Xuegos Olímpicos de Melbourne 1956

Los Xuegos Olímpicos de Melbourne 1956, conocíos oficialmente como Xuegos de la XVI Olimpiada, celebráronse en Melbourne (Australia) ente'l 22 de payares y el 8 d'avientu de 1956, siendo la primer vegada que teníen llugar nun país del hemisferiu sur. Participaron un total de 3 155 atletes (2 791 homes y 364 muyeres) de 67 países.[1]

Les pruebes d'equitación ficiéronse seis meses enantes n'Estocolmo (Suecia), ente'l 11 y el 17 de xunu, por mor de les lleis australianes de cuarentena. D'esti mou, la XVI Olimpiada foi la primera (y hasta la fecha única) con eventos d'unos mesmos Xuegos en continentes diferentes. Si sumamos los sos participantes, el total d'atletes asciende a 3.314 (2.938 homes y 376 muyeres) de 72 países.

Los Xuegos Olímpicos de Melbourne quedaron marcaos polos boicós surdíos meses enantes de la inauguración, a consecuencia de conflictos políticos como la Guerra de Suez y la represión de la revolución húngara. Sicasí, nel pieslle prodúxose un fechu históricu: unos 500 atletes marcharon xuntos nun solu grupu, baxo la bandera olímpica. Por esta razón, fueron apodaos los «Xuegos de l'amistá».

La Xunión Soviética foi'l país que más presees ganó, un total de 98, y superó per primer vegada nel medayeru a Estaos Xuníos, que quedó con 74. Tamién destacó'l desempeñu d'Australia, tercera clasificada, quien triplicó'l númberu de presees algamaes en 1952 y firmaron la so meyor actuación hasta Atlanta 1996.

Other Languages
Аҧсшәа: Мельбурн 1956
беларуская (тарашкевіца)‎: Летнія Алімпійскія гульні 1956 году
Bahasa Indonesia: Olimpiade Musim Panas 1956
Кыргызча: Мельбурн 1956
Nāhuatl: Melbourne 1956
norsk nynorsk: Sommar-OL 1956
srpskohrvatski / српскохрватски: Olimpijada 1956
Simple English: 1956 Summer Olympics