Tractato de Karlowitz

Hongría en 1683, partita entre os dominios d'os Habsburgo a l'ueste y os territorios otomans a l'este, ceditos en o Tractato de Karlowitz.

O Tractato de Karlowitz u Paz de Karlowitz ye un tractato internacional sinyato o 26 de chinero de 1699 en a ciudat de Karlowitz (hue Sremski Karlovci, en a Voivodina, Serbia) entre o Imperio otomán, d'una man, y a coalición formata por o Sacro Imperio Román Chermanico d'os Habsburgo, a Republica de Venecia, a Unión Polaco-Lituana y o Imperio ruso, d'atra man, y que remataba a Segunda Guerra austro-turca (1686-1699).

Seguntes as clausulas d'o tractato, os otomans cedeban a os Habsburgo a mayor parte d'Hongría con a Eslavonia y a Transilvania, a más de ceder a os venecians Dalmacia y a peninsula de Morea (alto u baixo o Peloponiso),[1] encara que Morea tornó dimpués a mans d'os otomans por o Tractato de Passarowitz de 1718.

O tractato de Karlowitz fació que os Habsburgo (que enamploron muito os suyos dominios) esdevenisen a prencipal potencia d'Europa Central, y tamién que prencipiase a decadencia d'o Imperio otomán.

  • referencias

Referencias

  1. Hermann Kinder, Werner Hilgermann, Manfred Hergt Atlas Histórico Mundial. De los orígenes a nuestros días Akal, 2007.
Other Languages
bosanski: Karlovački mir
čeština: Karlovický mír
Bahasa Melayu: Perjanjian Karlowitz
norsk nynorsk: Freden i Karlowitz
srpskohrvatski / српскохрватски: Karlovački mir
slovenščina: Karlovški mir
српски / srpski: Карловачки мир
татарча/tatarça: Карловиц солыхы (1699)
Tiếng Việt: Hiệp ước Karlowitz