Península de Chukchi

Bering Strait.jpeg

La península de Chukchi (en rusu, Чукотский полуостров, península Chukota) o Chukotka (Чукотка) ye una península que constitúi l'estremu nororiental de Siberia, de Rusia y del continente asiáticu. La península de Chukchi ta enfrentada a l'americana península de Seward, siendo dambes los estremos del estrechu de Bering.

Alministrativamente, la península ye parte del distritu autónomu de Chukotka de la Federación de Rusia.

Xeografía

La península de Chukchi ta bañada peles agües del mar de Chukchi, al norte; poles del mar de Bering, al sur; y poles del estrechu de Bering, al este. La península tien un llargor máximu d'unos 960 km en direición SE-NON, con un anchor nel istmu d'unos 500 km. El so anchor medio ye de 300-400 km, anque nel estremu oriental tien una subpenínsula d'unos 200 km d'anchu (con una superficie averada d'unos 50.000 km²). Dacuando, solamente esta subpenínsula ye considerada como la península de Chukchi.

Les mariñes de la península empiecen, al oeste, na desaguada del ríu Chaun (na badea Chaunskaya) y rematen, al este, na desaguada del ríu Anádyr (nel golfu del Anádyr). Eses mariñes son una de les etapes de la Ruta del Mar del Norte (el pasu Nordeste).

Nel estremu oriental de la península ta'l cabu Dezhneva (cerca del asentamientu de Uelen), que ye'l puntu más oriental d'Asia. Nel cantu oriental, nel estrechu de Bering, tamién s'atopen la badea de San Lawrence y la badea de Kresta.

La península foi tradicionalmente el llar de los nativos chukchi, que siguen viviendo nella al pie de otres etnies —yupiks siberianos, esquimos sireniki, koryaks, chuvanos, evenos/lamutos, yukaghirs— y dellos colonos rusos.

La principal actividá económica ye la minería, con esplotaciones de cinc, oru y carbón. Tamién se practiquen la caza, fundamentalmente del renu, la pesca y el turismu de vida montesa.

Other Languages
azərbaycanca: Çukot yarımadası
беларуская (тарашкевіца)‎: Чукоцкі паўвостраў
български: Чукотка
čeština: Čukotka
Esperanto: Ĉukotko
hornjoserbsce: Čukotka
Bahasa Indonesia: Semenanjung Chukchi
한국어: 축치반도
Latina: Tschucotia
latviešu: Čukču pussala
Bahasa Melayu: Semenanjung Chukchi
Plattdüütsch: Tschuktschen-Halfinsel
norsk nynorsk: Tsjuktsjarhalvøya
srpskohrvatski / српскохрватски: Čukotsko poluostrvo
татарча/tatarça: Чукотка ярымутравы
oʻzbekcha/ўзбекча: Chukotka yarim oroli
Tiếng Việt: Bán đảo Chukotka