Wikipedia:Verificabilidá

Green check.svg

Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redacción o'l formatu, pero si quies camudar coses más importantes ties que consultalo a tola comunidá.


Atayu:
WP:VER
Polítiques de Wikipedia
Los cinco pegoyos
Lo que Wikipedia nun ye
Estándares d'artículos
Puntu de vista neutral
Verificabilidá
Fontes de confianza
Derechos d'autor
Principios globales
Inora les normes
Usa'l bon xaciu
Conflictu d'interés
Trabayar con otros
Etiqueta
Albidra bon xeitu
Nun morder a los novatos
Regla de les tres reversiones
Nun faigas ataques personales
Nun saboties Wikipedia pa encontar los tos argumentos

Tolos artículos de Wikipedia tienen de tener referencies (ye dicir, conseñar la fonte de la información) pa que'l llector pueda comprobar la exactitú, precisión y neutralidá del artículu, y buscar más información sobro'l tema. Tol conteníu de Wikipedia tien d'habese asoleyao n'otru llugar (darréu que Wikipedia nun ye una fonte primaria), y por eso siempres ye dable pal autor del artículu incluyir una referencia.

Fontes primaries y Wikipedia

En términos xenerales, pueden estremase dos clases de testos nel espardimientu de la conocencia:

  • Fontes primaries: testos que presenten per primera vegada descubrimientos científicos o históricos —como observaciones de llaboratoriu, trescripciones d'esperimentos, investigaciones realizaes por aciu de trabayu de campu, encuestes, censos, trescripciones xurídiques, documentos de dómina o qu'ufierta per— primera vegada una interpretación teórica d'estos descubrimientos, amontando o reestructurando les conocencies sobro un saber.
  • Testos qu'esponen de manera más o menos sistemática lo que se presenta y desenvuelve nes fontes primaries. Por casu: enciclopedies, llibros de testu, manuales, etc.

Pa ellaborar les fontes primaries precísase un complexu procesu de comprobación qu'incluye la revisión por pares espertos, la realización d'esperimentos de comparancia y otros tipos d'investigación. Esto ponse en marcha p'asegurase de qu'hai enfotu na información. Wikipedia nun apurre nin puede apurrir esi tipu de comprobación. Sicasí, sí puede sofitase nel material que ta publicáu (y, poro, comprobáu) independientemente por otres fontes d'enfotu y prestixu.

Tantu por razones d'honradez intelectual como pa facilitar la comprobación independiente de la exactitú de los artículos de Wikipedia, ye fundamental apurrir referencies que permitan comprobar los artículos. Esta política ye unu de los trés principios básicos pa evaluar el conteníu de Wikipedia, xuntu col de neutralidá nel puntu de vista y el de que Wikipedia nun ye xuna fonte primaria. Los trés principios tán enforma rellacionaos: la neutralidá garantiza la representación afayadiza y oxetiva de la opinión de los profesionales, y la verificabilidá permite asegurase de que la representación ye efectivamente afayadiza.

Por ello, tolos artículos de Wikipedia tienen de detallar les fontes consultaes na redacción del mesmu; gracies a elles, ye posible asegurase de qu'esiste un respaldu respetable pa les afirmaciones arramaes nellos, y estenar les duldes que puedan esistir no que cinca al sesgu que pueda tener. La reproducción cuidadosa de los puntos de vista y les apreciaciones de les fontes espertes constituyen el modelu que garantiza la seriedá d'una enciclopedia.

Other Languages
Bahasa Indonesia: Wikipedia:Pemastian
Bahasa Melayu: Wikipedia:Pengesahan
Simple English: Wikipedia:Verifiability