نورمان
English: Normans

النورمان طردو العرب من سيسيليا سنة 1091

النورمان او النورمانديين Normans ، اتسمو كده لانهم كانو من اسكندنافيا فى الشمال. قبايل من الفايكنج غزو غرب فرنسا و استقرو فى المنطقه المعروفه النهارده بإسم نورماندى نسبه ليهم. اعتنقو المسيحيه و استخدمو اللغه الفرنساوى لكن احتفظو بروح المغامره و الحرب و الغزو. غزو انجلترا سنة 1066 بقيادة وليام دوق نورماندى اللى بقا ملك انجلترا و اتلقب بإسم ويليام الفاتح. غزو ايطاليا و استولو على اراضى الامبراطوريه البيزنطيه فى جنوبها و هددو الاراضى البيزنطيه فى اليونان و شرق اوروبا و استولو على جزيرة سيسيليا و حاربو العرب بقيادة روبرت جويسكارد و اخوه روجر الاول لغاية ما طردوهم بالكامل من سيسيليا سنة 1091 و مع انهم طردو العرب شر طرده لكن ما اعتدوش على جوامع المسلمين و سمحو للمسلمين اللى فضلو فى الجزيره بممارسة طقوس دينهم بحريه. شاركو فى الحروب الصليبيه لكن أغراضهم غلب عليها الطابع السياسى مش الدينى واستولى بوهيموند الاول على انطاكيه و بقا ملك عليها سنة 1097 و ما كملش المشوار مع الصليبيين على بيت المقدس. لعب النورمان دور كبير فى سياسة و عسكرية و ثقافة العصور الوسطى و سابو وراهم الفن المعمارى النورمانى المميز. اختفى النورمان من التاريخ بعد ما بقوا فرنساويين و انجليز.

  • تواريخ

تواريخ

بهو كنيسه على الطراز النورمانى - سيسيليا
  • 911 : تشارلز البسيط Charles the Simple ملك فرنسا ادا اراضى فى شمال فرنسا للفايكنج بزعامة رولو Rollo. جيرانهم الفرنساويين سموهم نورث-مين North-men اللى اتحورت لـ نور-مين Nor-men و فى الاخر بقت نورمانز Normans.
  • 1017 : خرج النورمان على جنوب ايطاليا بدعوه من الطلاينه اللى جابوهم عشان يطردوا طوايف كانت عايشه هناك.
  • 1047 : ويليام النورماندى William of Normandy و هو عنده تسعتاشر سنه بيخوض اول معركه الكبيره " فال اى دون " Val-es-dunes على الحود اللى بتفصل مابين نورماندى و فرنسا.
  • 1061 : النورمان بدأوا عملية الإستيلاء على سيسيليا.
  • 1066 : وليام النورماندى بيهزم هارولد Harold ملك انجلترا فى معركة هاستينجس Battle of Hastings، و تتويجه ملك على انجلترا و استقرار عساكره هناك.
  • 1084 : الألمان بيهاجموا روما و النورمان ساعدوا البابا على طرد الألمان. بعد طرد الألمان هجم النورمان على روما.
  • 1085 : ويليام الفاتح William the Conqueror بيعمل دراسه ماليه احصائيه فى انجلترا لممتلكات الناس عشان يدفعهم مكوس و ضرايب لصالح خزنته.
  • 1086 : وفاة وليام الفاتح و تنصيب وليام التانى Wiliiam II مكانه.
  • 1091 : النورمان بيطردوا المسلمين من سيسيليا.
  • 1095 : البابا اوربان التانى يدشن الحرب الصليبيه لطرد المسلمين من اورشليم و الاستيلاء على الأراضى المقدسه لصالح المسيحيين. تقدم النورمان لصفوف الصليبيين.
  • 1099 : الصليبيين بيستولوا على بيت المقدس و عمل مدابح مريعه بإسم المسيحيه للمسلمين هناك.
  • 1100 : النورمان اللى قعدوا فى الاراضى المقدسه عملوا لنفسهم مملكه فى الشرق الاوسط. فى انجلترا اتقتل وليام التانى وهو بيصطاد و تنصيب اخوه هنرى الاول Henry I مكانه.
  • 1119 : ابن هنرى الاول الوحيد مات فى غرق مركب و نشوب صراع على مين اللى يبقى ملك بعد ما يموت هنرى اللى اتوفى فعلاً بعد ما اختار ستيفين Stephen.
  • 1135 : نشوب صراع بين الامبراطوره ماتيلدا Matilda بنت هنرى و ستيفين فقامت فى انجلترا حروب و نزاعات استمرت عشرين سنه اتعرفت بأسم " الأناركيه " The Anarchy.
  • 1153 : نهاية الحروب بعد موافقة ستيفين على إن ابن ماتيلدا يبقى ملك بعد وفاته.
  • 1154 : وفاة ستيفين و تنصيب هنرى التانى Henry II وكان من انجو Anjou فى جنوب نورماندى فى فرنسا. اللوردات فى انجلترا مابقوش بيتسموا نورمان لكن انجليز.
  • 1199 : باد جون bad John بيتوج ملك على انجلترا و دوق على نورماندى.
  • 1204 : الملك الفرنساوى فيليب التانى Philip II بياخد نورماندى. النورمان فى انجلترا بقوا انجليز و اللى فى فرنسا بقوا فرنساويين.
Commons-logo.svg
فيه فايلات فى تصانيف ويكيميديا كومونز عن:
Other Languages
Alemannisch: Normannen
aragonés: Normandos
العربية: نورمان
asturianu: Normandos
azərbaycanca: Normanlar
تۆرکجه: نورمنلر
беларуская: Нарманы
български: Нормани
bosanski: Normani
català: Normands
čeština: Normané
Cymraeg: Normaniaid
dansk: Normannere
Deutsch: Normannen
Ελληνικά: Νορμανδοί
English: Normans
Esperanto: Normandoj
español: Normandos
eesti: Normannid
euskara: Normandiar
فارسی: نورمن‌ها
suomi: Normannit
français: Normands
furlan: Normans
Gaeilge: Normannaigh
galego: Normandos
עברית: נורמנים
हिन्दी: नॉर्मन
hrvatski: Normani
magyar: Normannok
հայերեն: Նորմաններ
Bahasa Indonesia: Bangsa Norman
íslenska: Normannar
italiano: Normanni
日本語: ノルマン人
ქართული: ნორმანები
қазақша: Нормандар
한국어: 노르만인
Кыргызча: Норманндар
Latina: Normanni
Lingua Franca Nova: Normande
lietuvių: Normanai
latviešu: Normāņi
македонски: Нормани
മലയാളം: നോർമൻ (ജനത)
Bahasa Melayu: Orang Norman
Malti: Normanni
Nederlands: Normandiërs
norsk nynorsk: Normannarar
norsk: Normannere
Nouormand: Normaunds
polski: Normanowie
português: Normandos
română: Normanzi
русский: Норманны
русиньскый: Нормане
sardu: Normannos
sicilianu: Nurmanni
Scots: Normans
srpskohrvatski / српскохрватски: Normani
slovenčina: Normani (Normandia)
slovenščina: Normani
српски / srpski: Нормани
Seeltersk: Normandier
svenska: Normander
Türkçe: Normanlar
татарча/tatarça: Норманнар
українська: Нормани
اردو: نورمین
oʻzbekcha/ўзбекча: Normannlar
Tiếng Việt: Người Norman
მარგალური: ნორმანეფი
中文: 諾曼人
Bân-lâm-gú: Norman Lâng
粵語: 諾曼人