Calendariu shaka

Una moneda de plata ―de 16 mm, 2.2 gramos― del rei Rudrasena I (200-222), de la Satrapía occidental. Esta moneda lleva la fecha en saka n'escritura brahmi nel aviesu: 131 saka, que correspuende a 209 d. C.
Mohar del rei gorkhali Prithvi Narayan Shah, fecháu nel 1685 saka (1763 d. C.).

La era saka, tamién conocida como la era shalivajana adoptóse pol gobiernu indiu como'l calendariu nacional de la India. El so añu cero empieza cerca del equinocciu de primavera del añu 78 d. C. El calendariu saka empieza'l 22 de marzu de cada añu, sacante nos años bisiestos, en que principia'l 23 de marzu.

Hestoria

La era saka empezó cola ascensión al tronu del emperador kushana Kaniska, nel añu 78 d. C. Dempués de la caida de los kushanas, los sos herederos los sakas d' Uyain siguieron utilizando esta era. Astrónomos como Varaja Mijira, el matemáticu Brahmagupta y l'historiador Kaljana utilizaron la era saka nes sos obres célebres.

Los guryaras de Bhinmal, los chalukias de Badami y los rastrkutas de Deccan utilicen la era saka. Ello ye que la era saka foi'l calendariu más estendíu nel tiempu na India y foi una de les principales razones poles que'l Comité de Reforma del Calendariu decidió que la era saka fuera'l «calendariu nacional de la India» ―otra razón foi la so relativa precisión en rellación con otros calendarios rexonales de la India, enforma imperfeutos―.

Nun informe arqueolóxicu de 1864, A. Cunningham ―el primer direutor xeneral del Serviciu Arqueolóxicu de la India― acreditó a Shalivajan ―el llexendariu rei de Panyab de la dinastía Bhati― la creación de la era saka pa conmemorar la so victoria sobre los sakas. La dinastía Bhati gobernó dende Siyalkot de Panyab.

La era tamién foi utilizada polos tribunales de Java dende la dómina del antiguu xavanés hasta l'añu 1633, cuando se sustituyó pol calendariu anno javánico, un sistema híbridu xavanés-islámicu.[1]

El calendariu saka tamién ayudó a los historiadores a datar la inscripción Laguna Copperplate, el primer documentu escritu atopáu nes Filipines.

Utilizóse non solo en munches inscripciones indies sinón tamién n'antigües inscripciones en sánscritu del sureste d'Asia.

El calendariu reformáu promulgáu pol gobiernu de la India a partir de 1957 ta basáu nel calendariu salivajana. Utilízase xuntu al calendariu gregorianu, na Gazette d'India (publicación oficial del Gobiernu), nes tresmisiones de noticies de la All India Radio, y en calendarios y comunicaciones publicaos pol gobiernu de la India. Al marxe de tales propósitos formales, el calendariu nun s'utiliza ampliamente.

Other Languages
Afrikaans: Indiese kalender
অসমীয়া: শকাব্দ
беларуская (тарашкевіца)‎: Індыйскі нацыянальны каляндар
বাংলা: শকাব্দ
ދިވެހިބަސް: ސާކާ
galego: Shaka Samvat
Bahasa Indonesia: Kalender Saka
Basa Jawa: Pananggalan Saka
한국어: 인도 국정력
മലയാളം: ശകവർഷം
Nederlands: Indiase kalender
norsk nynorsk: Shaka Samvat
srpskohrvatski / српскохрватски: Indijski nacionalni kalendar
Simple English: Indian national calendar
svenska: Sakakalendern
Kiswahili: Shaka Samvat