Simonetta Vespucci

Retrato postumo (1476-80) de Simonetta Vespucci, per Sandro Botticelli

Simonetta Cattaneo Vespucci (Fezzano, 1453Florencia, 27 d'abril de 1476) estió l'aimant de Chulián de Medici, lo chirmán més chóven de Lorient o Magnifico. Considerata la muller més beroya de lo suyo tiempo, fició de modelo ta la conoixita obra de Sandro Botticelli O naiximiento de Venus, asinas como ta qualques altras de las suyas pinturas.

Estió tamién modelo ta dos obras de Piero di Cosimo: lo Retrato de Simonetta Vespucci, an que apareix como Cleopatra con un aspido a lo redol de lo cuello, y la Muerte de Procris. Tammién se pintoron muitas altras telas y s'escribioron buena cosa de poemas en honor d'ella.

Naixió como Simonetta Cattaneo en 1453. O lugar de lo suyo naximiento ye controvertito; beluns aseguran que estió a Portovenere, an que heba a naixer la diosa Venus, mientres que altros dicen que a Chenova. Con quinze anyos casó con Marco Vespucci, primo alunyato de lo conoixito explorador florentín Amerigo Vespucci. Per meyo de la familia Vespucci la descubrioron Botticelli y altros pintors destacatos plegatos en Florencia. No pasó guaire que tota la nobleza de la ciudat quedás embacilata per ella, mesmo los chirmans Lorient y Chulián de la poderosa familia Medici. Lorient s'encargaba d'afers d'estato, pero lo suyo chirmán yera libre ta festeyar-la. En 1475, a lo torneyo de chustas de La Giostra, Chulián entró en as listas portando un sinyal con una imachen de Simonetta, pintata per Botticelli, baixo la qual se leyeba una inscripción en francés, La Sans Pareille "La inacomparable". Chulián ganó lo torneyo y l'afecto de "La bella Simonetta", como li diciban, que fue clamata "Reina de la Belleza" d'ixa competición. Es dos se fizon aimants.

Desgraciatament, només que un anyo dimpués moriba Simonetta, lo 26 d'abril de 1476, per una tuberculosi polmonar. Teneba 22 anyos. Botticelli remató lo suyo Naiximiento de Venus ta 1485, nueu anyatas més tardi. Es doctors que han examinato los didos liucherament deformatos y los clavillars inflatos de la muller de la pintura creyen que patiba d'artritis reumatoide.

Trenta y quatre anyos dimpués de la suya muerte, Botticelli demandó de ser enterrato a los pietz d'ella.

Other Languages