باراسيتولوجيا

البارسيتولوجيا (Parasitology) هو فرع من علم البيولوجيا و بيهتم بدراسة الطفيل (Parasite) و العائل (Host) اللى بيعيش عليه او جواه و طبيعة العلاقه اللى بينهم.الباراسيتولوجيا ممكن يتقسم لفروع اهمها:

  1. دراسة الطفيليات نفسها و فهم دورة حياتها بهدف مكافحتها و الفرع دا بيتبع علم الميكروبيولوجيا.
  2. دراسة العلاقه و طريقة التفاعل بين الطفيل و العائل.
  3. الاميونولوجيا (علم المناعه) و دا بيتعامل مع رد الفعل بتاع العائل ضد الطفيل و ازاى الطفيل بيحاول يهرب من او يتفادى الدفاعات المتوجهه ضده.
  4. العلاج الدوائى و دا بيدرس العلاجات و الادويه اللى بتموت الطفيل و من اهم العلوم اللى بتعتمد عليها الدراسه دى دى علم الدوا (الفارماكولوجيا) و البيوكيميا و الطب.
  5. الابيديميولوجيا او علم الاوبئه و دا اللى بيهتم بالبحث فى طرق انتشار الطفيليات بين الكائنات الحيه.

انواع الطفيليات

نوع الطفيل مثال
الفيروس فيروس نقص المناعه المكتسب البشرى اللى بيسبب مرض الايدز.
الباكتيريا باكتيريا الفيبريو كوليرا اللى بتسبب مرض الكوليرا.
الفطريات فطريات الديرماتوفايت اللى ممكن تصيب صوابع الرجلين و تسبب مرض القدم الرياضى (Athlete's foot).
الايكتوباراسيت و دى طفيليات بتعيش على الكائن الحى من بره مش جواه زى القمل و البراغيت .
الايندوباراسيت و دى طفيليات بتعيش جوه الكائن الحى زى التوكسوبلازما و الليشمانيا و الشيستوسوما (اللى بتسبب البيلهارسيا).

الطفيليات ممكن كمان تتقسم على حسب طريقتة عيشتها ل تلات انواع:

  • طفيليات مضطره (Obligatory Parasites): و دى طفيليات ما بتقدرش تعيش لوحدها و مضطره تعيش على حساب العائل بتاعها و عشان كدا لازم تتنقل من عائل للتانى فى دورات حياه معقده ممكن تتضمن كمان عائل وسطانى.
    • التريكوموناس
    • التينيا
  • طفيليات مؤقته (Temporary parasites):و دى طفيليات بتعيش فتره من حياتها معتمده على عائل و بقية حياتها معتمده على نفسها
    • فاشيولا (الدوده الكبديه)
    • شيستوسوما (الدوده المسببه للبيلهارسيا)
    • الاسكاريس
  • طفيليات باختيارها (Facultative parasites) : و دى طفيليات بتعيش حره فى الغالب و ممكن تصيب العائل بمحض الصدفه.
    • فطر الكانديدا (اللى بسيبب القدم الرياضى ، التهابات المهبل)
Other Languages
беларуская: Паразіталогія
български: Паразитология
català: Parasitologia
čeština: Parazitologie
Чӑвашла: Паразитологи
Deutsch: Parasitologie
Ελληνικά: Παρασιτολογία
English: Parasitology
Esperanto: Parazitologio
español: Parasitología
euskara: Parasitologia
français: Parasitologie
Bahasa Indonesia: Parasitologi
italiano: Parassitologia
日本語: 寄生虫学
한국어: 기생충학
Кыргызча: Паразитология
lietuvių: Parazitologija
македонски: Паразитологија
Bahasa Melayu: Parasitologi
Nederlands: Parasitologie
norsk nynorsk: Parasittologi
occitan: Parasitologia
português: Parasitologia
română: Parazitologie
srpskohrvatski / српскохрватски: Parazitologija
slovenčina: Parazitológia
српски / srpski: Паразитологија
svenska: Parasitologi
Türkçe: Parazitoloji
татарча/tatarça: Паразитология
українська: Паразитологія
اردو: طفیلیات
oʻzbekcha/ўзбекча: Parazitologiya
Tiếng Việt: Ký sinh trùng học
中文: 寄生虫学
Bân-lâm-gú: Kià-seng-thâng-ha̍k