تقويم هجرى

16 ديسمبر 2017 م

الموافق؛ 27 ربيع الأول 1439 هـ

التقويم الهجري او التقويم الاسلامي هو تقويم قمري بيعتمد على دورة القمر لتحديد الشهور، وبيستخدمه المسلمين فى كل مكان خصوصاً فى تحديد المناسبات الدينية. انشأه الخليفة عمر بن الخطاب و خلى هجرة الرسول من مكة الى المدينة مرجع لأول سنة فيه، وده سبب تسميته بالتقويم الهجري. رغم أن التقويم اتعمل فى عهد المسلمين لكن اسامي الشهور والتقويم القمري كات بتستخدم من ايام الجاهليه.

فيه بلاد عربيه بتتخذ التقويم الهجري كتقويم رسمي لتوثيق المكاتبات الرسميه بين دواير الدوله الرسميه لكن عامّة الشعوب العربية بتألف وبتتعامل بالتقويم الميلادي اكتر من التقويم الهجري ما عادا المملكة العربية السعودية الي بتتعامل بالتقويم الهجري على المستويين، الرسمي والشعبي.

بيتكون التقويم الهجري من 12 شهر قمري، يعني السنه الهجريه بتساوي 354 يوم تقريباً، بالتحديد 354.367056 يوم، والشهر فى التقويم الهجري إما إنه بيكون 29 او 30 يوم (لإن دورة القمر الظاهرية بتساوي 29.530588 يوم). ولإن هناك فرق 11 يوم بين بالتقويم الميلادي الشايع والتقويم الهجري فالتقويمين ما بيتزامنوش، فده بيخلي التحويل بين التقوميين صعب.

الشهور فى التقويم الهجري

  1. محرّم (محرّم او المحرّم) هو اول شهور السنه الهجريه وهو من الشهور اللى بتتسمى الاشهر الحرّم: إتسمى المحرّم لإن العرب كانوا بيحرموا القتل فيه.
  2. صفر: اتسمى صفر لإن مساكن العرب كات "بتصفر"، يعني بتخلى من سكانها اللى بيروحوا يحاربوا. وفيه بيقولوا لإن العرب كانوا بيغزوا فيه القبايل فكانوا بيسيبوا اللى بيحاربوهم صفر المتاع.
  3. ربيع الاول: اتسمى كده لإن تسميته حصلت فى الربيع.
  4. ربيع التانى: اتسمى كده لإن تسميته حصلت فى الربيع.
  5. جمادى الأولى: كان بيتسمى قبل الاسلام "جمادى خمسة"، واتسمى جمادى لإنه جه فى الشتا وقت التسمية، وقت تجمد الميه.
  6. جمادى الاخرة: كان اسمه قبل الاسلام "جمادى ستة"، إتسمى كده لإن تسميته حصلت فى الشتا هو كمان.
  7. رجب من الاشهر الحرم. اتسمى كده عشان العرب كانوا بترجبه و بيسيبوا القتال و الحروب فيه.
  8. شعبان: اتسمى كده عشان لتشعب القبائل العربية وافتراقها للحروب مرة تانيه بعد قعودها عنها فى شهر رجب وقت ما كانت محرمة عليهم
  9. رمضان وده شهر الصيام عند المسلمين. إتسمى كده بسبب "رموض" الحر وحرارة الشمس فيه وقت تسميته.
  10. شوال وفيه عيد الفطر. واتسمى كده بسبب شولان الجمال فيه بديولها لما بتحبل "يعني بينقص وبيجف لبنها"
  11. ذو القعدة وهو من الاشهر الحرم: اتسمى ذا القعدة بسبب قعودهم فى رحالهم ومابيغزوش بما إنه من الشهور الحرم.
  12. ذو الحجة وفيه موسم الحج وعيد الاضحى و هو من الاشهر الحرم. اتسمى كده لإن العرب كانوا بيروحوا يحجوا فيه.
Other Languages
العربية: تقويم هجري
azərbaycanca: Hicri təqvim
беларуская (тарашкевіца)‎: Мусульманскі каляндар
Esperanto: Islama kalendaro
हिन्दी: हिजरी
interlingua: Calendario islamic
Bahasa Indonesia: Kalender Hijriyah
日本語: ヒジュラ暦
한국어: 이슬람력
कॉशुर / کٲشُر: اِسلامی تَقويٖم
македонски: Исламски календар
Bahasa Melayu: Takwim Hijrah
norsk nynorsk: Muslimsk tidsrekning
srpskohrvatski / српскохрватски: Islamski kalendar
Simple English: Islamic calendar
slovenčina: Islamský kalendár
slovenščina: Islamski koledar
српски / srpski: Исламски календар
Basa Sunda: Kalénder Islam
Türkçe: Hicrî takvim
татарча/tatarça: Һиҗри тәкъвим
ئۇيغۇرچە / Uyghurche: ھىجرىيە تەقۋىمى
oʻzbekcha/ўзбекча: Islomiy taqvim
Tiếng Việt: Lịch Hồi giáo
吴语: 伊斯兰历
中文: 伊斯兰历
Bân-lâm-gú: Islam Le̍k-hoat
粵語: 回曆