Republica Democratica Alemana
English: East Germany

Deutsche Demokratische Republik
Republica Democratica Alemana
Merchant flag of Germany (1946–1949).svg1949 — 1990Flag of Germany.svg
BanderaEscudo d'armas
Situación de Alemanya Oriental
CapitalBerlín¹
Idioma oficialAlemán
GubiernoEstato socialista
Periodo historicoGuerra Fría
 • Formación7 d'octubre de 1949
 • Reunificación3 d'octubre de 1990
Superficie
 • 1990

108 333 km²
Población
• 1990 est.
     Densidat

16111000 hab.
148,7 hab/km²
MonedaMarco d'a RDA
Miembro de: ONU, Pacto de Varsovia, CAME, OSCE
¹ Berlín Este

A Republica Democratica Alemana (RDA u DDR, de l'alemán Deutsche Demokratische Republik) estió un estato organizato politicament como una republica socialista d'Europa Central que s'establió en o territorio alemán ocupato por a Unión Sovietica a la fin d'a Segunda Guerra Mundial y existió entre 1949 y 1990, quan os Länder que la formaban s'unificoron con los d'a Republica Federal Alemana (RFA) ta formar una sola Alemanya.

Ta esferenciar-la de l'Alemanya capitalista (Alemanya Occidental), asobén se deciba Alemanya Oriental u de l'Este. Tamién s'emplegó a denominación Alemanya Democratica ta esferenciar-la de l'Alemanya Federal, a RFA.

Historia

Ta más detalles, veyer l'articlo Historia d'a Republica Democratica Alemanaveyer os articlos [[]].

Dimpués d'a Segunda Guerra Mundial se dividió o territorio alemán en quatre zonas baixo control d'as tropas d'os Aliatos. A Republica Democratica Alemana s'establió o 7 d'octubre de 1949 en a zona d'Alemanya baixo control sovietico, con Wilhelm Pieck como primer president. A Unión Sovietica estió o primer Estato en reconoixer a la nueva RDA y en prencipiar relacions diplomaticas. Ixe mesmo anyo atros estatos socialistas feban o mesmo: Albania, Bulgaria, Checoslovaquia, a Republica Popular China, Coreya d'o Norte, Rumanía, Polonia y Hongría. A Republica Federal d'Alemanya, establita tamién en l'anyo 1949, se negó a reconoixer a la RDA.

Conmemoración d'o XL cabo d'anyo d'a Republica Democratica Alemana

En primerías, a Unión Sovietica no proposó que a RDA fuese un Estato socialista, deixando ubierto o camín enta una posible reunificación d'Alemanya adintro d'o marco d'a Guerra Freda. Manimenos, l'actitut d'os sovieticos cambeó a escape quan en l'anyo 1952 as potencias d'a OTAN y o gubierno d'a RFA, alavez en mans de Konrad Adenauer, refusó a dita Nota de Stalin —en a nota bi heba una propuesta sovietica sobre a reunificación alemana y a retirata d'as superpotencias d'os afers d'a politica interna alemana—. Dende l'inte s'aceleró a colectivización de l'agricultura y a nacionalización d'interpresas, asinas como a desaparición d'os estatos d'a RDA, que fuoron reemplazatos por districtos.

O 17 de chunio de 1953 Berlín Oriental estió scenario d'una serie de manifestacions en contra de l'augmento d'es quotas de producción; as manifestacions no tardoron en expandir-se a atras ciudatz d'o país y convertir-se tamién en una ubierta cretica a la politica gubernamental d'o gubernant Partito Socialista Unificato. As protestas fuoron sofocatas por as unidatz d'o Exercito Royo que remaniban en territorio alemán, y prevocaron decenas de victimas mortals, encara hue en día a zifra ye obchecto de descusión entre os historiadors.

A unificació estió posible gracias a os cambeos politicos en os diversos estatos d'o Bloque de l'Este, en especial por as reformas feitas por o mandatario sovietico Mihaíl Gorbachov. A obertura d'a muga d'Austria con Hongría, que permitiba o libre paso de ciudadans a traviés d'o dito Telón d'acero, fue considerata determinant. Helmut Kohl, dimpués d'o suyo trunfo en as esleccions d'a cancilleria d'a RFA en l'anyo 1989, s'embarcó en o proceso d'aconseguir a unificación alemana, a quala se concretó simbolicament con a cayita d'o muro de Berlín o dia 9 de noviembre de 1989 y quedó oficializata quasi un anyo dimpués en a unificación d'os dos estatos, a RFA y a RDA en un, a Republica d'Alemanya.

Other Languages
беларуская (тарашкевіца)‎: Нямецкая Дэмакратычная Рэспубліка
Chavacano de Zamboanga: República Democrática Alemana
Cebuano: East Alemanya
dansk: DDR
English: East Germany
føroyskt: Eysturtýskland
Nordfriisk: DDR
贛語: 東德
Bahasa Indonesia: Jerman Timur
한국어: 동독
монгол: Зүүн Герман
Bahasa Melayu: Jerman Timur
مازِرونی: شرقی آلمان
پنجابی: چڑھدا جرمنی
português: Alemanha Oriental
саха тыла: ГДР
srpskohrvatski / српскохрватски: Istočna Njemačka
Simple English: East Germany
svenska: Östtyskland
Türkçe: Doğu Almanya
oʻzbekcha/ўзбекча: Germaniya Demokratik Respublikasi
吴语: 东德
中文: 東德
文言: 東德
Bân-lâm-gú: Tang-tek
粵語: 東德