Sistema de nomenclatura binominal

Carl von Linné estió lo primer d'emplegar o sistema de nomenclatura binominal.

En biolochía, o sistema de nomenclatura binominal (tamién a ormino dita erroniament «binomial», anque este termino en as luengas latinas no s'ha d'emplegar difuera de ta referir-se a los binomios matematicos) u nomenclatura binaria ye un convenio estándar emplegau ta denominar especies. Como a palabra binominal sochiere, o nombre scientifico d'as especies ye una combinacion de dos palabras ("nombres") en latín: o nombre chenerico que indica o chenero y un epiteto u nombre especifico que designa a especie. A unión d'os dos vocables ye o nombre d'a especie.

O nombre chenerico puede estar perfectament compartiu por dos especies chirmanas (Homo sapiens y Homo neanderthalensis son especies d'o mesmo chenero) pero a cosa que designa propiament a especie ye a combinación d'as dos parolas (asinas, o nombre d'a especie humana ye «Homo sapiens», no pas «sapiens»).

O nombre chenerico ha de levar siempre a primera letra en mayuscula, mientres que o epiteto especifico no la i ha de levar. Esta norma incluye a obligación de resaltar o nombre, o que se fa en manuscritos y textos mecanografiatos subrayando-lo, y en textos imprentatos por meyo d'a cursiva. Por eixemplo: Homo sapiens, encara que tamién podría fer-se subrayato: Homo sapiens, encara que no ye tan freqüent.

O nombre d'o chenero puede alcorzar-se emplegando a letra inicial se este concuerda con o zaguer chenero nombrato con a mesma inicial a dintro d'a mesma pachina y siempre que no pueda menar ta confusions. En bells casos a versión alcorzata ye común, como en o caso d'a bacteria Escherichia coli, que gosa escribir-se como E. coli en a literatura medica y d'atros grupos profesionals allenos a la biolochía.

A nomenclatura binominal ye a forma más especifica ta denominar as especies, pero ye nomás uno d'os quantos estándars d'a nomenclatura biolochica, que s'ocupa tamién d'a denominación formal en latín d'os taxons de categoría superior.

  • se veiga tamién
Other Languages
Afrikaans: Binomiale naam
العربية: تسمية ثنائية
مصرى: اسم علمى
asturianu: Nome binomial
azərbaycanca: Binominal nomenklatura
беларуская (тарашкевіца)‎: Бінамінальная намэнклятура
भोजपुरी: दूपद नाँव
Cymraeg: Enw deuenwol
فارسی: نام علمی
français: Nom binominal
Avañe'ẽ: Omboherokõiva
客家語/Hak-kâ-ngî: Ho̍k-miàng
עברית: שם מדעי
hrvatski: Dvojno nazivlje
Kreyòl ayisyen: Nomanklati binomyal
Bahasa Indonesia: Tata nama biologi
íslenska: Tvínefni
日本語: 学名
ភាសាខ្មែរ: Binomial nomenclature
한국어: 학명
Latina: Binomen
Basa Banyumasan: Tatajeneng binomial
Bahasa Melayu: Tatanama binomial
norsk: Binominal
پنجابی: سائینسی ناں
پښتو: علمی نوم
srpskohrvatski / српскохрватски: Binarna nomenklatura
Simple English: Binomial nomenclature
oʻzbekcha/ўзбекча: Binar nomenklatura
Tiếng Việt: Danh pháp hai phần
中文: 二名法
粵語: 雙名法