Bandera de Nava

Flag of nava.png

La bandera de Nava (Asturies) ye rectangular, de proporciones 2:3 (anchu:llargu). Divídese en dos franxes verticales. La cercana al asta, d'un terciu del llargu de la bandera, tien quince cuadraos, ocho mariellos y siete de veros. La franxa del batiente ye encarnada, con seyes flores de pumar, blanques col estame mariellu, formando un círculu. La parte flanquiada de mariellu y veros representa a los Siñores de Nava (fonduxe Álvarez de les Asturies), mentes que'l círculu de flores de pumar ye un símbolu de la importancia d'esti árbol nel conceyu, que destaca pola producción de sidra. L'autor del diseñu foi Eduardo Panizo Gómez, de la Sociedá Española de Vexiloloxía.

Other Languages
español: Bandera de Nava