Roca sedimentaria

Muestra d'una roca sedimentaria preparata pa a observación scientifica.

As rocas sedimentarias son rocas que se forman por l'acumulación de sedimentos que, sozmesos a procesos fisicos y químicos (diachenesi), esdevienen materials de consistencia més dura.

Se forman en cuencas sedimentarias, que pueden estar continentals u marinas. Tienen una disposición en capas u estratos, que en luengache popular lis dicen faixas porque vistas en una lenera pareixen faixas paralelas de materials rocosos.

Cubren més d'o 75 % d'a superficie terrestre, formando una cobertura sedimentaria sobre una base formata por rocas margaticas y, en menor mida, metamorficas. Manimenos, lo suyo volumen total ye chicot quan se comparan sobretot con as rocas magmaticas.

As rocas sedimentarias se caracterizan por dos rasgos esencials:

  • Presentan una estructura estratificata, con capas produeitas por lo caracter progresivo pero tamién discontinuo d'o proceso de sedimentación. Ixas capas se dicen estratos.
  • Contienen a sobén fósils, y a vegatas son formatas por acumulación de fosils.

A més as rocas sedimentarias gosan estar més permiables, sobretot as detriticas, lo que favoreixe a circulación y acumulación d'augua sotorrana y atros fluidos como os hidrocarburos.

Pueden clasificar-sen por lur chenesi en:

  • Rocas organochenas, formatas con restos de sers vivos. As més abundants s'han formato a partir de partz duras mineralizatas, manimenos belatras s'han formato a partir de partes organicas y son las rocas organicas como o carbón u o petrolio.
  • Rocas quimicas u rocas de precipitación quimica, formatas por deposito de sustancias que enantes yeran disueltas. Un eixemplo en son as evaporitas u rocas formatas por sals acumulatas por sobresaturación de l'augua d'a mar.
Other Languages
العربية: صخر رسوبي
беларуская (тарашкевіца)‎: Асадкавыя горныя пароды
eesti: Settekivim
فارسی: سنگ رسوبی
עברית: סלע משקע
हिन्दी: अवसादी शैल
Bahasa Indonesia: Batuan sedimen
íslenska: Setberg
日本語: 堆積岩
한국어: 퇴적암
Lëtzebuergesch: Sediment
latviešu: Nogulumieži
македонски: Седиментна карпа
മലയാളം: അവസാദശില
Bahasa Melayu: Batuan enapan
မြန်မာဘာသာ: အနည်ကျကျောက်
Plattdüütsch: Sedimentit
norsk nynorsk: Sedimentær bergart
ਪੰਜਾਬੀ: ਤਲਛਟੀ ਚਟਾਨ
پنجابی: بیٹھی پڑی
português: Rocha sedimentar
srpskohrvatski / српскохрватски: Sedimentne stijene
Simple English: Sedimentary rock
slovenčina: Usadená hornina
slovenščina: Sedimentne kamnine
српски / srpski: Седиментне стене
Basa Sunda: Batu tamperan
oʻzbekcha/ўзбекча: Choʻkindi togʻ jinslari
Tiếng Việt: Đá trầm tích
中文: 沉积岩
Bân-lâm-gú: Tui-chek-giâm