Arma nuclear

Españíu de la bomba de Nagasaki

Una arma nuclear ye una arma que xenera una gran cantidá d'enerxía a partir d'una reaición de fisión o de fusión nuclear. Esti tipu d'armes tienen una gran capacidá destructiva, y son les más potentes de les que s'emplegaren enxamás. Anguaño, namái qu'un grupu rellativamente pequeñu de países reconoz que dispón d'elles.


Dixébrense en dos clases acordies col so mecanismu d'actuación:

  • Les denomaes bombes atómiques o bombes A son les qu'utilicen una reaición nuclear de fisión.
  • Les denomaes bombes d'hidróxenu o bombes H utilicen una reaición nuclear de fusión y son muncho más potentes que les otres.

Les armes nucleares adopten bien de formatos y puen ser llanzaes dende aviones o per aciu de cohetes y misiles dende somarinos, portaaviones, bases militares, etc. Les armes nucleares empléguense como una estratexa de demostración de superioridá y una amenaza, en bas al conceutu de disuasión nuclear.

En tiempu de guerra namái que s'emplegaron en dos ocasiones: N'Hiroshima el 6 d'agostu de 1945 y en Nagasaki trés díes depués. Los tipos de bombes emplegaos foron una bomba d'uraniu y una de plutoniu (les dos yeren bombes A). 120.000 persones morrieron nel intre y el doble por mor de los efeutos a mediu y llargu plazu d'estes armes.

D'entós p'acá, esplotaron unes 2.000 bombes nucleares, bien d'elles como prebes, per parte de siete estaos: Los Estaos Xuníos, La Xunión Soviética, Francia, El Reinu Xuníu, China, India y Paquistán. Sospéchase de qu'otros países tienen capacidá nuclear, y caltiénenlo en secretu.

Bomba atómica Little Boy 2

Tipos d'armes nucleares

Les armes nucleares puen dixebrase acordies col tipu de reaición nuclear que llibera la enerxía de la esplisión o acordies col so diseñu internu. Con too y con eso, toles armes nucleares construyíes fasta agora dependen d'una reaición de fisión pa entamar la lliberación d'enerxía. Polo xeneral, les armes nucleares clasifíquense nes clases que vienen darréu:

Esquema de la bomba atómica Little Boy 1.Aletes de la cola en forma de caxa. 2.Conxuntu de la recámara del cañón d'aceru. 3.Detonador. 4.Cordite (esplosivu propulsor ensin fumu convencional). 5.Proyeutil d'uraniu-235. Seyes aniellos (26 kg) nun contenedor d'aceru. 6.Dispositivos sensores de la presión almosférica y coleutor. 7.Revestimientu contenedor de la bomba. 8.Equipu de fusibles y montada. 9.“Bala” d'uraniu-235 (carauterístiques téuniques: 24 kg, 16 cm de llonxitú, 10 cm de diámetru) 10. Cilindru del cañón (el dibuxu nun se correspuende coles proporciones: tenía unos 180 cm de llargo, con un diámetru internu de 10 cm) 11.“Diana” d'uraniu-235 (carauterístiques téuniques: 36 kg) con receutáculu (el refleutor de neutrones ye xusto embaxo) 12.Antena de l'altímetry Archie (4xAPS-13). 13.Fusibles (puestos p'armar la bomba xusto enantes de llanzala).

Bombes de fisión

Les bombes de fisión obtienen la so enerxía dafechu a partir del procesu de fisión d' átomos pesaos, xeneralmente uraniu o plutoniu. Estos átomos tienen isótopos radioautivos i dellos, como l'U-235 y el Pu-239, puen emplegase pa facer bombes atómiques.

El material radioautivu mantiénse separáu en dos nuclios, cadún con una masa inferior a la masa crítica. Nel momentu del españíu, les dos mases socrítiques axúntense formando una masa supercrítica per aciu d'un esplosivu convencional.

Esti tipu d'arma nuclear ye la más cenciella de fabricar y ye'l que va emplegase na primera preba d'una bomba atómica (preba Trinity, proyeutu Manhattan) y nes bombes llanzaes sobro Hiroshima y Nagasaki al final de la Segunda Guerra Mundial.

La enerxía lliberada por esti tipu de bombes suel ser d'unes cuantes decenes de kilo tones. Esta, vien llimitada pola cantidá de material radioautivu que se pue acumular nes mases socrítiques. La mayor bomba de fisión enxamás llanzada tenía una potencia de 500kt.

Bombes de fisión aumentaes

Nesti tipu de bombes colócase un poco de deuteriu i de tritiu xunto col material fisionable, al nucliu de la bomba. Les temperatures elevaes producíes pola fisión entamen la fusión d'estos dos isótopos d'hidróxenu. La reaición de fusión produz munchos neutrones d'alta enerxía qu'aceleren el procesu de fisión. D'esta manera una proporción más grande de nuclios pesaos puen fusionase primero de que la fuercia de la esplosión nun separte'l material radioautivu.

Esti métodu pue aportar a doblar la potencia d'una bomba de fisión (por exemplu, una bomba de 20kt pue pasar a ser de 40kt). Con too y con eso, la contribución de la reaición de fusión a esta potencia ye mui pequeña (un 1%). Les bombes de fisión aumentaes son el primer pasu p'algamar una verdadera bomba de fusión atómica.

Bombes de fisión-fusión

Les bombes de fisión-fusión obtienen la so enerxía a partir de la fusión d'isótopos pesaos d'hidróxenu, como'l deuteriu y el tritiu conteníos en forma de tritiur, o deuteriur de Litiu. Estos isótopos son inestables, y amás el tritiu tamién ye radioautivu, polo que s'empleguen amestaos col litiu, que, cuando absorben neutrones, produz les reaiciones nucleares y devién tamién en readioautivu, y fina contribuyendo a la esplosión de la bomba.

La reaición de fusión xenérala una reaición de fusión que ye al empar entamada por un esplosivu convencional. Poro, denómense bombes de fisión-fusión, porque nun son quién a algamar les temperatures precises pa xenerar la reaición de fusión ensin una reaición de fisión primero.

Una bomba como esta, qu'obtién la mayor parte de la so enerxía d'una reaición de fusión, denómase una «bomba llimpia», porque dexa rellativamente pocos residuos radioautivos.

Bombes de fisión-fusión-fisión

Nesti casu, los neutrones producíos poles dos primeres reaiciones producen la fusión d'una capa esterna d'ellementos pesaos.

Esti tipu de bomba, onde gan parte de la enerxía lliberada provién d'una reaición de fisión, denomóse «bomba puerca», pola gran cantidá de residuos radioautivos que dexa. Nun s'ha tracamundiar cola que méntase más abaxo.

Anguaño les «bombes puerques», que nun respuenden al conceutu de bomba nuclear. Son les bombes convencionales que contienen material radioautivu, que queda dixebráu depués de la esplisión. Pue dicise que demientres que les bombes son armes de destruición masiva, porque destruyen mesmo les vides humanes que les estructures, edificios, máquines, instalaciones, etc; les bombes puerques son armes de destruición masiva, porque puen producir pocos daños nun entamu, pero fan inhabitable un llugar per bien de tiempu.

Bombes de neutrones

Les bombes de neutrones dexen escapar gran cantidá de neutrones producíos por una reaición de fusión. L'enorme poder de penetración de los neutrones destrui cualaquier forma de vida, anque produz pocos daños a les estructures.

Other Languages
Afrikaans: Kernwapen
Alemannisch: Kernwaffe
aragonés: Arma nucleyar
العربية: سلاح نووي
azərbaycanca: Nüvə silahı
башҡортса: Ядро ҡоралы
žemaitėška: Kondoulėnis gėnklos
беларуская: Ядзерная зброя
беларуская (тарашкевіца)‎: Ядзерная зброя
български: Ядрено оръжие
brezhoneg: Arm nukleel
català: Arma nuclear
čeština: Jaderná zbraň
Cymraeg: Arf niwclear
Deutsch: Kernwaffe
Ελληνικά: Πυρηνικό όπλο
Esperanto: Atombombo
español: Arma nuclear
eesti: Tuumarelv
euskara: Bonba nuklear
suomi: Ydinase
français: Arme nucléaire
Frysk: Kearnwapen
贛語: 核武器
galego: Arma nuclear
गोंयची कोंकणी / Gõychi Konknni: अणुबॉंब
हिन्दी: परमाणु बम
interlingua: Arma nuclear
Bahasa Indonesia: Senjata nuklir
íslenska: Kjarnorkuvopn
italiano: Arma nucleare
日本語: 核兵器
Basa Jawa: Gaman nuklir
қазақша: Ядролық қару
한국어: 핵무기
Lëtzebuergesch: Atomwaff
latviešu: Kodolieroči
македонски: Нуклеарно оружје
മലയാളം: ആണവായുധം
Bahasa Melayu: Senjata nuklear
မြန်မာဘာသာ: အဏုမြူ လက်နက်
नेपाली: परमाणु बम
नेपाल भाषा: आणविक ल्वाभः
Nederlands: Kernwapen
norsk nynorsk: Atomvåpen
occitan: Arma nucleara
ਪੰਜਾਬੀ: ਨਿਊਕਲੀ ਬੰਬ
Pälzisch: Kärnwaff
پنجابی: ایٹم بمب
português: Bomba nuclear
română: Armă nucleară
संस्कृतम्: अण्वस्त्रम्
سنڌي: ائٽم بم
srpskohrvatski / српскохрватски: Nuklearno oružje
Simple English: Nuclear weapon
slovenčina: Jadrová zbraň
slovenščina: Jedrsko orožje
српски / srpski: Нуклеарно оружје
Seeltersk: Käädenwoape
Basa Sunda: Pakarang nuklir
svenska: Kärnvapen
Kiswahili: Bomu la nyuklia
తెలుగు: అణ్వాయుధం
Türkçe: Nükleer silah
татарча/tatarça: Атом-төш коралы
українська: Ядерна зброя
oʻzbekcha/ўзбекча: Yadro quroli
Tiếng Việt: Vũ khí hạt nhân
吴语: 核武器
中文: 核武器
Bân-lâm-gú: He̍k-chú bú-khì
粵語: 核武