Llanera

Llanera
Bandera d'España España
Palacio de San Cucao - 1.jpg
Bandera de Llanera.svgEscudo de Llanera (Asturias).svg
Bandera de LlaneraEscudu de Llanera
Alministración
PaísBandera d'España España
AutonomíaFlag of Asturias.svg Principáu d'Asturies
ProvinciesFlag of Asturias.svg Provincia d'Asturies
Partíu xudicialUviéu
CapitalPosada
Alcalde de LlaneraJose Avelino Sanchez Menendez
Xeografía
Coordenaes43°27′16″N 5°51′08″O / 43°27′16″N 5°51′08″O / -5.85212534413
Llanera Asturies map.svg
Superficie106.69 km²
Llenda conXixón, Corvera, Uviéu, Siero, Illas y Les Regueres
Demografía
Población13 794 hab. (2017)
Densidá129,29 hab/km²
Xentiliciullaneranu, -a -o
Más información
Estaya horariaUTC+01:00
www.ayto-llanera.es
Cambiar los datos en Wikidata

Llanera ye un conceyu d'Asturies. Lenda'l norte con Xixón y Corvera, al sur con Uviéu, al este con Xixón y Siero y al oeste con Illas y Les Regueres. La so capital, Posada, allúgase a 11 km d'Uviéu, 20 d'Avilés y 22 de Xixón. Cunta con una población de 13.505 habitantes (INE, 2008).

Ente los servicios más importantes d'esti conceyu destaquen el ferrocarril de Renfe en Llugo, Villabona y Ferroñes, l'Institutu d'Enseñanza Secundaria en Posada, la so importante estaya industrial, colos polígonos de Silvota, Asipo y Parque Tecnolóxicu d'Asturies. Amás del Centru Penitenciariu d'Asturies.

Monte de Llanera, al llau del deportivu de Posada

Historia

Prehistoria y dómina romana

Tien restos arqueolóxicos del Paleolíticu Inferior y Mediu. Tamién poseye restos d'estructures tumbulares de la dómina Neolítica. Hai restos romanos que na so primer estructura foi un castru pero la falta d'escavadures arqueolóxiques fae abegoso la so datación, los prencipales castros son: La Coroña, Peña Menéndez, El Cantu San Pedru, El Cuetu y el Picu Cogolla, el más estudiáu foi el Cantu San Pedru que lu pon más como noyu aglutinador d'un territoriu con calter defensivu.

La invasión romana fexo del territoriu de Llanera ún de los más importantes. Tiénense noticies del noyu de Lucus Asturum que yera un enclave alministrativu importante y taba arreyáu con toles víes de comunicación.

Edaes media y moderna

Na Edá Media, hai una gran cantidá de documentaciones que mos informen sobro les ventes o donaciones qu'hebo nesti territoriu. Nesta dómina hebo dellos monesterios como los de San Pelayo, Santa María de la Vega y San Vicente, pero si hebo ún que destacó foi el de la Illesia mayor d'Uviéu que va enantanndo los sos territorios gracies a donaciones de dos reis, Alfonsu III y Ordoñu II. La culminación del so poder so estes tierres aportaría coles donaciones rializaes pola reina doña Urraca que dona a l'illesia d'Uviéu tol territoriu de Llanera.

Pelos sieglos XIV y XV, l'alministración de les tierres de Llanera taba venceyada a les de Les Regueres que pertenecíen al Obispu d'Uviéu, ésti encomendaba la so alministración a una presona llamada "encomenderu" que yera polo xeneral un ñoble destacando ente ellos: Don Rodrigo Álvarez de les Asturies o Pedro Menéndez de Valdés. Esta familia destaca pol so apoyu a la corona y tuvieron nesti cargu d'encomenderos fasta bien entráu el sieglu XIV. Esti sistema de gobiernu tevo dellos problemes qu'afecharon col alcíu del sieglu XV, que se conoz como la rebelión de «los esconxuraos», nomada asina porque los habitantes, fartos de los abusos del encomenderu, apoderánronse del so representante faciéndo-y oxetu de veyures, polo que l'Obispu respondió cola descomunión de les xentes del conceyu, pesllando les illesies. Esta situación duraría cuatro años fasta la muerte del Obispu, col nueu Obispu llegaríen a un alcuerdu prestando xuramentu de nun rebelase, llevantándo-yos el castigu de la descomunión.

Ye nel sieglu XVI, demientres el reináu de Felipe II, cuando el conceyu pasa a incorporase a la corona. La ciudá d'Uviéu merca'l territoriu ensin cuntar cola participación vecinal. Esti cambéu nun produxo denguna meyora pa les xentes, yá qu'hebo enterrios de contino col Ayuntamientu d'Uviéu, estos problemes siguieron asocediendo pelos sieglos XVII y XVIII, anque de diferente xeitu, ya que los llazos que xuníen a Llanera y Uviéu son ca vegada más febles. Esto afayámoslo a la hora de nomar cargos, ya que'l consistoriu uvieín tenía una potestá ca vegada más reducida.

Nesti sieglu XVIII y yá a entamos del XIX hai que destacar la Guerra Peninsular, onde delles presones del conceyu foron deportaos a Francia como prisioneros de guerra. Esta zona foi un llugar de pasu que se repetiría demientres la I Guerra Carlista.

Sieglu XIX n'alantre

Nel sieglu XIX, Llanera pescancia la so independencia d'Uviéu y afita la so capital en Posada, correspondiéndo-y l'asientu númberu 39 na Xunta Xeneral d'Asturies. Dalgo que destaca ye la importancia que va ganando esti conceyu como vía de comunicación y a esto escomencipióse-y a xunir una industrialización incipiente, instálense industries como Cerámica Guisasola, una fábrica d'esplosivos, españamientos mineros en Ferroñes. Otru asocedimientu foi la instalación de la llinia de ferrocarril LLión-Xixón que convirtió a Villabona nún importante noyu ferroviariu.

En 1936 Llanera dio'l trunfu al Frente Popular y tres el llevantamientu l'exércitu permaneció fiel a la República. Llanera foi tomada n'ochobre de 1937 al final de la guerra d'Asturies, pero continuaron dempués delles aiciones guerrilleres. En 1960 hai un gran puxu industrializador, naugúrense'l polígonu de Silvota, pero la cris de los años setenta tamién afeutó a esti conceyu, col pieslle de delles industries. Hai que destacar un resurdimientu a finales del sieglu XX y entama a instalase un nueu polígonu industrial, el d'Asipo, allúgase ellí tamién Mercasturias, y el Parque Tecnolóxicu d'Asturies, algamando un gran desenrrollu non sólo industrial sinón residencial.

Other Languages
aragonés: Llanera
العربية: يانيرا
беларуская (тарашкевіца)‎: Льлянэра
Cymraeg: Llanera
español: Llanera
euskara: Llanera
فارسی: یانرا
galego: Llanera
interlingua: Llanera (Asturias)
Bahasa Melayu: Llanera, Asturias
Nederlands: Llanera (Asturië)
occitan: Llanera
polski: Llanera
português: Llanera
русский: Льянера
українська: Льянера
oʻzbekcha/ўзбекча: Llanera
Tiếng Việt: Llanera, Asturias
中文: 利亚内拉
Bân-lâm-gú: Llanera (Asturias)