André Franquin

André Franquin, llamáu Franquin, ye un autor belxicanu de cómic nacíu'l 3 de xineru de 1924 n'Etterbeek, muertu'l 5 de xineru de 1997 en Saint-Laurent-du-Var.

Visión xeneral

A la manera d'Hergé nel Journal de Tintin, André Franquin ye unu de los pegoyos del cómic belxicanu, que tenía trabayao abondos años al llau de Peyo, Morris, y Will en Le Journal de Spirou. Distínguese pola calidá del so dibuxu, especialmente nel reflexu de los movimientos y la espresión de los personaxes, en particular de los animales. Per otra parte, Hergé dixo: « al llau d'André Franquin, yo nun soi más qu'un probe dibuxante ». Destaca tamién pola inventiva del so humor, davezu coloreáu de poesía. El so esmolecimientu pola perfección gráfica, aliada a la posición histórica de la so carrera, dan obres que seducen a toles xeneraciones de llectores. N'efeutu, asitiáu nun periodu onde'l cómic ta fundamentalmente destináu a los más mozos, fai historietes accesibles a un públicu xoven, pero inxer detalles que nun surden más que con una llectura más fondera. Desendolca esi principiu con Gaston Lagaffe, que-y da popularidá, pero nun faira más cómic «p'adultos» hasta'l fin de la so carrera, coles Idées noires y el magazine Fluide Glacial.

Other Languages
български: Андре Франкен
brezhoneg: André Franquin
čeština: André Franquin
Esperanto: André Franquin
español: André Franquin
français: André Franquin
Bahasa Indonesia: André Franquin
íslenska: André Franquin
italiano: André Franquin
Lëtzebuergesch: André Franquin
Nederlands: André Franquin
norsk nynorsk: André Franquin
português: André Franquin
Simple English: André Franquin
Tiếng Việt: André Franquin