Virginia Beach (Virxinia)

Virginia Beach (Virxinia)
Virginia Beach from Fishing Pier.jpg
Flag of Virginia Beach, Virginia.jpg
Alministración
PaísBandera de Estaos Xuníos d'América Estaos Xuníos d'América
EstaosVirxinia
Tipu entidáindependent city
Alcalde/esaWill Sessoms
Xeografía
Coordenaes36°51′02″N 75°58′40″O / 36°51′02″N 75°58′40″O / -75.9779
Virginia Beach (Virxinia) is located in los EE.XX.
Virginia Beach (Virxinia)
Virginia Beach (Virxinia)
Virginia Beach (Virxinia) (los EE.XX.)
Superficie1288.515927 km²
Altitú6 m
Llenda conCondado de Northampton, Norfolk, Chesapeake y Condado de Currituck
Demografía
Población448 479 hab. (1 xunetu 2013)
Porcentaxe5.35% de Virxinia
Densidá348,06 hab/km²
Más información
Fundación1906
Prefixu telefónicu757
Llocalidaes hermanaesBangor, Miyazaki, Moss, Olóngapo y San Juan del Sur
www.vbgov.com/
Cambiar los datos en Wikidata

Virginia Beach ye una ciudá del estáu estauxunidense de Virxinia. Ye, colos sos 449.628 habitantes (estimación pal 2013 del U.S. Census Bureau), la ciudá más poblada del estáu y la trixésimu novena mayor de tol país. Allugada na costa atlántica del país, na ensenada de Chesapeake, ta incluyida nel área metropolitana de Hampton Roads. Ésta, nomada tamién America's First Rexion (la primer rexón d'América), inclúi tamién les ciudaes de Chesapeake, Hampton, Newport News, Norfolk, Portsmouth y Suffolk y delles otres entidaes de población menores (villes, condaos...).

Virginia Beach ye una ciudá turística con playes perestenses y cientos de hoteles, moteles y restaurantes a la vera d'elles. La ciudá agospia, añalmente, el campeonatu de surf de la costa este (East Coast Surfing Championships) y el campeonatu estauxunidense de fútbol-playa. Tien, amás, varios parques naturales y fasteres costeres protexíes, y ye la sé de dos universidaes, de delles corporaciones empresariales y trés bases militares. Ta peraverada tamién al cabu Henry (Cape Henry), que foi aú se posaron per primer vegada, en suelu americanu, los colonos ingleses qu'el 26 d'abril de 1607 fundaron l'asentamientu de Jamestown, el primeru en tierres de los actuales Estaos Xuníos. La ciudá, qu'apaez nel Llibru Guinness de los Récords como la que tien la playa turística mayor del mundu, de 28 milles (46 km) de llonxitú, asítiase nel estremu meridional del complexu de túneles y pontes de la bahía de Chesapeake (Chesapeake Bay Bridge-Tunnel), que ye'l mayor del mundu.

Xeografía

Virginia Beach allúgase na rexón centruatlántica de los Estaos Xuníos, na fastera suroriental del estáu de Virxinia, y llenda al este col océanu Atlánticu y al norte cola bahía de Chesapeake. Ésta, na xuntura cola desembocadura del ríu James, forma'l mayor puertu natural del mundu. Esa condición fízola un sitiu afayaízu p'acceder, al traviés d'ella, a la colonia de Virxinia dende la so fundación. Un aristócrata inglés, Henry Wriothesley, conde de Southampton, financió delles espediciones a esa colonia, y la bahía foi nomada, n'honor d'elli, Earl of Southampton's Roadstead (rada del conde de Southampton), magar que dempués empezó a llamáse-y Hampton Roads. Anguaño hai un complexu de puentes y túneles de 37 km de llonxitú que traviesa'l puertu y xune les ciudaes de Hampton, Newport News, Williamsburg y Poquoson y los condaos de Gloucester, James City y York, asitiaes al norte de la bahía, coles ciudaes de Virginia Beach, Chesapeake, Norfolk, Portsmouth, Suffolk y Franklin y los condaos de Isle of Wight y Southampton, allugaes al sur d'ella. El territoriu alministráu pola ciudá ocupa un área de 1.290 km² d'estensión, lo que fai d'ella la mayor del estáu. El so altor mediu ye de namái 3,7 m sobro'l nivel de la mar. El so territoriu drena a la bahía de Chesapeake al traviés del ríu Lynnhaven y los sos afluentes.

Virginia Beach vista dende l'espaciu

La ciudá forma parte del área metropolitana de Hampton Roads (nomada oficialmente área metropolitana estadística de Virginia Beach-Norfolk-Newport News), que ye, con 1.676.370 habitantes, la trixésimu cuarta mayor de los Estaos Xuníos. Compriende les ciudaes de Norfolk, Virginia Beach, Chesapeake, Hampton, Newport News, Poquoson, Portsmouth, Suffolk, Williamsburg, toes de Virxinia, y los condaos virxinianos de Gloucester, Isle of Wight, James City, Mathews, Surry y York, amás del de Currituck, que pertenez a Carolina del Norte. Magar que Virginia Beach ye la ciudá más poblada del área metropolitana, funciona realmente como un suburbiu de la mesma. La ciudá de Norfolk ye'l distritu financieru y el centru d'ella, demientres que Virginia Beach y Williamsburg tienen una economía especializada nel sector turísticu.

Clima

El clima de Virginia Beach ye subtropical húmidu. Los inviernos son suaves, con pocos díes de nieve. Los branos son caldios y húmidos, con tardes fresques. Les estadístiques climátiques son les del aeropuertu internacional de Norfolk, asitiáu nel estremu noroccidental del territoriu de Virginia Beach. La temperatura media añal recoyida nelli ye de 15,3ºC, con unes precipitaciones de nieve de namái 150 mm al añu. Les de lluvia, pela so banda, son de 1.200 mm, y recuéyense mayormente en primavera y branu. La temperatura más alta rexistrada nel observatoriu del aeropuertu foi de 41ºC, en xunetu de 2010, y la más baxa de -19ºC, en xineru de 1985. La situación de la ciudá, apartada del recorríu de les principales tormentes, ye perfavorable, y ello favoreció el so desarrollu como destinu turísticu. Ta más al sur de la zona barrida poles tormentes de nieve que castiguen llatitúes más septentrionales que la de so, y ta mui al norte pa ser alcanzada polos principales huracanes y tormentes tropicales. La única esceición foi el huracán Isabel, qu'aportó a la ciudá en 2003.

Other Languages
azərbaycanca: Virciniya Biç
Boarisch: Virginia Beach
беларуская: Вірджынія-Біч
беларуская (тарашкевіца)‎: Вірджынія-Біч
български: Вирджиния Бийч
bamanankan: Virginia Beach
brezhoneg: Virginia Beach
čeština: Virginia Beach
Esperanto: Virginia Beach
español: Virginia Beach
français: Virginia Beach
Kreyòl ayisyen: Vijini Beach, Vijini
Հայերեն: Վիրջինիա Բիչ
Bahasa Indonesia: Virginia Beach
italiano: Virginia Beach
Кыргызча: Виргиния-Бич
lumbaart: Virginia Beach
кырык мары: Вирджини-Бич
Bahasa Melayu: Virginia Beach
Plattdüütsch: Virginia Beach
Nederlands: Virginia Beach
português: Virginia Beach
română: Virginia Beach
srpskohrvatski / српскохрватски: Virginia Beach, Virginia
Simple English: Virginia Beach, Virginia
slovenčina: Virginia Beach
српски / srpski: Вирџинија Бич
українська: Вірджинія-Біч
Tiếng Việt: Virginia Beach
Volapük: Virginia Beach
Yorùbá: Virginia Beach
Bân-lâm-gú: Virginia Beach