Ab urbe condita

Ab urbe condita ye una frase llatina que significa dende la fundación de la ciudá (Roma), que se produció, según el cálculu fecho por Marcu Terenciu Varrón, nel tercer añu de la sesta olimpiada, esto ye, nel añu 753 e.C.

Ab urbe condita, que la so abreviatura ye AUC, ye un sistema de numberación usáu por dalgunos historiadores de la Roma clásica pa nomar los años. Sicasí, los editores de llibros del Renacimientu añedieron delles veces AUC a los manuscritos romanos que publicaron, dando la falsa impresión de que los romanos teníen el vezu d'usar esti sistema pa numberar los años, y parez que nun yera asina. El métodu más usáu nesa dómina yera nomar a los dos cónsules qu'ocupaben el cargu esi añu. Asina, por exemplu, l'añu 430 yera conocíu como Añu del consuláu de Teodosiu y Valentinianu. Usar l'añu de reináu del emperador foi otru sistema, perestendíu nel Imperiu bizantín dende que, en 537, Xustinianu desixó que se ficiera así. El caberu de los sistemes alternativos era cuntar los años post reges exactos, esto ye, dende la espulsión de los reis y la creación de la República romana.

El sistema foi usáu polo menos hasta'l pontificáu d'Hormisdes (514-523), cuando'l monxu Dionisiu l'Exiguu calculó les feches del ciclu pascual a partir de la fecha de la encarnación de Xesucristu, qu'él dató nel añu 754 AUC.

Other Languages
Alemannisch: Varronische Ära
български: Ab urbe condita
brezhoneg: Ab urbe condita
bosanski: Ab Urbe condita
Ελληνικά: Ab urbe condita
Esperanto: Romia erao
español: Ab Urbe condita
français: Ab Urbe condita
Nordfriisk: Ab urbe condita
עברית: Ab urbe condita
Bahasa Indonesia: Ab urbe condita
italiano: Ab Urbe condita
ქართული: Ab Urbe condita
қазақша: Ab urbe condita
Latina: AUC
latviešu: Ab urbe condita
македонски: Ab urbe condita
norsk nynorsk: Ab urbe condita
português: Ab urbe condita
română: Ab Urbe condita
русский: Ab Urbe condita
srpskohrvatski / српскохрватски: Ab Urbe condita
Simple English: Ab urbe condita
slovenščina: Ab urbe condita
Basa Sunda: Ab urbe condita
Türkçe: Ab urbe condita
українська: Ab Urbe condita
Tiếng Việt: Ab urbe condita
მარგალური: Ab Urbe condita
文言: 建城
Bân-lâm-gú: Ab urbe condita