Dōjinshi

Doujin001.png

Los dōjinshi (同人誌) son cómics xaponeses (manga) dibuxaos por aficionaos en llugar de dibuxantes profesionales (mangaka). Trátase normalmente de fanzines de manga. El términu vien de dōjin (同人) o 'grupu lliterariu', que yera la forma tradicional de producción, y shi (誌), que significa 'revista' o 'distribución'.

Dellos podríense considerar trabayos d'aficionaos (fanwork), pero munchos (les CLAMP entamaron colos dōjinshi) son simplemente espublizaciones de manga de pequeña tirada. Davezu, el dibuxante de dōjinshi básase nun manga o un animé de moda, pero pue incluyir títulos anteriores o inclusu los personaxes orixinales del mangaka. Les histories consisten normalmente nuna parodia o una historia orixinal colos personaxes del manga o animé dau.

A primer vista, paez que les historias ya illustraciones empobinaes a los adultos dominen esti seutor del manga, pero munchos dōjinshi, de fechu, nun tán necesariamente empobinaos al lleutor adultu, sinón que son creyaos por xente que prefier espublizar los sos propios cómics o ta buscando ser captada pa entrar nel mercáu. Los artistes ya illustradores de dōjinshi, tantu los individuales como los miembros d'un "círculu", puen ser namái aficionaos o inclusu artistes profesionales.

Los siguidores más fieles del arte del dōjinshi acuden a una convención semestral nomada Comiket (Comic Market, mercáu de cómics) que tien llugar tolos branos ya iviernos en Tokiu. Ellí, los dōjinshi nuevos ya inclusu los antiguos merquense, vendense ya intercambiense. Por mor de les lleis de los drechos d'autor, los artistes de dōjinshi namái puen imprentar unes poques copies de los sos llibros. Esto fai que les obres de los artistes y círculos más buscaos se conviertan en dalgo que namái los que tienen más suerte y rapidez podrán algamar enantes de que la tirada s'escose.

Nun esiste un tamañu fixu pa los dōjinshi, y ye que cada artista o círculu pue producilu nel tamañu que-y pete. Los precios puen variar ente un dólar y varios cientos de dólares. Esti tipu d'arte espardióse muncho demientres los años 1990 porque promociona una forma d'arte llibre y atraye tantu a los artistes con talentu como a los siguidores.

  • categoríes

Categoríes

Destrémense trés categoríes: Kenzen (pa neños), Yaoi June (pa muyeres) y H/adultos (p'adultos: sexu). De les trés categoríes, el yaoi xorreció aína. Dellos doujinshis son histories orixinales que puen pertenecer a cualaquier categoría; otra cosa qu'afeuta a un doujinshi ye la popularidá d'un anime o manga: si tien ésitu tendrá un doujinshi; delles son histories inocentes pero otres nun lo son.

Los dōjinshi ippan nun contienen material adultu y suelen ser acondaos pa xente más mozo.

Other Languages
العربية: دوجينشي
azərbaycanca: Docinşi
català: Dōjinshi
čeština: Dódžinši
Cymraeg: Dōjinshi
dansk: Doujinshi
Deutsch: Dōjinshi
English: Dōjinshi
español: Dōjinshi
suomi: Dōjinshi
français: Dōjinshi
magyar: Dódzsinsi
Bahasa Indonesia: Dōjinshi
italiano: Dōjinshi
日本語: 同人誌
қазақша: Додзинси
한국어: 동인지
Bahasa Melayu: Dōjinshi
Nederlands: Dojinshi
norsk: Dōjinshi
polski: Dōjinshi
português: Dōjinshi
русский: Додзинси
Simple English: Doujinshi
svenska: Dōjinshi
Tagalog: Dōjinshi
Türkçe: Dōjinshi
українська: Додзінсі
Tiếng Việt: Dōjinshi
中文: 同人誌