Antropoloxía física

Clavícula medieval d'interés antropolóxicu.

L'antropoloxía física ye la ciencia que se dedica al estudiu de la variabilidá y evolución orgánica del ser humanu y de los sos determinantes culturales y de comportamientu. Estudia la variabilidá biolóxica del ser humanu como entidá individual y como especie. Nesti sentíu, l'antropoloxía física ye una ciencia articulada sólidamente, mesmo coles ciencies naturales que coles sociales, yá que'l so contestu metodolóxicu y epistemolóxicu, ensin dulda, correspuende al de les ciencies esperimentales.

Oríxenes y desarrollu

Los inicios de l'antropoloxía física como disciplina científica podríen situase a mediaos del sieglu XIX, cola publicación del llibru de Charles Darwin On the Origin of Species (L'orixe de les especies), y mui especialmente cola posterior publicación L'origen de l'home.[1][2] L'interés pola descripción y catalogación de les diferencies morfolóxiques presentes en munches poblaciones humanes llevaría a l'apaición de metodoloxíes basaes na descripción de tipoloxíes morfolóxiques n'humanos. Entráu'l sieglu XX, diríen amestándose conocimientos d'otres disciplines científiques, como ye'l casu del estudiu xenéticu.[3]

Anguaño, podemos considerar dos campos de trabayu principales dientro l'antropoloxía física: l'estudiu anatómicu y osteolóxicu de restos humanos, y l'estudiu molecular y xenéticu de poblaciones humanes.[4] En dambos casos, l'oxetivu ye'l mesmu: la descripción y estudiu de la variabilidá humana asina como la so adaptación al entornu.

Other Languages
Bahasa Indonesia: Antropologi biologis
日本語: 自然人類学
la .lojban.: jmive remske
한국어: 형질인류학
srpskohrvatski / српскохрватски: Fizička antropologija
Simple English: Physical anthropology