Guerra Civil Española

La Guerra Civil Española, o guerra d'España, foi un conflictu social, políticu y bélicu —que más tarde repercutiría tamién nuna crisis económica— que se desencadenó n'España tres el fracasu parcial del golpe d'Estáu del 17 y 18 de xunetu de 1936 lleváu a cabu per una parte del Exércitu contra'l Gobiernu de la Segunda República. Tres el bloquéu del Estrechu y el posterior ponte aérea que, gracies a la rápida collaboración de la Alemaña nazi y la Italia fascista, treslladó les tropes rebalbes a la Península nes últimes selmanes de xunetu,[4]

Dambos bandos cometieron y acusáronse recíprocamente de la comisión de graves crímenes nel frente y nes retaguardies, como saques de presos, paseos, desapaiciones de persones o estraxudiciales. La dictadura de Franco investigó y condergó severamente los fechos delictivos cometíos na zona republicana, llegando inclusive a instruyir una Causa Xeneral, tou ello con escases garantíes procesales. Pela so parte, los delitos de los vencedores nunca fueron investigaos nin enxuiciaos mientres el franquismu, a pesar de que dellos historiadores[5] y xuristes[6][7] sostienen qu'hubo un xenocidiu nel que, amás de subvertir l'orde institucional, intentaríase esterminar a la oposición política.[lower-alpha 2]

Les consecuencies de la Guerra Civil marcaron en gran midida la historia posterior d'España, polo escepcionalmente dramátiques y duraderes: tanto les demográfiques —morrina y descensu de la natalidá que marcaron la pirámide de población mientres xeneraciones— como les materiales —destrucción de les ciudaes, la estructura económica, el patrimoniu artísticu—, intelectuales —fin de la denomada Edá de Plata de les lletres y ciencies— y polítiques —la represión na retaguardia de dambes zones, caltenida polos vencedores con mayor o menor intensidá mientres tol franquismu, y el esiliu republicanu—, y que se perpetuaron muncho más allá de la enllargada posguerra, incluyendo la escepcionalidá geopolítica del caltenimientu del réxime de Franco hasta 1975.

Índiz

Other Languages
беларуская (тарашкевіца)‎: Грамадзянская вайна ў Гішпаніі
brezhoneg: Brezel Spagn
français: Guerre d'Espagne
Fiji Hindi: Spanish Civil War
Bahasa Indonesia: Perang Saudara Spanyol
한국어: 스페인 내전
Lëtzebuergesch: Spuenesche Biergerkrich
Plattdüütsch: Spaansche Börgerkrieg
नेपाल भाषा: स्पेनी गृहयुद्ध
srpskohrvatski / српскохрватски: Španski građanski rat
Simple English: Spanish Civil War
Bân-lâm-gú: Se-pan-gâ Lōe-chiàn