Roald Dahl
English: Roald Dahl

Roald Dahl
Roald Dahl.jpg
Vida
NacimientuLlandaff Traducir13  de setiembre de 1916
NacionalidáBandera del Reinu Xuníu Reinu Xuníu
Bandera de Gales Gales
ResidenciaLlandaff Traducir
Dar es Salaam
Grupu étnicunoruegos Traducir
Fallecimientu

Oxford23  de payares de 1990

(74 años)
SepulturaGreat Missenden Traducir
Causa de la muertesíndrome mielodisplásico Traducir
Familia
Casáu/ada conPatricia Neal  (1953 -  1983)
Fíos/es
Estudios
EstudiosRepton School Traducir
The Cathedral School Traducir
Llingüesinglés
Oficiu
Oficiuaviador, guionista, novelista, autobiógrafu, poeta, cuentista, escritor de lliteratura infantil, escritor y autor
Trabayos destacaosDanny el campeón del mundo Traducir
Charlie y la fábrica de chocolate Traducir
James y el melocotón gigante Traducir
El Superzorro Traducir
Matilda Traducir
Las brujas Traducir
Los cretinos Traducir
El gran gigante bonachón Traducir
Los gremlins Traducir
La maravillosa medicina de Jorge Traducir
Charlie y el gran ascensor de cristal Traducir
Premios
Nominaciones
InfluyenciesCharles Dickens, Cecil Scott Forester Traducir, Frederick Marryat Traducir, Jonas Lie, Rudyard Kipling y William Makepeace Thackeray
Xéneru artísticulliteratura de terror
misticismo Traducir
Xéneru fantásticu
lliteratura infantil
Serviciu militar
Cuerpu militarRoyal Air Force
Graduaciónlíder de escuadrón Traducir
Lluchó enSegunda Guerra Mundial
IMDbnm0001094
www.roalddahl.com
Cambiar los datos en Wikidata
Roald Dahl y Patricia Neal, fotografiaos por Carl van Vechten, 20 d'abril de 1954.

Roald Dahl (13 de setiembre de 191623 de payares de 1990) foi un novelista y autor de cuentos británicu de raigaños noruegos, famosu como escritor pa neños y adultos. De los sos llibros, destaquen Charlie y la fábrica de chicolate, James y el piescu xigante, Matilda, Les bruxes y Rellatos de lo inesperao.

Infancia

Roald Dahl ñació en Radyr, Gales, el 13 de setiembre de 1916, de padres noruegos, Harald Dahl y Sofie Magdalene Hesselberg de Dahl. Llamáronlu Roald n'honor al esplorador Roald Amundsen, un héroe nacional en Noruega nesos tiempos.

En 1920, cuando Roald tenía tres años, la so hermana de siete, Astri Dahl, morrió d' apendicitis. Delles selmanes dempués, so pá morrió de neumonía con cincuenta y siete años. Sicasí, so madre quixo más caltener la familia en Gran Bretaña que tornar a Noruega a vivir colos sos parientes pa cumplir el deséu del so home de que los sos fíos s'educaren n'escueles ingleses.

Por mor de vivir en Gales, Roald foi a la Escuela de la Catedral de Llandaff, Gales.

Con ocho años, el direutor solmenó-yos con un bastón por poner un mur muertu nun tarru de dulces d'un negociu llocal. Unviáronlu dempués a dellos internaos, daqué que nun-y prestó un res.

A los nueve años, unviáronlu a la St. Peter's School, un colexu priváu na ciudá costera de Weston-super-Mare, al que foi dende 1923 hasta 1929. Dende los trece años educáronlu na Repton School, en Derbyshire, na que foi ayudante d'un prefectu, convirtióse en capitán del equipu escolar de fives y desendolcó'l so interés pola fotografía. Nos años de Repton, Cadbury, una compañía de chicolates, de xemes en cuanto unviaba caxes de nuevos chicolates pa que los prebaren los alumnos y Dahl suañaba davezu con inventar una barra de chicolate qu'almirare'l mesmu señor Cadbury, lo que-y valió como inspiración pa escribir el so segundu llibru pa neños Charlie y la fábrica de chicolate.

A lo llargo de la so infancia y adolescencia, pasó les vacaciones de branu en Noruega. La so infancia ye'l tema del llibru autobiográficu Boy (rellatos d'infancia).

Vida adulta

En finando'l colexu, pasó tres selmanes esplorando Terranova con un grupu nomáu Public Schools' Exploring Society. En xunetu de 1934 entró a trabayar na Royal Dutch Shell. Tres dos años d'entrenamientu nel Reinu Xuníu, tresfiriéronlu a Dar-es-Salaam, Tanganyika (anguaño Tanzania). Xunto colos otros dos emplegaos de Shell en tol territoriu, vivió con lluxu na Shell House, na redolada de Dar-es-Salaam, con un cocineru y ayudantes personales. Furniendo combustible en Tanganica, enfrentóse a mambes prietes y lleones, ente otros peligros.

En payares de 1939 xuntóse a la Royal Air Force. Depués d'un viaxe en coche de cuasi tres mil quilómetros dende Dar-es-Salaam hasta Nairobi, aceutáronlu pal entrenamientu de vuelu xunto con otros dieciséis homes, de los que trece morreríen en combate más sero. Con siete hores y cuarenta minutos d'esperiencia nel De Havilland Tiger Moth, entamó a volar solu. Siguió col entrenamientu avanzáu n'Habbaniya (ochenta quilómetros al oeste de Bagdag), Iraq. Tres seyes meses volando Hawker Harts, nomáronlu oficial y asignáronlu al escuadrón númberu 80 de la RAF, volando vieyos Gloster Gladiators. Dahl sorprendióse al descubrir que nun lu diben entrenar en combate aereu nin en cómo pilotar los Gloster Gladiators.

El 19 de setiembre de 1940, Dahl pilotó'l Gladiator dende Abu Suweir, Exiptu, hasta Amiriya pa recargar combustible, y llueu hasta Fouca, Libia, a por una segunda carga. Dende ehí diba volar hasta la pista del escuadrón 80, cincuenta kilómetros al sur de Mersah Matruh. Nel trayeutu final, nun foi a atopar la pista y hebo de facer un aterrizax nel desiertu. Nel aterrizax, el tren d'aterrizax dio escontra una roca y l'avión estrellóse. Roald rompióse'l craniu, la ñariz y quedó ciegu. Foi quien a arrastrase lloñe del avión en llanes y desmayóse. Llueu, escribió sobro l'accidente nel so primer trabayu asoleyáu. Nuna investigación de la RAF sobro'l socesu, descubrióse que'l llugar al que lu mandaren dir taba incorreutamente indicáu.

A Dahl rescatáronlu y lleváronlu a un puestu de primeros ausilios en Mersah Matruh, onde recuperó la consciencia (anque non la vista), y treslladáronlu en tren al hospital de la Royal Navy n'Alexandría. Ellí namoróse d'una enfermera, Mary Welland, que foi la primera persona que vio en recuperando la vista, tres d'ocho selmanes de ceguera. Los doctores dixéron-y que nun había posibilidá dala de que pudiere volar, pero en febreru de 1941, cinco meses dempués d'ingresar nel hospital, diéronlu d'alta y pasáronlu a xeres de vuelu. Nesos momentos, l'escuadrón númberu 80 alcontrábase n'Elevsis, cerca d'Atenes, Grecia, lluchando xunto la British Expeditionary Force escontra les fuercies del Exe, ensin esperances de derrotalos. Agora nun Hawker Hurricane, n'abril de 1941, Dahl atravesó'l Mar Mediterraneu pa xuntase col so escuadrón en Grecia, seyes meses dempués de convertise en miembru.

Ellí conoció a un cabu cínicu qu'entrugábase cuántu tiempu diba sobrevivir el nuevu avión, acompañáu namái que por catorce Hurricanes y cuatro Bristol Blenheims en toa Grecia, escontra miles d'aviones enemigos. El líder del escuadrón tampoco nun amosaba entusiasmu por tener namái qu'un nuevu pilotu. Con too y con eso, Roald féxose amigu de David Coke, que, de nun morrer dempués en combate, tendríase convertío nel Earl de Leicester.

Dahl tuvo la so primera aición sobro Chalcis, onde Junker Ju 88s taben bombardiando barcos. Namái que'l so Hurricane escontra seyes bombarderos, llogró destruyir ún. Escribió sobro toos estos incidentes nel llibru autobiográficu Volando solu.

Llueu, sirvió en Siria, pa dempués trabayar n'intelixencia. Finó la guerra como Wing Commander (rangu de cuartu grau).

Entamó a escribir en 1942, cuando lu transfirieron a Washington DC como Agregáu Militar Aereu. El so primer trabayu asoleyáu, apaeció na edición del Saturday Evening Post del 1 d'agostu de 1942, foi un cuentu entituláu Un cachu de tarta, describiendo'l so accidente col Gloster Gladiator.

Tuvo casáu per trenta años (dende 1953 hasta 1983), cola actriz de los Estaos Xuníos Patricia Neal. Tuvieron cinco fíos (incluyendo l'autora Tessa Dahl), magar qu'ún dellos morriere d'encefalitis pol virus del sarampión con namái siete años, en 1962. Theo, l'únicu fíu varón, sofrió un accidente na so infancia que-y prevocó hidrocefalia. Por mor d'ello, so pá involucróse nel desendolcu de lo que depués conoceríase como válvula de Wade-Dahl-Till, un dispositivu p'aliviar esta condición. So fía, Ophelia Dahl ye direutora y cofundadora (xunto col doctor Paul Farmer) de Partners in Health, una organización ensin ánimu llucrativu dedicada a proveer cuidaos médicos a les comunidaes más probes del mundiu. La fía de Tessa, ya inspiración pa un personax d' El gran xigante bonón, ye la modelu y autora Sophie Dahl. En 1983, casó con Felicity Ann d'Abreu Crosland.

Morrió de leucemia el 23 de payares de 1990, na so casa, Gipsy House, en Great Missenden, Buckinghamshire, a la edá de setenta y cuatro años; enterráronlu nel cementeriu de la parroquia de San Pedru y San Pablu. Nel so honor, inauguróse la Roald Dahl Children's Gallery nel Bucks County Museum, na ciudá d' Aylesbury. Los compromisos solidarios de Dahl nos campos de la neuroloxía, la hematoloxía y l' alfabetización continuáronse tres de la so muerte al traviés de la Roald Dahl Foundation. En xunu de 2005, inauguróse'l Roald Dahl Museum and Story Centre en Great Missenden pa celebrar el trabayu de Roald Dahl y avanzar nos esfuercios na alfabetización.

Other Languages
Afrikaans: Roald Dahl
العربية: روالد دال
azərbaycanca: Roald Dal
تۆرکجه: رولد دال
български: Роалд Дал
brezhoneg: Roald Dahl
català: Roald Dahl
čeština: Roald Dahl
Cymraeg: Roald Dahl
dansk: Roald Dahl
Deutsch: Roald Dahl
Ελληνικά: Ρόαλντ Νταλ
English: Roald Dahl
Esperanto: Roald Dahl
español: Roald Dahl
eesti: Roald Dahl
euskara: Roald Dahl
فارسی: رولد دال
suomi: Roald Dahl
føroyskt: Roald Dahl
français: Roald Dahl
Frysk: Roald Dahl
Gaeilge: Roald Dahl
galego: Roald Dahl
עברית: רואלד דאל
हिन्दी: रोल्ड डाहल
hrvatski: Roald Dahl
magyar: Roald Dahl
Bahasa Indonesia: Roald Dahl
íslenska: Roald Dahl
italiano: Roald Dahl
қазақша: Роалд Дал
한국어: 로알드 달
Кыргызча: Роалд Дал
Lëtzebuergesch: Roald Dahl
latviešu: Rūalls Dāls
Malagasy: Roald Dahl
മലയാളം: റൊആൽഡ് ദാൽ
Bahasa Melayu: Roald Dahl
Nāhuatl: Roald Dahl
Nederlands: Roald Dahl
norsk nynorsk: Roald Dahl
norsk: Roald Dahl
occitan: Roald Dahl
ਪੰਜਾਬੀ: ਰਵਾਲਡ ਡਾਹਲ
polski: Roald Dahl
português: Roald Dahl
română: Roald Dahl
русский: Даль, Роальд
sardu: Roald Dahl
Scots: Roald Dahl
srpskohrvatski / српскохрватски: Roald Dahl
Simple English: Roald Dahl
slovenčina: Roald Dahl
slovenščina: Roald Dahl
српски / srpski: Roald Dal
svenska: Roald Dahl
Türkmençe: Roald Dal
Tagalog: Roald Dahl
Türkçe: Roald Dahl
українська: Роальд Дал
Tiếng Việt: Roald Dahl
West-Vlams: Roald Dahl
Winaray: Roald Dahl