فالنتينا تريشكوفا


فالنتينا تريشكوفا

فالنتينا تريشكوفا (Valentina Tereshkova) رائدة فضاء روسية اتولدت يوم 6 مارس 1937 فى قرية بولشويا ماسلينيكوفا بإقليم ياروسلافل فى روسيا . وكانت اول ست تطير للفضاء الخارجى وهى الست الوحيدة اللى عملت طيران فضائى منفرد من غير طاقم .

بعدما خلصت فانتينا تريشكوفا دراستها الثانوية ، اشتغلت فى مصنع للإطارات وبعد كده درست الهندسة وكمان اتدربت على القفز بالمظلات . وتم اختيارها مع اربعة من زميلاتها وهما : تتيانا كوزنتسوفا و إرينا سولويوفا و زهانا يركينا و فالنتينا بونومريفا من بين 400 واحدة قدموا علشان يبقوا رائدات فضاء .

فى يوم 16 يونيو 1963 طارت فالنتينا تريشكوفا على المركبة الفضائية فوستوك 6 للفضاء الخارجى ، واتسجل طيرانها ده فى التاريخ بأنها اول ست تطير للفضاء الخارجى . وفى يوم 3 نوفمبر 1963 اتجوزت زميلها رائد الفضاء الروسى أندريان نيكولايف ، وفى يوم 8 يونيو 1964 خلفت بنتها الوحيدة إلينا .

فالنتينا تريشكوفا يوم فرحها هى ورائد الفضاء الروسى الراحل أندريان نيكولايف يوم 3 نوفمبر 1963
فالنتينا تريشكوفا مع الرئيس الروسى السابق ديميتري ميدفيديف فى الكريملين يوم 12 ابريل 2011

فى سنة 1969 اتخرجت فالنتينا تريشكوفا من أكاديمية زهوكوفسكى للقوات الجوية كمهندسة فضاء ، وفى سنة 1977 خدت درجة الدكتوراه فى الهندسة .

حياتها السياسية

اتولت فالنتينا تريشكوفا مناصب سياسية ، وهى:

  • عضو المجلس الاعلى للإتحاد السوفيتى من سنة 1966 لغاية سنة 1974
  • عضو الديوان الرئاسى للإتحاد السوفيتى من سنة 1974 لغاية سنة 1989
  • عضو اللجنة المركزية للحزب الشيوعى من سنة 1969 لغاية سنة 1991

فى سنة 1997 وصلت فالنتينا تريشكوفا لسن 60 سنة وتم إحالتها على المعاش بقرار من الرئيس الروسى وقتها الراحل بوريس يلتسين .

Other Languages
azərbaycanca: Valentina Tereşkova
Bikol Central: Valentina Tereshkova
беларуская (тарашкевіца)‎: Валянціна Церашкова
Bahasa Indonesia: Valentina Tereshkova
لۊری شومالی: والنتینا ترشکوا
norsk nynorsk: Valentina Teresjkova
Simple English: Valentina Tereshkova
slovenščina: Valentina Tereškova
татарча/tatarça: Валентина Терешкова
oʻzbekcha/ўзбекча: Valentina Tereshkova
vepsän kel’: Tereškova Valentina