Mercáu de trabayu

Nómase mercáu de trabayu al conxuntu de rellaciones de mercáu ente emplegadores y persones que gueten emplegu remuneráu por cuenta ayena. El mercáu de trabayu tién particularidaes que lu estremen d'otres clases de mercaos (financieru, inmobiliariu, de materies primes, etc.) yá que rellaciónase cola llibertá de los trabayadores y la necesidá de da-y garantíes a la mesma. Nesti sentíu, el mercáu de trabayu ta davezu influyíu y reguláu pol Estáu per aciu del Drechu del Trabayu y per una modalidá especial de contratu, el conveniu coleutivu de trabayu.

Los emplegadores y los emplegaos precisen les sos aiciones y reaiciones a respeutive de delles midíes qu'afeuten la so utilidá como axentes económicos. Estes midíes que repárense concretamente nel mercáu del trabayu rellaciónense direutamente con múltiples factores como'l salariu, el preciu, el beneficiu y les condiciones rellacionaes col emplegu. Ye importante dicir que en virtú de lo enantes espresáu conflúin dos posiciones diametralmente opuestes o diverxentes, puesto que d'un llau alcuéntranse los emplegadores, que tienten d'estender el so beneficiu, y d'otru llau los trabayadores, que lóxicamente tienen como oxetivu encumar la so remuneración que-yos permita algamar la mayor satisfaición a les son necesidaes.

Destamiente, l'antagonismu qu'esiste ente emplegadores y emplegaos ye reguláo pol Drechu del Trabayu, a traviés de delles normes xurídiques qu'equilibren lo que s'estrema una rellación ente 'l'económicamente poderosu' (l'emplegador) y el débil xurídicu (l'emplegáu).

Definición

El mercáu de trabayu ye una redolada económica na qu'alleguen la ufierta, formada pol númberu d'hores que quier trabayar la población n'actividaes remuneraes y la demanda, constituyía poles oportunidaes d'emplegu. Magar qu'intuitivamente el términu "ufierta de trabayu" pueda llevar a confusión, ha entendese como "ufierta de trabayadores" o "ufierta de la fuercia de trabayu". Nesti mercáu quien ufre ye quien gueta trabayu y poro "ufiértase". El demandante sedría'l que gueta trabayadores. Del gráu d'equilibriu ente estes dos variables derívense delles consecuencies que tomen el determín de les carauterístiques del mercáu nesi momentu y el so posible desendolcu. L'estudiu del mercáu del trabayu ye l'instrumentu que contribúi a la conocencia d'eses consecuencies.

Other Languages
العربية: سوق العمل
čeština: Trh práce
Deutsch: Arbeitsmarkt
Esperanto: Labormerkato
euskara: Lan merkatua
հայերեն: Աշխատաշուկա
日本語: 労働市場
қазақша: Еңбек нарығы
한국어: 노동 시장
Nederlands: Arbeidsmarkt
polski: Rynek pracy
русский: Рынок труда
slovenčina: Trh práce
slovenščina: Selekcijski postopek
svenska: Arbetsmarknad
українська: Ринок праці