محمد عاکیف ارسوی





محمد عاکیف ارسوی
Mehmet Akif.jpg
قیسا بیلگیبؤیوک آدلین شاعیر ایله یازیچی
دوْغوم تاریخ۱۸۷۳-نجی میلادی ایلین دسامبرینین ۲۰-سی
دوْغوم یئرایستانبول، عثمانلی ایمپیراطورلوغو
اؤلوم تاریخ۱۹۳۶-نجی میلادی ایلین دسامبرینین ۲۷-سی (۶۳ یاشیندا)
اؤلوم یئرایستانبول، تورکیه

محمد عاکیف ارسوی (تورکیه تورکجه‌سی: Mehmet Âkif Ersoy) بؤیوک آدلین شاعیر، یازیچی، سیاست‌چی و ایستیقلال مارشینین یازاری دیر. چاناق قلعه داستانی، بولبول و صفحات ان اؤنملی اثرلریندن دیر. ایکینجی مشروطیت دؤنمینده صراط المستقیم (سوْنرالار سبیل الرشاد آدلانیب) درگیسی‌نین باش یازاری ایدی.

یاشامی

دوغوم و اوشاق‌لیق ایل‌لری

محمد عاکیف ارسوی ۱۸۷۳-نجی میلادی ایلین دسامبر آییندا ایستانبولدا فاتیح ایلچه‌سینین قارا گومروکونون ساری گؤزل محله‌سینده آنادان اوْلوب دور. قایناق‌لارا گؤره آتاسی آرناووت (آلبانیالی) کؤکلی و آناسی بوخارادان آنادولویا گلمیش عایله‌دن ایدی. محمدین آتاسی چاناق قلعه‌نین بایرامیچ ایلچه‌سینده ایمام اولماغی و اونون ایلک اوشاق‌لیق چاغلارینین بایرامیچ‌ده گئچمه‌سی اوچون دوغوم یئری بایرامیچ ثبت اوْلوب دور.

اؤگرنمه ایل‌لری

اؤز چاغینین رسملری ایله ۴ یاش ۴ آی ۴ گونی اولغاچ، ایستانبولون فاتیح ایلچه‌سینده اوْلان امیر بخاری محله مکتبینه گئتدی. اوچ ایل سوْنرا ایبتیدایی مکتبه گئچیب آتاسی یانیندا عربجه‌نی اؤگرنمه‌یه باشلادی. اوْرتا اؤگرنمه اوچون ۱۸۹۲-نجی میلادی ایل‌ده فاتیحین روشدیه مرکزینه گئدیب بیر چاغدا فاتیح مسجیدینده فارس دیلین داها اؤگرندی. اوْرتا اؤگرنمه‌سینین سوْنوندا تۆرکجه، عربجه، فارسجا و فرانسه‌جه ده یوکسک مهارته یئتیشدی.

زیراعت باخانلیغیندا گئچن ایل‌لری

محمد ۱۸۹۳-نجی و ۱۹۱۳-نجی میلادی ایل‌لر آراسیندا زیراعت باخانلیغیندا ایشله‌ییب بیر معمور اولاراق چوخلو منطقه‌لری گزیپ خلق و خلقین قایغیلاری ایله تانیش اولدی. ۱۸۹۹-نجی میلادی ایلده، محمد امین بی قیزی اوْلان، عیصمت خانیم لا ائوله‌نیب بۇ ائوله‌نمه‌نین نتیجه‌سی ۵ اوشاق، جمیله، فریده، سۇادی، امین و طاهیر، ایدی.

Other Languages