سوبر سايز مى

پوستر الفيلم

سوپر سايز مى ، انجليزى: Super Size Me هو فيلم وثائقى (دوكيمنترى) أنتج سنة 2004 من تأليف وإنتاج وإخراج و بطولة مورجان سبورلوك ، الفيلم بيناقش آثار اكل الفاست فود (الوجبات السرعية) و خصوصا ماكدونالدز على الصحة. الفيلم عبارة عن توثيق تجربة عملها سپورلوك بنفسه على مدار 30 يوم (من فبراير 2003) ، التجربة بتقوم انه مش حياكل و مش حيشترى اى حاجة غير من ماكدونالدز (بما فيهم الوجابات التلاته الرئيسية) و انه لو اتعرض عليه فى ماكدونالدز انه ياخد وجبة السوپر سايز (اكبر حجم) لازم يطلبها و ياكلها ، و يشوف ايه اللى حيحصل له بعد مرور شهر. الفيلم نجح نجاح كبير و اترشح لجايزة الاوسكر. الفيلم ده عمل ضجة كبيره فى امريكا و على مستوى العالم و خلى منظمات كتير تناقش موضوع السمنه المفرطه و اضرار ماكدونالدز و الفاست فود (الوجبات السرعية) عموما ، وده اللى خلى ماكدونالدز و بقية الشركات تقوم بحملة مضادة بتختلف مع الفيلم و حملات تسويق و علاقات عامة مكثفه عشان تحسن صورتها للجمهور.

التجربة

التجربة اللى بتدور حوليها الفيلم ، اللى ابتدت فى فبراير 2003 و استمرت لمدة شهر. كان ليها شروط محددة لازم سپورلوك يلتزم بها و يعملها على مدار ال30 يوم فترة التجربة وهم:

  • انه لازم ياكل وجبات ماكدونالدز كل يوم ، بما فيهم الوجابات التلاته الرئيسية
  • انه لازم يشترى و ياكل كل وجبة فى منيو (قائمة) ماكدونالدز على الاقل مرة خلال فترة التجربة.
  • انه ميقدرش ياكل او يشترى اى حاجة غير من عند ماكدونالدز (بما فيهم المياه)
  • انه لو اتعرض عليه انه يطلب وجبة السوپر سايز (اكبر حجم موجود) لازم يطلبها و ياكلها .(مش مسموح له انه يطلبها لوحده)
  • انه مش حيلعب اى رياضه وقت التجربة ، وانه حيمشى بس المسافة اللى بيمشيها المواطن الامريكانى العادى و هى 5,000 خطوة فى اليوم.
Other Languages
Deutsch: Super Size Me
English: Super Size Me
español: Super Size Me
euskara: Super Size Me
føroyskt: Super Size Me
français: Super Size Me
hrvatski: Super veliki ja
Bahasa Indonesia: Super Size Me
italiano: Super Size Me
Nederlands: Super Size Me
português: Super Size Me
Simple English: Super Size Me
svenska: Super Size Me