفر استاندارد
Composition by volume
مریخ

مارس یا مریخ دوردونجو سیاره گونش سیستمینده. یئردن اۇزاق یورونقودا(مدار)، یئردن آز گئدیمده گونش دوره‌سینه دولانیر. هر بیر دولانیشی ۶۸۷ گون (یئر گونو) اولور و هر برک اورام گئجه گوندوزو، یئر گونوندن بیر آز اوزون اولور. اسکی یازیلاردا آدی بئشینجی سایس راواق یازیلیب.

یئرکوره‌سی‌نین یاریسیجا اولور و قوطر ۶۷۹۰ کیلومتیر اولور (یئر چاپی ۱۲٬۷۵۶ کیلومتیر). گونش ایشیقی کی مریخ اوزونه دوشور یئره دوشن ایشیقین یاریسیجا اولور. امما اونون گونو ۴۰ دقیقه یئر گونوندن اوزوندی. برک اورام گوندن آلان ایشیقی یئرده قیش کیمی اولور. اونا گوره گولخانا قورماقا یاخچی اولار.

مریخ گئجه گونلری ۲۴ ساعات ۳۷ دقیقه اولور. یئره تای ۲۴ درجه یورونقوسو کج اولور و بۇ کجلیق و ایریلیق قیش ویای فصلین یارادیر. اونون بیر ایلی یئرین ایکی برابری اولور و ۶۸۷ گون اولور. اتوموسفری قیرمیز اولور گئجه اونون قیرمیز بویاقی بیلینیر.ایکی اویدوسی وار فوبوس ودیموس آدیندا.بو اویدولار قاریشیق اوزلری وار.بئله بیلینیر کی بۇ اویدولار باشدا گوک داشلار اولوردو کی اونون چکمه سینه دوشوبلر.بیر کیمسه مارس اوزونده اولسا بیرگونده فوبوس اوچ دفعه باتیب و دوغولار.دیموس ,فوبوسون یاریسیجا اولور و مارس اوزوندن بیر اوْلدوز کیمی گوروشئر.فوبوس ۷ ساعت و ۳۹ دقیقه و۲۷ ثانیه ده بیر دوره مریخ باشینا فیرلانیر.ان بؤیوک داغ گونش سیتمینده اولمپوس داغی آدیندا و ان درین دره بۇ گزگنده اولور.بو گزگن اوزو چوپور اولور و بیلینیر چوخلو گوک داشلار بۇ گزگنده دوشوب.

فیزیکی خصوصیّتلری

مریخین دیامتری تقریباً یئراینکینین یاریسی‌دیر. اوْ، یئردن داها آز سیخدیر، حجمی تقریباً یئرین حجمی‌نین ۱۵%-i و کۆتلهسی تقریباً یئرین کۆتله‌سینین ۱۱%- قدردیر. اوْنون سطحی‌نین اراضیسی یئرین قۇرو اراضیسینین تام ساحه‌سیندن بیر آز داها آزدیر /> مریخین مرکوریدن داها بؤیوک و داها آغیر اوْلماسینا باخمایاراق، مرکوری‌نین سیخ‌لیغی داها چوْخ‌دور. بۇ هر ایکی گزگنین سطحه دۇغرو جاذیبه قوه‌سینین تقریباً عینی اوْلماسی ایله نتیجه‌لنیر؛ مریخین جاذیبه قوه‌سی مرکوری‌نین جاذیبه قوه‌سیندن گۆج‌لودور (۱%-دن آز اوْلماقلا). مریخ سطحی‌نین قیرمیزی- نارینجی گؤرونوشونون سببی دمیر(III) اوْکسید و یا داها چوْخ بیلینن آدی ایله هماتیت و یا پاس‌دیر. و مینراللاردان وابسته اوْلاراق دیگر عۆمومی سطح رنگلرینه قیزیل رنگی، قهوه‌ای، ساری- دارچینی و یاشیلایمتیل داخیلدیر.

داخیلی قۇرولوشو

یئر کیمی بۇ گزگن ده طبقه‌لره آیریلمایا معروض قالیب و بۇ دا سیخ، دمیر‌لیک نۆوه سفراسینین داها آز سیخ ماده لرلا اؤرتولمه‌سینه سبب اوْلوب گزگنین اینتریئری‌نین چاغداش موْدللری نۆوه سفراسینین رادیوسونو تقریباً ۱،۷۹۴ ± ۶۵ کیلومتر اوْلاراق گومان ائدیر و اوْنو تقریباً ۱۶–۱۷% کوکوردله بیرلیکده، اساساً، دمیر و نیکلدن تشکیل ائدیلمیش حساب ائدیر. بۇ دمیر سولفید نۆوه‌سی قیسمن مایع ‌دیر و اوْندا مؤوجود اوْلان یونگول المنتلرینین غلظتی یئرین نۆوه‌سینده اوْلان‌دان ایکی دفعه چوْخ‌دور. نۆوه گزگن‌ده‌کی تختونیک و یانارداغایک جهتلرین چوْخونو فورمالاشدیران سیلیکات مانتییا طبقه‌سی ایله کاپسام ائدیلمیشدیر، آنجاق ایندی حرکت‌سیزدیر. سیلیکون و اوکسیژندن باشقا مریخین قابیغیندا ان چوْخ یاییلان المنتلر دمیر، منیزیوم، آلومینیوم، کلسیوم و پوتاسیومدور. گزگنین قابیغینین اوْرتا قالین‌لیغی تقریباً ۵۰ کیلومتردیر، ماکسیموم قالین‌لیق ۱۲۵ کیلومتردیر. اوْرتالاماسی ۴۰ کیلومتر اوْلان یئرین قابیغی ایکی گزگنین اؤلچولرینه باغلی اوْلاراق مریخین قابیغینین قالینلیغینین اۆچده بیری قدردیر. ۲۰۱۶-جی ایل اۆچون پلانلاشدیریلان ınsight انمه آپاراتی مریخین اینتریئری‌نین موْدللرینی محدودلاش‌دیرماق اۆچون سئیسموقرافدان ایستیفاده ائده‌جک.

سطح ژئولوژی سی

مریخ یئر کیمی گزگندیر، یعنی سیلیکون و اوکسیژندن تشکیل اوْلونان مینراللار، دمیرلار و عادتاً داش عمله گتیرن باشقا کیمیاسال المنتلرلردن تشکیل اوْلونموش‌دور. مریخین سطحی باش‌لیجا اوْلاراق تولییتیک بازالتدان تشکیل اوْلونموش‌دور، آنجاق بعضی حیصّه ‌لر بازالت‌دان داها چوْخ سیلیکون اوْکسیدله زنگین‌دیر. بۇ دا یئرده و یا سیلیکون اوْکسید شوشه‌سینده اوْلان آندزیتیک داشلارلارا اوْخشاردیر. آشاغی آلبدولو بؤلگه لاردا پلاقیوکلاز فلدیسپات واردیر. قوزئی آشاغی آلبدولو بؤلگه لار ایسه طبقه سیلیکاتلاری و یۆکسک سیلیکون‌لو شوشهنین نورمال میقدارین‌دان داها چوْخونا صاحیب‌دیر. گونئی داغلیق حیصّه ‌لره یۆکسک کلسیوم‌لو پیروکسن داخیلدیر. بیرده، بللی اراضیلرده خاص هماتیت و اوْلیوین ده تاپیلمیش‌دیر. سطحین چوْخ حیصّه ‌سی نارین دنه‌لی دمیر(III) اوْکسید تۇزو ایله اؤرتولموش‌دور.

مریخین یاپیسال(ساختار)لاشمیش کۆره سل ماقنیت ساحه‌سینین اوْلماسی باره‌ده هئچ بیر ثبوت اوْلماسا دا، مۆشاهیده‌لر گؤستریر کی، گزگن قابیغینین حیصّه ‌لری مغناطیس اوْلوب و کئچمیش‌ده اوْنون ایکی قوطبلو ساحه‌سینین دالغالی قۆطبلوک فاصیله‌لری باش وئریب. مغناطیس جهت‌دن حسّاس مینراللارین بۇ پالوماقنتیزمی یئرین اوقیانوس دیبین‌ده‌کیلره اوْخشاردیر. ۱۹۹۹-جو ایلده چاپ ائدیلن و ۲۰۰۵-جی ایلین اۇکتوبر یندا یئنی‌دن نظر سالینان بیر نظریه بۇدور کی، بۇ دالغالار مریخ‌دا ۴ میلیارد ایل اوّل گزگن دینامونون خۆصوصیتینی دایاندیرماسی و گزگنین ماقنیت ساحه‌سینین ضعیفلمه‌سیندن اوّل پلیته‌لرین تکتونیکاسینی عکس ائتدیریر.

گۆنش سیستمینین فوْرمالاشماسی زامانی مریخ گۆنش اطرافیندا فیرلانان پروتوپلانتار دیسک‌دن کناردا هیز‌لی بؤیومه‌نین ایستوکاستیک(اتّفاقی) پروسسی نتیجه‌سینده یارانمیش‌دیر. مریخین گۆنش سیستمین‌ده‌کی یئرینه اۇیغون چوْخلو کاراکتریستیک کیمیوی خۆصیّتلری وار. نیسبتاً آشاغی قایناما تِمپراتورو اوْلان المنتلری (کولور، فوْسفور و کوکورد) یئردن داها چوْخ مریخ‌دا عۆمومی‌دیر؛ بۇ المنتلر جاوان اۇلدوزون انرژتیک گۆنش کولیی طرفیندن گۆنشه یاخین اراضیلردن گتیریلیب.

گزگنلرین فوْرمالاشماسیندان سوْنرا اوْنلارین هامی‌سی سوْن آغیر بومباردمانا معروض قالدی. مریخین سطحی‌نین تقریباً ۶۰%-i بۇ ارانین توْققوشمالارینی گؤستریر، آنجاق بۇ حادیثه‌لرین سبب اوْلدوغو چارپیشمادان سوْنرا یارانان گئنیش حؤوزه‌لر بلکه ده سطحین قالان حیصّه ‌سینین تملینی تشکیل ائدیر. مریخین شیمال یاریمکوره‌سینده ۱۰۶۰۰×۸۵۰۰ کیلومتر لیک اراضینی کاپسام ائدن بؤیوک ائتکی حؤوزه‌سینین ایزی وار. اوْ، آیین جنوب قۆطبو-آیتکن حؤوزه‌سیندن تقریباً ۴ دفعه بؤیوک‌دور و ایندییه قدر کشف ائدیلمیش ان بؤیوک ائتکی حؤوزه سی‌دیر. بۇ نظریه تکلیف ائدیر کی، مریخ تقریباً ۴ میلیارد ایل اوّل پلوتون ایله عینی اؤلچولو جیسیم‌له توْققوشوب. مریخین یاریمکوره دیخوتومییاسینا سبب اوْلدوغو فیکیرلشیلن حادیثه گزگنین ۴۰%-i کاپسام ائدن هامار بورالیس حؤوزه‌سینی یارادیب.

مریخ داش اؤز ماوی-بوز اینتریئرینی مریخ علم لابوراتوریاسینا آچیب.

مریخین ژئولوژی تاریخی بیر چوْخ دؤورلره بؤلونه بیلر آنجاق آشاغی‌داکی اۆچ دؤور ان اساسلاری‌دیر:

  • نوح دؤورو (آدینی نوح اراضی‌سیندن آلیب): ۴.۵ میلیارد ایل بۇندان اوّل‌دن ۳.۵ میلیارد ایل بۇندان اوّله قدر مریخین ان قدیم سطحی‌نین فوْرمالاشماسی. چوْخ سایدا بؤیوک چارپیشمادان سوْنرا یارانان کراترلری نوح دؤورونون سطحینده ایزی‌نی بوراخیب. تارسیس قاباریقلیغینین - وولکانیک داغلیق حیصّه ‌نین دؤورون سوْنلارین‌داکی مایع سۇیون گئنیش بیر شکیل‌ده داشماسی ایله بۇ دؤور زامانی عمله گلدیی فیکیرلشیلیر.
  • هسپریان دؤور (آدینی هسپریا یایلاسیندان آلیب): ۳.۵ میلیارد ایل بۇندان اوّل‌دن ۲.۹–۳.۳ میلیارد ایل اوّله قدر. هسپریان دؤور گئنیش لاوا دوزن‌لیکلری‌نین فوْرمالاشماسی ایله قئید اوْلونور.
  • آمازونیان دؤور (آدینی آمازونیس دوزنلیین‌دن آلیب): ۲.۹–۳.۳ میلیارد ایل اوّل‌دن ایندییه قدر. آمازونیان بؤلگه لارینین آز متوریت‌له چارپیشمادان یارانان کراترلری وار، آنجاق دیگرلری چوْخ فرق‌لیدیر. اوْلیمپ داغی مریخین باشقا یئرین‌ده‌کی لاوا آخینلاری ایله یاناشی اوْلاراق بۇ دؤورده یارانیب.

مریخ‌دا هله ده بعضی ژئولوژی فعالیّتلر باش وئریر. آتاباسکا دره‌سی تقریباً ۲۰۰ میلیون ایله قدر لاوا آخینلارینین اوْلدوغو یئردیر. سربروس چوخورلاری آدلانان قرابنلرده‌کی سۇ آخینلاری ۲۰ میلیون ایلدن آز بیر مدت‌ده باش وئریر و بۇ دا حال-حاضیرکی اینتروزییالاری (ماقمانین یئر قابیغی آراسینا دولماسی) گؤستریر. ۱۹ فوْریه ۲۰۰۸-جی ایلده مریخ کشفیّات اوْربیتردن گلن شکیللر ۷۰۰ مترلیک هۆندور سیلدیریمدان گلن قار اۇچقونونون دلیلینی گؤستردی.

توْرپاغی

ایسپیریت رووری طرفیندن آشکار ائدیلمیش سیلیسوم اوْکسیدله زنگین تۇز

فونیکس انمه آپاراتی مریخین توْرپاغینین بیر آز قلیایی اوْلدوغونو و ترکیبینده منیزیوم، سودیوم، پوتاسیوم و کولور کیمی المنتلرین اوْلدوغونو گؤسترن معلومات وئردی. بۇ ماده‌لر یئر گزگنینده باغلاردا تاپیلیر و اوْنلار بیتکیلرین بؤیومه‌سی اۆچون واجیب‌دیر.

مریخ‌دا بیر چوْخ ایزلر تاپیلیر و یئنی ایزلر تئز-تئز کراترلرین، چؤکک‌لیکلرین و دره‌لرین دیک یاماجلاریندا اوْرتایا چیخیر. ایزلر اوّل قارا اوْلور و واخت کئچدیکجه آغاریر. بعضاً ایزلر بالاجا اراضیلرده یارانیر و یوزلرله متر اراضییه قدر یاییلیر. اوْنلار هم ده آشینمیش داش پارچالارینین کنارلارینی و یوْللارین‌داکی دیگر مانع لری کئچرکن گؤرولور. عموماً قبول ائدیلن نظریه‌لره ایزلرین تۇز و یا تۇز بۇرولغانی اۇچقونلاریندان سوْنرا یارانماسی و توْرپاغین قارانلیق آلت طبقه‌لری اوْلماسی داخیلدیر. بیر چوْخ ایضاحلار ایر‌لی سۆرور کی، اوْنلاردان بعضیلری سۇ ایله و حتی اوْرقانیزملرین بؤیومه‌سی ایله علاقه دار.

هیدرولوژیسی

شانس طرفیندن چکیلمیش فوتومیکروقراف بوز هماتیت کۆتله‌سینی گؤستریر و بۇ دا مایع سۇیون کئچمیش‌ده مؤوجود اوْلماسینی تعیین ائدیر.

قیسا دؤورلار عرضینده آشاغی یۆکسک‌لیکلر استثنا اوْلماقلا، مایع سۇ آشاغی آتموسفر تضییقینه گؤره (یئردکین‌دن ۱۰۰ دفعه ضعیف) مریخین سطحینده مؤوجود اوْلا بیلمز. بۇز سۇیون بؤیوک میقدارینین مریخین قالین کریوسفرینده قالدیغی فیکیرلشیلیر. مریخ اکسپرس و مریخ کشفیّات اوْربیترایندن گلن رادار معلوماتی هر ایکی قۆطب‌ده (جۇلای ۲۰۰۵-جی ایل) و اوْرتا ان دایره‌لرینده (نوْامبر ۲۰۰۸-جی ایل) بۇز سۇیون بؤیوک میقدارینین اوْلماسینی گؤستریر. فونیکس انمه آپاراتی ۳۱ جۇلای ۲۰۰۸-جی ایلده سطحی مریخ توْرپاغیندا اوْلان بۇز سویو نومونه کیمی گؤتوردو.

مریخ‌دا گؤرونن سطح خۆصیّتلری مایع سۇیون ان آزین‌دان بعضاً گزگنین سطحینده مؤوجود اوْلدوغونو گؤستریر. تمیزلنمیش اراضی‌نین بؤیوک خطی زولاقلاری (آخین کاناللاری اوْلاراق بیلینیر) سطحی تقریباً ۲۵ یئرده کسیر. بعضی قورولوشلارین بوزلاقلارا و یا لاوایا گؤره یاراندیغی فیکیرلشیل‌سه ده، بۇنلارین یئرآلتی سۆکئچیریجی داشلارلاردان سۇیون چیخماسی زامانی باش وئرن اروزییایا گؤره عمله گلدیکلری فیکیرلشیلیر. ان بؤیوک نومونه‌لردن بیری - ما'آدیم والیس ۷۰۰ کیلومتر اۇزونلوغون‌دادیر و ۲۰ کیلومتر انی و ۲ کیلومتر درین‌لییی ایله بؤیوک کانیون‌دان داها بؤیوک‌دور. اوْنون مریخ تاریخی‌نین ارکن واختیندا آخان سۇ ایله اراضییه قازیندیغی فیکیرلشیلیر. بۇ کاناللارین ان گنجلری‌نین یالنیز بیر نچه میلیون ایل بۇندان اوّل فورمالاشدیغی فیکیرلشیلیر. باشقا یئرلرده، اؤزل‌له مریخ سطحی‌نین ان قدیم اراضیلرینده دره‌لرین اینجه، دنتریتیک شبکه‌لری لاندشافتین مؤهوم حیصّه ‌لرینه یاییلیب. بۇ دره‌لرین خۆصیّتلری و یاییلماسی گؤستریر کی، اوْنلار ارکن مریخ تاریخینده یاغیش و یا قار یاغماسینین سبب اوْلدوغو آخینتی ایله یارانیبلار. یئرآلتی سۇ آخینی و قرونت سولارینین تپه مایلینه گله‌رک توْرپاغی مایل‌دن یویوب آپارماسی بعضی شبکه‌لرده واجیب کؤمک‌چی روْل اوْینایا بیلر، آنجاق چؤکمه دمک اوْلار کی، بۆتون حاللاردا کسیلمه‌نین اساس سببی‌دیر.

کراتر و کانیون سدلری بویونجا یئر کیمی یارغانلارا اوْخشار مینلرله اؤزللیکلر وار. یارغانلار، اساساً، جنوب یاریمکوره‌سینین یۆکسک اراضیلرینده و اکوادورا طرف اوْلور، هامی‌سی ۳۰° قۆطبه طرف یؤنلیر. بیر چوْخ مؤلفلر تکلیف ائدیب کی، اوْنلارین فوْرمالاشما پروسسی مایع سۇ (بؤیوک احتیماللا ارین بۇزدان) ایله علاقه دار، آنجاق باشقالاری کربون دیوکسید قیرووو و یا قۇرو تۇزون حرکتی ایله علاقه دار فوْرمالاشما مخانیزملرینی دستکلییر. قیسمن خاراب اوْلموش یارغانلار آشینما ایله یارانماییب و یئنی خاصه‌لر علاوه ائدیلمیش، چارپیشمادان سوْنرا یارانان کراترلر مۆشاهیده ائدیلمه‌ییب. بۇ ایکی حقایق گؤستریر کی، بۇنلار جاوان اؤزللیکلردیر و بؤیوک احتیماللا حال-حاضیردا دا فعّالدیر.

دلتالار و آللوویال کونوسلار کیمی باشقا ژئولوژی اؤزللیکلر ارکن مریخ تاریخین‌ده‌کی بعضی اینتروال و یا اینترواللاردا ایستی، نم شرطلرین اوْلدوغونو گؤستریر. بئله دۇروملر سطحین بؤیوک حیصّه ‌سی بویونجا کراتر گؤللری‌نین اوْلماسینی طلب ائدیر. بعضی مؤلفلر اۇزاغا گده‌رک ادعا ائدیرلر کی، مریخ کئچمیشی‌نین بعضی واختلاریندا گزگنین آشاغی قوزئی دوزن‌لیکلری‌نین چوْخو یوز مینلرله درین‌لییه مالیک اوقیانوسلا اؤرتولموش‌دور، آنجاق بۇ ادعا مۆباحیثه‌لی اوْلاراق قالیر.

Yellowknife بای داشلارلارینین ترکیبی، داشلار دامارلاری کلسیوم و کوکوردده "یوْل" توْرپاقلاریندان داها چوْخ‌دور، آپخس نتیجه‌لری – ماراق رووری (مارس ۲۰۱۳).

مریخین سطحینده سۇیون مؤوجود اوْلماسی ایله باغلی باشقا بیر دلیل ایسه بعضاً سۇ مؤوجود اوْلان‌دا فورمالاشان هماتیت و قوتیت کیمی خاص مینراللارین بللی ائدیلمه‌سی‌دیر. قدیم سۇ حؤوزه‌لری و آخینلارینی تعیین اتدیینه اینانیلان بعضی دلیللر مریخ کشفیّات اوْربیترین آپاریلدیغی دقیق آراشتیرمالار طرفیندن اینکار ائدیلیب.-جو ایلده شانس یاروسیت مینرالینی بللی ائدیب. بۇ یالنیز اسیدی سۇیون مؤوجودلوغو زامانی فورمالاشیر و بۇ دا سۇیون نه واخت‌سا مریخ‌دا مؤوجود اوْلدوغونو گؤستریر. مایع سۇ اۆچون یئنی ثبوتلار ۲۰۱۱-جی ایلین دسامبر یندا ناسا-این مریخ رووری طرفیندن سطح‌ده مینرال گیپ‌سین تاپیلماسیندان گلیر. علاوه اوْلاراق، تقیقات رهبری فرانسیس ماککابین ( آلبوکرکهده‌کی نیو-مکسیکو بیلیم یوردونون عالیمی) مریخین کریستال مینراللارینین هیدروکسیللرینه باخاراق دییر کی، مریخین یۇخاری مانتییاسین‌داکی سۇیون میقداری یئردکینه برابردیر و یا چوْخ‌دور (بیر میلیون سۇ اۆچون ۵۰-۳۰۰ حیصّه ) و بۇ بۆتون گزگنی ۲۰۰-۱۰۰۰ متر درینلیینه قدر اؤرتمک اۆچون کیفایت‌دیر. ۱۸ مارس ۲۰۱۳-جو ایلده ناسا ماراق روورین‌ده‌کی آلتلردن "تینتینا" داشلارونون و "سوتتون اینلیر" داشلارونون پارچالانمیش حیصّه ‌لری‌نین داخیل اوْلدوغو بیر سیرا داشلار نومونه‌لرینده و "کنورر" داش آند "Wernicke" داش کیمی باشقا داشلارلارداکی دامارلاردا و پارچالاردا هیدراتلاشمانین، چوْخ گومان کی، هیدراتلاشمیش کلسیوم سولفاتین ثبوتو حاقیندا معلومات وئردی.

۲۸ سپتامبر ۲۰۱۵-جی ایلده ناسا آچیقلاماسیندا مریخ‌دا مایع حالیندا سۇ تاپدیغینی بیلدیردی

قۆطب اؤرتوکلری

مریخین ایکی دایمی قۆطب بۇز اؤرتویو وار. قۆطب قیشی عرضینده اوْ، سطحی سویوداراق و آتموسفرین ۲۵–۳۰%-ین جو۲ بۇزو پارچالاری شکلینده ( قۇرو بۇز) چؤکمه‌سینه سبب اوْلاراق دایمی قارانلیق‌دا اۇزانیر.قۆطبلر تزه‌دن گۆنش شواسینا معروض قالان‌دا دوْنموش جو۲ سوبلیماسییا ائدیر (مایع حالینا کئچمه‌دن بیرباشا بوخارلانیر). بۇ ساعت‌دا ۴۰ کیلومتر هیز‌له قۆطبلری سوپورن بؤیوک کولکلره سبب اوْلور. بۇ مؤوسومی حادیثه‌لر بؤیوک میقداردا تۇز و سۇ بوخارینی حرکت ائتدیریر و یئره بنزر شاختا و بؤیوک للک‌لی بۇلودلارین یارانماسینا سبب اوْلور. ۲۰۰۴-جو ایلده سۇ-بۇز بۇلودلارینین شکیللری شانس رووری طرفیندن چکیلیب.

هر ایکی قۆطب‌ده قۆطب اؤرتوکلری باش‌لیجا اوْلاراق بۇز سۇدان تشکیل اوْلونوب. دوْنموش کربون دیوکسید شیمال یاریمکوره‌سی قیشیندا شیمال اؤرتویون‌ده تقریباً ۱ متر قالینلیغیندا اوْلان نیسبتاً اینجه طبقه شکلینده ییغیلیر، هالبوکی جنوب اؤرتویونون تقریباً ۸ متر قالینلیغیندا اوْلان دایمی قۇرو بۇز اؤرتویو وار. جنوب قۆطبونو اؤرتن بۇ دایمی بۇزلارین اۆزرینده هامار سطح‌لی، دایاز، تخمیناً دایروی چوخورلار سپلنیب. بۇ چوخورلار هر ایل مترلرله آرتان گؤرونتولری تکرارلاییر؛ بۇ حقایق گؤستریر کی، جنوب قۆطبونون بۇز سۇ قاتینی اؤرتن دایمی جو۲ اؤرتویو واخت کئچدیکجه کیچیلیر. شیمال قۆطب اؤرتویونون دیامتری قوزئی مریخ یایی عرضینده تقریباً ۱۰۰۰ کیلومتر اوْلور و تقریباً ۱.۶ میلیون km۳ بۇز ساخلاییر. بۇ بۇز اؤرتوک بوْیو برابر شکیل‌ده یاییل‌سا، ۲ کیلومتر قالینلیغیندا اوْلار. (بۇزون حجمی قرنلاندیانین بۇز حجمی ۲.۸۵ میلیون km۳ اوْلان بۇز طبقه‌سی ایله مؤ قایسه ائدیله بیلر.) جنوب قۆطب اؤرتویونون دیامتری ۳۵۰ کیلومتردیر و ۳ کیلومتر قالینلیغیندادیر. جنوب قۆطب اؤرتویون‌ده‌کی بۇزون و یاخین لای‌لی یاتاقلارین تام حجمی ۱.۶ میلیون km۳ کیمی دیرلندیریلیر. هر ایکی قۆطب اؤرتویون‌ده ایسپیرال تروقلار وار. سهاراد رادارینین آنالیزی گؤستردی کی، تروقلار کوریولیس اثرینه گؤره ایسپیرال اوْلان کاتاباتیک کولکلرین ایشی‌نین نتیجه‌سی‌دیر. گونئی بۇز اؤرتویونه یاخین بعضی اراضیلرین مؤوسومی اوْلاراق دونماسی توْرپاق اۆزرینده شفاف، ۱ متر قالینلیغیندا اوْلان قۇرو بۇز لؤوهه‌لری‌نین فوْرمالاشماسینا سبب اوْلور. یازین گلمه‌سی ایله گۆنش ایشیغی یرالتینی ایسی‌دیر، سوبلیماسییایا اۇغرایان جو۲-ین تضییقی لؤوهه آلتیندا گۆج‌لنیر، اوْنو قالدیریر و آخیردا سیندیریر. بۇ بازالتیک قوم و یا تۇزلا قاریشمیش جو۲ قازینین قیزره بنزر پارتلاییشلارینا سبب اوْلور. پروسس هیز‌له باش وئریر و بیر نچه گۆن، هفته و یا آی آرالیغیندا مۆشاهیده ائدیلیر. لؤوهه‌نین آلتین‌دان قیزرین اوْلدوغو یئره قاچان قاز بۇز آلتیندا رادیال کاناللار (هؤرومچیین اتدیینه بنزر) اوْیور. پروسس سۇ آخیب گئتمه‌سی اۆچون ایستیفاده ائدیلن دلیک ایچری‌سیندن سۇیون گئتمه‌سی ایله فورمالاشان اروزییا شبکه‌سینین ترس مُعادلی‌دیر.

جوغرافیاسی و سطحی‌نین خۆصیّتلری‌نین آدلاندیریلماسی

مولا-یا اساسلانان توپوقرافیک خریطه. مریخین جنوب یاریمکوره‌سینده داغلیق اراضیلر (قیرمیزی و نارینجی)، شیمال یاریمکوره‌سینده اوْوالیق اراضیلر (ماوی) اۆستونلوک تشکیل ائدیر. وولکانیک یایلالار بعضی بؤلگه لاردا شیمالی دوزن‌لیکلری آییریر، داغلیق اراضیلر ایسه توققوشمادان سوْنرا یارانمیش بیر سیرا بؤیوک کراترلر طرفیندن کسیلیر.

ایوهان هنریخ مدلر و ویلهلم بر آیین خریطه چکمه‌سی ایله خاطیرلان‌سالار دا، اوْنلار ایلک "آروقرافلار" ایدیلر. اوْنلار مریخین سطح خۆصیّتلری‌نین دییشمز اوْلدوغونو بللی ائتمک‌له و گزگنین فیرلانما دؤورونو دقیق‌لیک‌له بللی ائتمک‌له ایشلرینه باشلادیلار. ۱۸۴۰-جی ایلده مدلر ۱۰ ایلین مۆشاهیده‌لرینی بیرلشدیردی و مریخین ایلک خریطه‌سینی چکدی. بر و مدلر آد وئرمکدن‌سه، قئیدلری حرفلرله گؤستردیلر؛ مریدیان بای اؤزللیک "آ" ایدی.

ایندیکی زاماندا مریخ‌داکی اؤزللیکلر مۆختلیف قایناق‌لره گؤره آدلاندیریلیب. آلبدو خۆصیّتلری کلاسیک میفولوژی گؤره آدلاندیریلیب. ۶۰ کیلومتر دن بؤیوک کراترلر مرهوم عالیملر، مؤلفلر و مریخین آراشتیرمای ایله علاقه‌سی اوْلان باشقا شخصلره گؤره آدلاندیریلیب. ۶۰ کیلومتر دن کیچیک کراترلر ایسه دۆنیانین ۱۰۰ مین‌دن آز اهالی‌سی اوْلان شهر و کندلرینه گؤره آدلاندیریلیب. بؤیوک دره‌لر مۆختلیف دیللرده‌کی "مریخ" و "اۇلدوز" سؤزلری ایله آدلاندیریلیب؛ کیچیک دره‌لر ایسه چایلارا گؤره آدلاندیریلیب.

بؤیوک آلبدو خۆصیّتلری کؤهنه آدلارین بیر چوْخونو ساخلاییر، آنجاق اؤزللیکلرین طبیعتی حاقیندا یئنی معلوماتلاری عکس اتدیرمک اۆچون تئز-تئز تزه‌لنیر. مثلاً، نیخ اوْلیمپیجا (اوْلیمپین قارلاری) اوْلیمپوس مونس ( اوْلیمپ داغی) اوْلوب. مریخین سطحی یئردن گؤروندویو کیمی فرقلی آلبدولارلا ایکی نؤع اراضییه بؤلونور. تۇز و قیرمیزی دمیر اوْکسیدلری ایله زنگین قوملا اؤرتولموش آغ دوزن‌لیکلر مریخ "قیطعه‌لری" اوْلاراق حساب ائدیلمیش‌دی و آرابیا تررا (عربیستان توْرپاغی) و یا آمازونیس پلانیتیا (آمازون دوزنلیی) کیمی آدلار آلمیش‌دی. توند جیزگیلر دنیز حساب ائدیلمیش‌دی و آدلاری ماره اریتهراوم، ماره سیرنوم و آوروراه سینوس ایدی. یئردن گؤرولن ان توند جیزگی سیرتیس ماژور پلانوم ایدی. دایمی قوزئی قۆطب بۇز اؤرتویو پلانوم بوروم، جنوب بۇز اؤرتویو ایسه پلانوم آوستراله آدلاندیریلیر.

مریخین اکوادورو فیرلانماسینا گؤره بللی ائدیلمیش‌دی. آنواق ۰اوْ-لی مریدیان یئرده‌کی کیمی صونعی اوْلاراق سئچیلمیش‌دی؛ مدلر و بر ۱۸۳۰-جو ایلده مریخین ایلک خریطه‌سی اۆچون خط سچ‌دیلر. مارینر ۹ کوسمیک گمیسی ۱۹۷۲-جی ایلده مریخین گئنیش تصویرینی وردیک‌دن سوْنرا سینوس مری‌دیانیده یئرلشن بالاجا کراتر (سوْنرا آیری-۰ آدلاندیریل‌دی) اوْریژینال سچیم‌له اۆست دوشمه‌سی اۆچون ۰اوْ اوْلاراق سئچیلدی.

مریخین اوقیانوسلاری اوْلمادیغین‌دان (دنیز سوییه‌سی ده یوْخدور) یئر سطحی ایستیناد سوییه‌سی کیمی سئچیلمه‌لیدیر؛ بۇ هم ده یئر کیمی گوی‌ده اوْخشار اوْلاراق آروید آدلاندیریلیر. صیفیر هوندورلویو آتموسفر تضییقی‌نین ۶۱۰.۵ پا (۶.۱۰۵ مبار) اوْلدوغو هوندورلوک‌له بللی ائدیلیر. بۇ تضییق سۇیون اۆچلوک نقطه‌سینه اۇیغون گلیر و تقریباً یئرده‌کی دنیز سوییه‌سی سطحی‌نین تضییقی‌نین ۰.۶%-دیر (۰.۰۰۶ آتم).حال-حاضیردا عملده بۇ سطح پیک یئرچه کیمی(گرانش) اؤلچمه‌لریندن بللی ائدیلیر.

دؤردبوجاقلارین خریطه‌سی

مریخ گزگنی‌نین آشاغی‌داکی خریطه‌سی بیرلشمیش ایالتلار ژئولوژی آراشدیرمالار قۇرومو طرفیندن بللی ائدیلمیش ۳۰ دؤردبوجاغا بؤلونور.

ائتکی توپوقرافیاسی

بوننویل کراتری آند ایسپیریت رووری‌نین یئره انمه‌سی

مریخین توپوقرافییاسینین دیخوتومیاسی قریبه‌دیر؛ قوزئی دوزن‌لیکلری لاوا آخینلارینا گؤره دوزلشیب، گونئی یۆکسک اراضیلر ایسه قدیم ائتکیلره گؤره چؤکوک اوْلوب. ۲۰۰۸-جی ایل آراشدیرماسی ۱۸۹۰-جی ایلده ایر‌لی سورولن نظریه ایله علاقه دار ثبوتو تقدیم ائتدی؛ نظریه‌یه گؤره، مریخین شیمال یاریمکوره‌سی یئرین آیینین اؤلچوسونون اوْندا بیرین‌دن اۆچده ایکی‌سینه قدر اوْلان شئی‌له توْققوشوب. بۇ حقیقت‌دیرسه، مریخین شیمال یاریمکوره‌سی ۱۰۶۰۰ کیلومتر اۇزون‌لوغو و ۸۵۰۰ انی اوْلان ائتکی کراتری‌نین یئری اوْلاجاق. بۇ دا تخمینی اوْلاراق آوروپا، آسیا و اوتریشنین بیرلیکده صاحیب اوْلدوغو اراضی‌دیر و بۇ کراتر گۆنش سیستمینده ان بؤیوک توققوشمادان سوْنرا یارانمیش کراتر اوْلان جنوب قۆطبو-آیتکن حؤوزه‌سینی اۆستلییر.

مریخ اۆزرینده آسترویدین ائتکیسی مختصات: عرض جغرافیایی وارد نشده‌است
متغییرهای نامعتبر در واردشده‌است. - ۲۷ ماترلا ۲۸ مارس آراسیندا ، ۲۰۱۲-جی ایل ( مریخ کشفیّات اوْربیتر).

مریخین اۆزرینده بیر چوْخ ضربه کراترلری وار: دیامتری ۵ کیلومتر و یا چوْخ اوْلان ۴۳ مین کراتر تاپیلیب.بۇنلاردان تصدیق اوْلونموش ان بؤیویو هللاس ائتکی کراتری‌دیر، هانسی کی، یئردن راحت گؤرونن پارلاق آلبدو اؤزللیکی‌دیر. مریخین کیچیک اؤلچوسونه گؤره اوْنون شئی‌له توققوشماسینین احتیمالی یئرینکینین یاریسی‌دیر. مریخ آستروید قورشاغینا یاخین یئرلشیر، بئله‌لیک‌له بۇ قایناق‌دن اوْلان ماده لرلا توققوشما احتیمالی آرتیر. مریخین بیرده قیسا مدت‌لی کومتلرله توققوشما احتیمالی بؤیوک‌دور، مثلاً، بۇنا موشتریین یؤرونگه(مدار)ین‌ده‌کیلر عاییددیر. بۇندان باشقا مریخین آیلا مؤ قایسه‌ده داها آز کراتری وار، اوْنا گؤره کی، مریخین آتموسفری کیچیک متوریتلره قارشی مۆدافیه تشکیل ائدیر. بعضی کراترلرین مورفولوگیاسی گؤستریر کی، متوریتلر دین‌دن سوْنرا توْرپاق نم اوْلوب.

یانارداغلار

اوْلیمپین ویکینگ اوْربیترین‌دن گؤرونوشو
مولا-این رنگ چالارلی یئر خریطه‌سی. مریخین غرب یاریمکوره‌سینده‌کی فارسیس قاباریق‌لیغی (قیرمیزی و قهوه‌ای چالارلار). هۆندور یانارداغلار آغ رنگ‌ده گؤستریلیب.

قالخان یانارداغی اوْلیمپ گئنیش داغلیق بؤلگه‌سی فارسیس‌ده‌کی سؤنموش یانارداغ‌دیر. بۇ بؤلگه‌ده دیگر بؤیوک یانارداغلار دا وار. اوْلیمپ داغینین هوندورلویو اورست داغینین هوندورلویون‌دن تقریباً اۆچ دفعه بؤیوک‌دور، بۇ دا دمک‌دیر کی، مؤ قایسه‌ده ۸.۸ کیلومتر دن هۆندوردور. اؤلچولمه‌سیندن وابسته اوْلاراق، اوْ، گۆنش سیستمینده ان اۇزون و یا ایکینجی ان اۇزون داغ‌دیر. مۆختلیف قایناق‌لر اوْنون هوندورلویونو ۲۱ کیلومتر دن ۲۷ کیلومتر ه قدر گئدن اوْبلاست‌دا وئریر.

تکتونیک یئرلر

بؤیوک کانیون والس مارینریس ۴۰۰۰ کیلومتر اۇزونلوغون‌دا و ۷ کیلومتر ه قدر درین‌لیکده‌دیر. والس مارینری‌سین اۇزون‌لوغو آوروپانین اۇزون‌لوغونا برابردیر و مریخ چئوره‌سینین بش‌ده بیری بویونجا اۇزانیر. مؤ قایسه اۆچون یئرین ۴۴۶ کیلومتر اۇزونلوغون‌دا و تقریباً ۲ کیلومتر درین‌لییی اوْلان بؤیوک کانیون گؤستری‌له بیلر. والس مارینریس فارسیس اراضی‌سین‌ده‌کی شیشکین‌لییه گؤره فورمالاشیب، هانسی کی، والس مارینریس اراضیسینده یئر قابیغینین داغیلماسینا سبب اوْلوب. ۲۰۱۲-جی ایلده تکلیف ائدیلدی کی، والس مارینریس یالنیزجا قرابن دییل، هم ده ۱۵۰ کیلومتر انینه حرکتین باش وئردیی پلیته سرحدیدیر و بۇ مریخی بؤیوک احتیماللا ایکی پلیته‌لی تختونیک قورولوش ائدیر.

ماغارالار

ناسا-این مریخ اوْدیسسی اوْربیترایندکی ترمال امیس‌سییا گؤرونتولمه سیستمینین شکیللری آرسیا یانارداغینین دؤشون‌ده ۷ ماغارا گیریشی آشکار ائدیب. ماغارالار کوللکتیو شکیل‌ده "یددی باجی" آدلاندیریلیب. ماغارا گیریشلری ۱۰۰ متردن ۲۵۲ متره قدردیر و ان آزی ۷۳ متردن ۹۶ متره قدر درین‌لییی اوْلدوغو فیکیرلشیلیر. ایشیق ماغارالارین چوْخونون دیبینه چاتمادیغینا گؤره، اوْلا بیلسین کی، اوْنلار بۇ قیمتلردن داها بؤیوک درین‌لییه مالیک‌دیر و سطح‌دن آشاغییا گنیشلنیب. "دنا" استثنادیر، اوْنون دیبی گؤرونور و ۱۳۰ متر درین‌لیک اؤلچولوب. بۇ بؤیوک ماغارالارین اینتریئرلری گزگنین سطحینی بومباردمان ائدن میکرو متوریتلردن، اۇلترابنفش شۆالانمادان، گۆنش‌ده‌کی پارتلاییشلاردان و یۆکسک انرژی‌لی ذراتدن قوْرونموش اوْلا بیلر.

آتموسفری

مریخ ۴ میلیارد ایل اوّل بؤیوک احتیماللا چوخسای‌لی آستورید ضربه‌لرینه گؤره ماقنیتوسفرینی ایتیریب، بئله‌لیک‌له گۆنش کولیی مریخ ایونوسفری ایله بیرباشا علاقه‌ده اوْلور و بۇ خاریجی طبقه‌دن آتوملاری قوْپاراراق آتموسفر سیخ‌لیغینی آزال‌دیر. هم مریخ گلوبال سورویور، هم ده مریخ اکسپرس مریخ‌دان اوزایا گده‌رک یوْخ اوْلان یونلاشمیش آتموسفریک ذراتی قئیده آلیب و بۇ آتموسفریک ایتکی گله‌جک ماون اوْربیتر طرفیندن تدقیق ائدیله‌جک. یئرله مؤ قایسه‌ده مریخین آتموسفری آشاغی تضییق‌لیدیر. سطح‌ده آتموسفر تضییقی آشاغی قیمتی اوْلیمپ داغیندا ۳۰ پا-دان (۰.۰۳۰ کپا) یۇخاری قیمتی هللاس ضربه کراترینده ۱،۱۵۵ پا-دان آرتیق (۱.۱۵۵ کپا) اوْلور. مریخ‌داکی یۆکسک آتموسفر سیخ‌لیغی یئر سطحینده ۳۵ کیلومتر ه قدر مسافه‌ده آشکار ائدیلنه برابردیر.اوْرتایا چیخان اوْرتا سطح تضییقی یئرده‌کی‌نین (۱۰۱.۳ کپا) ۰.۶%-دیر. آتموسفرین ایشکالا هوندورلویو تقریباً ۱۰.۸ کیلومتردیر و یئرین ایشکالا هوندورلویون‌دن یۆکسک‌دیر. (۶ کیلومتر ) بۇ فرقین سببی اوْدور کی، مریخین سطح قراویتاسیاسی یئرینکینین تقریباً ۳۸%-دیر. بۇ اثر آشاغی تِمپراتور و مریخین آتموسفری‌نین ۵۰% یۆکسک اوْرتا مولکولیار کۆتله‌سی ایله بالانلاشدیریلیر.

اۆفوق‌ده مریخین سئیره ک آتموسفری.

مریخین آتموسفری جزعی اوکسیژن و سۇ ایله بیرلیکده تقریباً ۹۶% کربون دیوکسید، ۱.۹۳% آرقون آند ۱.۸۹% آزوت‌دان تشکیل اوْلونموش‌دور.

متان مریخ آتموسفرینده بیر میلیارددا ۳۰ حیصّه شکلین‌ده‌کی مول فراکسیاسی ایله بللی ائدیلمیشدیر. اوْ، گئنیش بۇلودلاردا مؤوجود اوْلور. تسویرلر گؤستریر کی، متان اۇزاق اراضیلردن یاییلیر. شیمال یایینین اوْرتاسیندا بۇلود ۱۹۰۰۰ تون متان ساخلاییر. بۇلودون قایناق گۆجو سانییه‌ده ۰.۶ کیلوگرم اوْلاراق قیمتلندیریلیر. تصویرلر تکلیف ائدیر کی، بۇرادا ایکی یئرلی قایناق بؤلگه و وار: بیرینجی‌سی ۳۰°شم ۲۶۰°ق یاخینلیغیندا، ایکینجی‌سی ۰°شم ۳۱۰°ق یاخینلیغیندا مرکزلشیب.مریخین ایلده ۲۷۰ تون متان اۆرتیم (تولید) ائتدیی فیکیرلشیلیر.

فیکیرلشیلن متان دستروکسیاسی مۆدّتی تقریباً ۴ یئر ایلی قدر اۇزون و تقریباً ۰.۶ یئر ایلی قدر قیسا اوْلا بیلر. بۇ هیز‌لی دؤورییه گزگنده قازین فعّال منبعی اوْلدوغونو گؤستریر. یانارداغایک فعالیّت، کومتلرین ائتکیسی و متانوژن میکرو اوْرقانیزم حیات فوْرمالارینین مؤوجودلوغو مۆمکون قایناق‌لر آراسیندا دیر. متان سۇ، کربون دیوکسید و مریخ‌دا یاییلمیش اوْلیوین‌له علاقه دار غیری-بیولوژی سرپانتینیتی پروسسی ایله ده اۆرتیم (تولید) ائدیله بیلر.

۱۶ دسامبر 2014-جو ایلده ناسا معلومات وئردی کی، ماراق رووری مریخ آتموسفرینده متانین میقداریندا "اوْن قات آرتیش" قئیده آلیب. (چوْخ گومان کی بللی بیر اراضی‌ده) "۲۰ آی عرضینده ۱۲ دفعه" ائدیلن نومونه اؤلچمه‌لر ۲۰۱۳-جو ایلین آخیرلاریندا و ۲۰۱۴-جو ایلین اوّللرینده آرتیش گؤستریب. اوْرتالاما آتموسفرده میلیارددا ۷ حیصّه متان ایدی. بۇندان اوّل و سوْنرا اؤلچمه‌لرین اوْرتا قیمتی بۇ سوییه‌نین اوْندا بیری اطرافیندا اوْلوردو.

آمونیاک دا مریخ اکسپرس پیکی طرفیندن مریخ‌دا آشکار ائدیلیب، آنجاق نیسبتاً قیسا مؤوجودلوغونا گؤره اوْنون نئجه عمله گلمه‌سی آیدین دییل. آمونیاک مریخ آتموسفرینده ایستابیل دییل و بیر نچه ساعت سوْنرا پارچالانیر. آمونیاک اۆچون قایناق یانارداغایک فعالیّت اوْلا بیلر.

ایقلیمی

یئر و مریخین فیرلانما اوْخلارینین اوْخشار مایل‌لیکلرینه گؤره گۆنش سیستمی گزگنلری آراسیندا مریخین فصللری ان چوْخ یئرینکینه بنزین‌دیر. مریخ فصللری یئر فصللریندن ایکی دفعه اۇزون‌دور. بۇنون سببی اوْدور کی، مریخین گۆنش‌دن بؤیوک مسافه‌ده یئرلشمه‌سی مریخ ایلی‌نین تقریباً ایکی یئر ایلینه برابر اوْلماسینا گتیریب چیخاریر. مریخین سطح تِمپراتورو آشاغی‌سی قیش‌دا قۆطب اؤرتوکلرینده تقریباً −۱۴۳°سی-دن. تِمپراتوردا گئنیش فرقلی‌لیک گۆنش ایستی‌سی ساخلایا بیلمه یَن نازیک آتموسفر، آشاغی آتموسفر تضییقی و مریخ توْرپاغینین آشاغی ترمیک اینرسییاسینا گؤره‌دیر. گزگنین گۆنش‌دن اوْلان مسافه‌سی یرینکین‌دن ۱.۵۲ دفعه چوْخ‌دور و بۇ دا گۆنش ایشیغی میقدارینین یالنیز ۴۳% ایله نتیجه‌لنیر.

اگر مریخین یؤرونگه سی(مدار) یئرینکینه اوْخشاسای‌دی، اوْنون فصللری ده یئرینکینه بنزر اوْلاردی، چونکی اوْنون اوْخونون مایل‌لییی یئرینکینه اوْخشاردیر. مریخ یؤرونگه سی(مدار)‌نین نیسبتاً بؤیوک اکسنتریسیتتی(گریز از مرکز)‌نین اهمیت‌لی ائتکیسی وار. جنوب یاریمکوره‌سینده یای و شیمال یاریمکوره‌سینده قیش اوْلان‌دا مریخ پریگ‌لی‌سه یاخین، جنوب یاریمکوره‌سینده قیش و شیمال یاریمکوره‌سینده یای اوْلان‌دا ایسه آف‌لی‌سه یاخین اوْلور. نتیجه اوْلاراق، جنوب یاریمکوره‌سینده فصللر داها سرت، شیمال یاریمکوره‌سینده ایسه داها مۆلاییم‌دیر. جنوب‌دا یای تِمپراتورلاری شیمال‌داکی مُعادل یای تِمپراتورلاریندان ۳۰ ک (۳۰°سی؛ ۵۴°ف) داها چوْخ ایستی‌دیر.

مریخ گۆنش سیستمینده ان بؤیوک تۇز فیرتینالارینا صاحیب‌دیر. بۇ کیچیک اراضیلرده‌کی فیرتینالاردان بۆتون گزگنی کاپسام ائدن قیقانت فیرتینالارا قدر دییشه بیلر. فیرتینالار مریخ گۆنشه ان یاخین اوْلان‌دا باش وره بیلیر و کۆره سل تِمپراتورو آرتیردیغی نۆماییش ائتدیریلیب.

Other Languages
Afrikaans: Mars (planeet)
Alemannisch: Mars (Planet)
አማርኛ: ማርስ
aragonés: Marte (planeta)
Ænglisc: Tīw (tungol)
العربية: المريخ
مصرى: مريخ
অসমীয়া: মঙ্গল গ্ৰহ
asturianu: Marte (planeta)
azərbaycanca: Mars (planet)
башҡортса: Марс
Boarisch: Mars (Planet)
žemaitėška: Marsos
беларуская: Марс
беларуская (тарашкевіца)‎: Марс
български: Марс
भोजपुरी: मंगल ग्रह
བོད་ཡིག: མིག་དམར།
bosanski: Mars
Mìng-dĕ̤ng-ngṳ̄: Huōi-sĭng
нохчийн: Марс
Cebuano: Mars
ᏣᎳᎩ: ᎹᏏ
corsu: Marte
čeština: Mars (planeta)
kaszëbsczi: Mars
Чӑвашла: Марс
Deutsch: Mars (Planet)
Zazaki: Mars
डोटेली: मंगलग्रह
eʋegbe: Manjor
Ελληνικά: Άρης (πλανήτης)
emiliàn e rumagnòl: Mèrt
English: Mars
Esperanto: Marso
español: Marte (planeta)
eesti: Marss
euskara: Marte
estremeñu: Marti (praneta)
فارسی: مریخ
suomi: Mars
Võro: Marss
français: Mars (planète)
Nordfriisk: Mars
Frysk: Mars
贛語: 火星
Gàidhlig: Corg
galego: Marte
Avañe'ẽ: Jasytata Guasu
ગુજરાતી: મંગળ (ગ્રહ)
客家語/Hak-kâ-ngî: Fó-sên
Hawaiʻi: Hōkū‘ula
עברית: מאדים
हिन्दी: मंगल ग्रह
Fiji Hindi: Mangalgrah
hrvatski: Mars
hornjoserbsce: Mars
Kreyòl ayisyen: Mas (planèt)
interlingua: Marte (planeta)
Bahasa Indonesia: Mars
Interlingue: Mars
Ilokano: Marte
ГӀалгӀай: Марс
Ido: Marso
日本語: 火星
Patois: Maarz
la .lojban.: mars
Basa Jawa: Mars
ქართული: მარსი
Qaraqalpaqsha: Mars (planeta)
Kongo: Mars
Gĩkũyũ: Maasi
қазақша: Марс
ភាសាខ្មែរ: ភពអង្គារ
한국어: 화성
къарачай-малкъар: Марс (планета)
Ripoarisch: Mars (Planet)
коми: Марс
kernowek: Meurth (planet)
Кыргызча: Марс
Ladino: Marte
Lëtzebuergesch: Mars (Planéit)
лезги: Марс
Lingua Franca Nova: Marte
Limburgs: Mars (planeet)
lumbaart: Marte (pianeta)
lietuvių: Marsas (planeta)
latviešu: Marss (planēta)
Malagasy: Mars (fajiry)
македонски: Марс (планета)
മലയാളം: ചൊവ്വ
монгол: Ангараг
मराठी: मंगळ ग्रह
Bahasa Melayu: Marikh
Mirandés: Marte (planeta)
မြန်မာဘာသာ: အင်္ဂါဂြိုဟ်
مازِرونی: مریخ
Dorerin Naoero: Mars
Napulitano: Marte
Plattdüütsch: Mars (Planet)
Nedersaksies: Mars (planeet)
नेपाल भाषा: मंगल ग्रह
Nederlands: Mars (planeet)
norsk nynorsk: Planeten Mars
Nouormand: Mars
Diné bizaad: Máaz
Livvinkarjala: Mars (planiettu)
Oromoo: Mars
ଓଡ଼ିଆ: ମଙ୍ଗଳ
ਪੰਜਾਬੀ: ਮੰਗਲ (ਗ੍ਰਹਿ)
Kapampangan: Mars
polski: Mars
Piemontèis: Mart (pianeta)
پنجابی: مریخ
پښتو: مريخ
português: Marte (planeta)
Runa Simi: Awqakuq
rumantsch: Mars (planet)
Romani: Manjor
armãneashti: Marti
русский: Марс
русиньскый: Марс (планета)
संस्कृतम्: मङ्गलः
саха тыла: Марс
sardu: Marte
sicilianu: Marti (pianeta)
Scots: Maurs
سنڌي: مريخ
davvisámegiella: Mars
srpskohrvatski / српскохрватски: Mars
Simple English: Mars
slovenčina: Mars
slovenščina: Mars
Soomaaliga: Farraare
shqip: Marsi
српски / srpski: Марс
Seeltersk: Mars
Basa Sunda: Mars
svenska: Mars (planet)
Kiswahili: Mirihi
ślůnski: Mars
ತುಳು: ಅಂಗಾರಕ
తెలుగు: అంగారకుడు
тоҷикӣ: Миррих
Türkmençe: Mars
Tagalog: Marte
Türkçe: Mars
татарча/tatarça: Марс (планета)
тыва дыл: Марс
ئۇيغۇرچە / Uyghurche: مارس
українська: Марс (планета)
اردو: مریخ
oʻzbekcha/ўзбекча: Mars
vepsän kel’: Mars (planet)
Tiếng Việt: Sao Hỏa
West-Vlams: Mars (planete)
Volapük: Mard
Winaray: Marte
Wolof: Maas
吴语: 火星
хальмг: Марс һариг
მარგალური: მოროხი (პლანეტა)
ייִדיש: מאדים
Yorùbá: Mársì
Vahcuengh: Ndaundeiqfeiz
中文: 火星
文言: 熒惑
Bân-lâm-gú: Hoé-chheⁿ
粵語: 火星
isiZulu: UMarzi