María II d'Inglaterra

María II d'Inglaterra

María II d'Inglaterra
Orde: Reina d' Inglaterra, Escocia ya Irlanda
Mandatu: del 13 de febreru de 1689 al 28 d'avientu de 1694
Predecesor: Xacobu II d'Inglaterra
Socesor: Guillermu III d'Inglaterra
Nació'l: 30 d'abril de 1662
Nació en: Palacio St. James, Londres, Inglaterra
Fallecimientu: 28 d'avientu de 1694
Palaciu de Kensington, Londres, Inglaterra

María II d'Inglaterra ( 30 d'abril de 166228 d'avientu de 1694) foi reina d'Inglaterra, Escocia ya Irlanda dende 1689 hasta la so muerte. Educada na relixón protestante, xubió al tronu dempués de la Revolución Gloriosa, que dio llugar a la deposición del so padre, el rei católicu Xacobu II. [1] [2] Reinó en xunto col so home y primu, Guillermu III, príncipe d'Orange, que se convirtió en gobernante en solitariu dempués de la so muerte. [1] [3] La hestoria popular xeneralmente refierse al reináu conxuntu como «el de Guillermu y María». Anque yera la soberana por derechu de sangre, cedía-y a Guillermu la mayor parte del poder cuando esti s'atopaba n' Inglaterra. [4] Sicasí, dirixía'l reinu cuando'l so home taba en campañes militares nel estranxeru, demostrando ser una gobernante poderosa, firme y eficaz. [4] [5] Foi bien activa na Ilesia anglicana, que dirixó como la so Gobernadora Suprema. [6] Anque oficialmente compartió'l poder col so home, en gran parte exerciólu sola. [5]

Títulos

  • La so Alteza Lady María - 30 d'abril de 1662 – 13 de febreru de 1689. [7]
  • La so Alteza la Princesa d'Orange - 4 de payares de 1677 – 13 de febreru de 1689.
  • La so Maxestá la Reina - 13 de febreru de 1689 – 28 d'avientu de 1694.

Los títulos de Guillermu III y María II cuando xubieron al tronu foron «Guillermu y María, pola Gracia de Dios, Rei y Reina d'Inglaterra, Francia ya Irlanda, Defensores de la Fe, etc». —La reclamación al tronu de Francia yera namái nominal y fuera afirmada per cada rei d'Inglaterra dende Eduardu III, independientemente de la cantidá de territoriu francés controláu en realidá—. Dende'l 11 d'abril de 1689 —cuando los Estaos d'Escocia los reconocieron como soberanos— la pareya real usó'l títulu «Guillermu y María, pola Gracia de Dios, Rei y Reina d'Inglaterra, Escocia, Francia ya Irlanda, Defensores de la Fe, etc». [8]

  • referencies

Referencies

  1. 1,0 1,1 «King James' Parliament: The succession of William and Mary».
  2. «William III and Mary II» (inglés). The official website of The British Monarchy. Consultáu'l 15 d'avientu de 2009.
  3. «William III and Mary II» (inglés). The official website of The British Monarchy. Consultáu'l 15 d’avientu de 2009.
  4. 4,0 4,1 «Bill of Rights» (inglés). Constitution.org (1689). Consultáu'l 15 d'avientu de 2009.
  5. 5,0 5,1 «Mary II», Encyclopædia Britannica (11a ed. edición), Londres: Cambridge University Press, 1911 
  6. «Gilbert Burnet». NNDB. Consultáu'l 15 d’avientu de 2009.
  7. London Gazette: no. 1249, p. 1, 5 de noviembre de 1677.
  8. Brewer, p. 891
Other Languages
български: Мария II Стюарт
brezhoneg: Mari II Bro-Saoz
eesti: Mary II
Bahasa Indonesia: Mary II dari Inggris
ქართული: მერი II
Lëtzebuergesch: Mary II. vun England
македонски: Марија II
Bahasa Melayu: Mary II dari England
norsk nynorsk: Maria II av England
संस्कृतम्: मेरी २
srpskohrvatski / српскохрватски: Mary II od Engleske
Simple English: Mary II of England
српски / srpski: Мери II од Енглеске
Türkçe: II. Mary
Tiếng Việt: Mary II của Anh
粵語: 瑪麗二世