Nomenclatura binominal

El sistema de nomenclatura binominal identifica a una especie inequívocamente, pos nun puede haber dos especies distintes col mesmu nome y evita la pluralidá de nomes comunes col que-y la pueda conocer según l'idioma o rexón, qu'amás pueden nomar a más d'un taxón distintu. Na imaxe: el nome Atelerix albiventris identifica universalmente a esta especie de corpuspín, conocíu tamién n'español como corpuspín de banduyu blancu, corpuspín pigméu africanu, corpuspín africanu nanu o corpuspín de cuatro dedos.

En bioloxía, la nomenclatura binominal (tamién llamada nomenclatura binomial, nomenclatura binaria o nome binariu) ye un conveniu estándar utilizáu pa denominar les distintes especies d'organismos (vivos o estinguíos). Dacuando faise referencia a la nomenclatura binominal como sistema de clasificación binominal.[1]

Como suxure la pallabra «binominal», el nome científicu dau a una especie ta formáu pola combinación de dos pallabres («nomes» en llatín, de raigañu grecolatina o llatinizaos): el nome del xéneru y l'epíteto o nome específicu. El conxuntu de dambos ye'l nome científicu que dexa identificar a cada especie como si tuviera «nome y apellíu».

La nomenclatura binominal ye la norma puntual que s'aplica a la denominación de los taxones específicos, pero representa namái unu de los estándares de la nomenclatura biolóxica, que s'ocupa tamién de la denominación formal (científica) de taxones d'otres categoríes. La formación d'estos nomes y el so usu tán regulaos polos distintos códigos de nomenclatura: zoolóxicu, botánicu, de bacteries y de virus.

Other Languages
Afrikaans: Binomiale naam
العربية: تسمية ثنائية
مصرى: اسم علمى
azərbaycanca: Binominal nomenklatura
беларуская (тарашкевіца)‎: Бінамінальная намэнклятура
भोजपुरी: दूपद नाँव
Cymraeg: Enw deuenwol
فارسی: نام علمی
français: Nom binominal
Avañe'ẽ: Omboherokõiva
客家語/Hak-kâ-ngî: Ho̍k-miàng
עברית: שם מדעי
hrvatski: Dvojno nazivlje
Kreyòl ayisyen: Nomanklati binomyal
Bahasa Indonesia: Tata nama biologi
íslenska: Tvínefni
Taqbaylit: Isem usnan
ភាសាខ្មែរ: Binomial nomenclature
Latina: Binomen
Basa Banyumasan: Tatajeneng binomial
Bahasa Melayu: Tatanama binomial
norsk: Binominal
پنجابی: سائینسی ناں
پښتو: علمی نوم
srpskohrvatski / српскохрватски: Binarna nomenklatura
Simple English: Binomial nomenclature
oʻzbekcha/ўзбекча: Binar nomenklatura
Tiếng Việt: Danh pháp hai phần
中文: 二名法
粵語: 雙名法