মাগোল

মাগোল (ইংৰাজী: Muggle) হৈছে জে. কে. ৰাউলিং ৰচিত হেৰী পটাৰ ছিৰিজত কোনো যাদুকৰী ক্ষমতা নথকা বা যাদুৰ জগতখনত জন্ম নোহোৱা মানুহক বুজাবলৈ ব্যৱহৃত এক শব্দ।মাগোলৰ কোনো যাদুকৰী তেজ নাথাকে। মাগোল শব্দটি স্কুইব বা মাগোল-জন্মা মাগোল-বৰ্ণ শব্দৰ পৰা পৃথক। স্কুইব শব্দই যাদুকৰ মাতা-পিতা থকা সত্বেও যাদুকৰী ক্ষমতা নথকা লোক আৰু মাগোল-জন্মা (অভব্য অৰ্থত লেতেৰা তেজ) শব্দই যাদু নজনা মানুহৰ ঘৰত জন্মা কিন্তু যাদুকৰী ক্ষমতা থকা লোকক বুজায়। মাগোল শব্দৰ আন আন অৰ্থও আছে যদিও তাৰ হেৰী পটাৰ ছিৰিজৰ লগত সম্পৰ্ক নাই।[1]

হেৰী পটাৰ শৃংখলাত ব্যৱহাৰ

কিতাপকেইখনত মাগোল শব্দটি অৱজ্ঞাসূচক অৰ্থত ব্যৱহৃত হৈছে। মাগোলসকল যাদুকৰী সমাজৰ অন্তৰ্ভুক্ত নহয় কাৰণ তেওঁলোক যাদুকৰ বা যাদুকৰণী নহয়।ৰাউলিঙৰ মতে প্ৰতিবছৰে হগৱাৰ্ট্ছত নাম ভৰ্তি কৰা ছাত্ৰ-ছাত্ৰীৰ চাৰিভাগৰ এভাগেই মাগল-জন্মা। আনহাতে কিছুমানৰ মাক বা দেউতাকৰ কোনোবা এজনহে যাদুকৰ। এইসকলক অৰ্ধ-তেজ বা হাফব্লাড বোলা হয়। তদুপৰি কাৰোবাৰ পৰিয়ালত নতুনকৈ মাগোল অন্তৰ্ভুক্ত হ'লেও তেওঁলোকক অৰ্ধ-তেজ বোলা হয়। শৃংখলাটিৰ সবাতোকৈ উল্লেখযোগ্য মাগল-জন্মা চৰিত্ৰ হ'ল হাৰমাইনি গ্ৰিঞ্জাৰ যাৰ মাক দেউতাক দুয়োজন মাগোল। যি যাদুকৰ বা যাদুকৰণী বংশসূত্ৰে যাদুকৰ তেওঁক বিশুদ্ধ তেজ বোলা হয়। কিতাপসমূহত যাদু নজনা মানুহবোৰক মূৰ্খৰ ৰূপত উপস্থাপন কৰা হৈছে যিয়ে তেওঁলোকৰ মাজতে বৰ্তি থকা যাদুকৰী পৃথিৱী খনৰ কথা গম নাপায়। যদি দূৰ্ভাগ্যবশতঃ কোনোবা যাদু নজনা মানুহে যাদুকৰী কাৰ্য্য-কলাপ দেখা পায় তেতিয়া যাদু মন্ত্ৰণালয়ে স্মৃতিসংশোধনকাৰী পঠিয়াই তেওঁলোকৰ ওপৰত স্মৃতি-বিলোপ যাদু প্ৰয়োগ কৰি সেই ঘটনা পাহৰাই পেলায়। অৱশ্যে কিছুমান মাগলে যাদুকৰী পৃথিৱীখনৰ কথা গম পায়। সেই সকলৰ ভিতৰত যাদু জনা বিদ্যাৰ্থীৰ অভিভাৱক যেনে হাৰমাইনি গ্ৰিঞ্জাৰৰ মাক দেউতাক,মাগোল প্ৰধানমন্ত্ৰী(আৰু তেওঁৰ পূৰ্বসূৰী),ডাৰ্চলী পৰিয়াল(হেৰী পটাৰৰ একমাত্ৰ জীৱিত আত্মীয়) আৰু যাদুকৰ বা যাদুকৰণীৰ মাগোল পতি পত্নী।

ৰাউলিঙে কোৱা মতে তেওঁ মাগোল শব্দটি ইংৰাজী 'মাগ' শব্দৰ পৰা সৃষ্টি কৰিছে যাৰ অৰ্থ হ'ল সহজতে মূৰ্খ সজাব পৰা মানুহ।ইয়াক কম অপমানসূচক কৰিবলৈ তেওঁ -গোল শব্দাংশ ব্যৱহাৰ কৰে।[2]

স্কটিক্ৰনিকণৰ লেখক এব্বট ৱাল্টাৰ বাৱাৰৰ মতে মাগোল মানে এজন 'ইংৰাজৰ নেজ'। এলিষ্টেয়াৰ মোফাটৰ কিতাপ 'এ হিষ্ট্ৰী অৱ দা ব'ৰ্ডাৰ্ছ ফ্ৰম আৰ্লি টাইমছ'ত কোৱা হৈছে যে ১৩শতাব্দীত স্কট সকলৰ মাজত এটা বিশ্বাস আছিল যে ইংৰাজসকলৰ নেজ থাকে।[3]

হেৰী পটাৰ কিতাপসমূহত এই শব্দটি ব্যৱহাৰ কৰা কাৰণে ৰাউলিঙো জৱাবদিহি হ'ব লগাত পৰিছিল।[4]

শৃংখলাটিৰ উল্লেখযোগ্য মাগোলসকল

  • পিটুনিয়া ডাৰ্চলী , হেৰীৰ জেঠায়েক
  • ভাৰ্ণন ডাৰ্চলী , হেৰীৰ জেঠু
  • ডাডলী ডাৰ্চলী , হেৰীৰ সম্বন্ধীয় ভাই
  • মাৰ্জ ডাৰ্চলী , ভাৰ্ণন ডাৰ্চলীৰ বায়েক।
  • মাগোল প্ৰধানমন্ত্ৰী
  • ফ্ৰেংক ব্ৰাইচ , ৰিডল পৰিয়ালৰ মালী
  • টম ৰিডল,জ্যেষ্ঠ , লৰ্ড ভলডেমৰ্টৰ দেউতাক
  • মিষ্টাৰ আৰু মিছেছ গ্ৰিঞ্জাৰ , হাৰমাইনিৰ মাক-দেউতাক
  • ট'বিয়াছ স্নেইপ , চেভেৰাছ স্নেইপৰ পিতৃ
  • মিষ্টাৰ ৰবাৰ্টছ ,কুইড্ডিচ বিশ্বকাপৰ সময়ত ৱিজলিহঁত থকা অঞ্চলটোৰ প্ৰবন্ধক
Other Languages
asturianu: Muggle
беларуская: Магл
বাংলা: মাগল
bosanski: Bezjak
català: Muggle
dansk: Muggler
Ελληνικά: Μαγκλ
English: Muggle
Esperanto: Muggle
español: Muggle
eesti: Mugud
galego: Muggle
हिन्दी: मगलू
magyar: Mugli
Bahasa Indonesia: Muggle
íslenska: Muggi
日本語: マグル
қазақша: Магл
한국어: 머글
Ripoarisch: Maggel
Lëtzebuergesch: Muggle
македонски: Muggle
मराठी: मगल
Bahasa Melayu: Muggle
norsk: Gomp
polski: Mugol
slovenščina: Bunkelj
српски / srpski: Нормалци
தமிழ்: மகிள்
Türkçe: Muggle
українська: Маґл
Tiếng Việt: Muggle
ייִדיש: מאגל
中文: 麻瓜