Partíu Socialista del País Valencianu

Nun confundir col antiguu partíu Partit Socialista del País Valencià.
Partit Socialista del País Valencià-PSOE
Secretaría xeneralXimo Puig
Voceru/aManuel Mata (nes Cortes Valencianes)
Fundación1978
SeeValencia
EstáuBandera d'España España
Posición nel espectruCentro-Esquierda
Páxina webwww.socialistesvalencians.org
Cambiar los datos en Wikidata

El Partit Socialista del País Valencià-PSOE (PSPV-PSOE) (en castellán Partíu Socialista del País Valencianu-PSOE) ye'l nome de la federación del Partíu Socialista Obreru Español na Comunidad Valenciana (España), nacida de la confluencia de la federación valenciana del PSOE y la federación valenciana del PSP col antiguu Partit Socialista del País Valencià en 1978.

Foi'l partíu políticu más votáu na Comunidad Valenciana hasta les eleiciones xenerales de 1993, nes que se vio superáu pol Partíu Popular, que ganó toles eleiciones celebraes dende entós. Consiguió mayoría absoluta nes Cortes Valencianes nes eleiciones de 1983 (51 diputaos) y 1991 (45 diputaos). Na llexislatura 1987-1991 gobernó en minoría (42 diputaos) col sofitu parllamentariu puntual de la coalición EUPV-UPV y, en delles ocasiones, del CDS. Foi tamién la primer fuerza municipal de la Comunidad Valenciana hasta'l 1995.

Anguaño nes Cortes Valencianes ye la segunda fuerza más votada nes eleiciones autonómiques de 2015 (23 diputaos), pero'l so líder Ximo Puig foi investido President de la Generalitat, en coalición con Coalició Compromís y col sofitu de Podemos. Nes distintes eleiciones que se celebraron desque ye la segunda fuerza político, llogró 32 diputaos en 1995, 35 en 1999 y 2003, 38 en 2007 y 33 en 2011. Nes eleiciones locales de 2011 llogró 1.885 conceyales, foi la segunda fuerza más votada y cuenta coles alcaldíes de Benidorm, Alcói, Villarreal, Mislata, Onteniente, Jávea y Alacuás, ente los conceyos de más de 30.000 habitantes, amás de participar nos gobiernos locales de Orihuela, Burjasot y Villena.Nes Eleiciones municipales d'España de 2015 El PSPV-PSOE caltiense como segunda fuerza más votada y con 1.836 conceyales recupera'l poder municipal que perdiera en 2011, bien gobernando en solitariu, bien por aciu pactos col restu de fuerces progresistes. Ente los conceyos de más de 30.000 habitantes cunta coles alcaldíes de Castellón de la Plana, Alicante, Alcói, Villarreal, Mislata, Onteniente, Xátiva, Paterna, Burjasot, Riega, Chirivella, Aldaya, Alacuás, Gandía, Denia, Jávea, Elx, San Vicente del Raspeig, Elda, Petrel, Villajoyosa, Santa Pola, Burriana y Vall de Uxó; amás de participar nos gobiernos municipales de ciudaes como Valencia o Alcira.Los comicios locales del 2015 dexaron al PSPV recuperar numberosos feudos tradicionales que perdiera a manos del PP y arrampuñar los suyos a los populares, vuelven a manos socialistes, o se caltienen, numberoses ciudaes del llamáu "petrina colorada" de Valencia". Asina mesmu, el PSPV-PSOE consigue con un pactu ente les esquierdes la Diputación Provincial de Valencia que'l so presidente ye Jorge Rodríguez Gramaje alcalde de Onteniente.[1]