Paz de Westfalia

A ratificación d'a Paz de Westfalia en Münster, quadro de Gerard ter Borch ( 1648, Rijksmuseum Amsterdam, Amsterdam).

Se conoix en con o nombre de Paz de Westfalia u (impropiament) Tractato de Westfalia u Tractatos de Westfalia a un conchunto de tractatos internacionals sinyatos entre mayo y octubre de 1648 en as ciudatz d' Osnabrück y Münster, con os qualos rematoron d'una man a Guerra d'as Trenta Anyatas ( 1618-1648) en o Sacro Imperio Román Chermanico y, d'atra man, a Guerra d'as Ueitanta Anyatas ( 1568-1648) entre Espanya y as Provincias Unitas.

En as negociacions y en as sinyaturas d'os tractatos prenió parte Ferrando III d'o Sacro Imperio Román Chermanico, en representación d'os Habsburgo, y yeran representatos Espanya, o reino de Francia, Suecia y as Provincias Unitas, amás d'os suyos respectivos aliatos entre os prencipes y ciudatz libres d'o Sacro Imperio Román Chermanico.

Os tractatos concretos que se i encluyen son:

  • Paz de Münster, sinyata entre as Provincias Unitas y o Reino d'Espanya o 30 de chinero de 1648, ratificata o 15 de mayo.
  • Dos tractatos complementarios d'o 24 d'octubre de 1648:
    • Tractato de Münster, entre o Sacro Imperio Román Chermanico y Francia, amás d'os suyos respectivos aliatos.
    • Tractato d'Osnabrück, entre o Sacro Imperio Román Chermanico y Suecia, amás d'os suyos respectivos aliatos.

Iste conchunto de tractatos gosan considerar-se como l'alazet d'a muderna diplomacia, y establioron una nueva situación politica en Europa Central, basata en o concepto d' estato sobirán, y tenioron fundas conseqüencias en a Historia d'Europa.

Antiprte, cal parar cuenta que ta bellos historiadors tamién fa parte d'ixe conchunto de tractatos, encara que son deseparatos en o tiempo, o Tractato d'os Pireneus de 1659 entre Espanya y Francia.

Other Languages
العربية: صلح وستفاليا
asturianu: Paz de Westfalia
azərbaycanca: Vestfaliya sülhü
беларуская: Вестфальскі мір
Esperanto: Vestfalia Paco
hrvatski: Westfalski mir
Bahasa Indonesia: Perdamaian Westfalen
Lëtzebuergesch: Westfälesche Fridden
македонски: Вестфалски мир
norsk nynorsk: Freden i Westfalen
português: Paz de Vestfália
русиньскый: Вестфалскый мир
srpskohrvatski / српскохрватски: Westfalski mir
Simple English: Peace of Westphalia
slovenčina: Vestfálsky mier
slovenščina: Vestfalski mir
српски / srpski: Вестфалски мир
татарча/tatarça: Westfaliä solıxı
українська: Вестфальський мир
Tiếng Việt: Hòa ước Westfalen