Ilerchetz

Mapa de l'aria que dominaban os ilerchetz.

Os ilerchetz estioron un pueblo iberico que habitaba en zonas d'as actuals provincias de Leida y Uesca.

Tenioron un papel important en a II Guerra Punica. En tiempos d'as guerras punicas teneban un rei, Indibil y un cabo melitar, Mandonio. Preboron d'aproveitar a segunda guerra punica pa librarse d'os cartachineses y romans aduyando a os uns u os atros d'alcuerdo con as circustancias y tamién pa ganar importancia debant d'os pueblos vicins, consolidando y enamplando os suyos dominios.

A lo principio estioron aliatos d'os cartachineses y fustigaban a las tropas romanas. Esto encomenzó a cambear quan os romans conquirioron Cartachena en l'anyo 209, y Publio Cornel Escipión libero os ostaches u refenas d'as clases dirichents iberas, entre os que yera a familia de Mandonio.

En l'anyo 208 Indíbil cayó presionero en a batalla de Bailén quan luitaba a lo costato d'os cartachineses. En l'anyo 207 Indíbil y Mandonio organizoron una sublevación con o refirme d'o cheneral cartachinés Magón. Escipión los castigó imposando-lis un tributo. Quan os exercitos cartachineses desapareixioron d'a peninsula Indíbil y Mandonio organizoron una sublevación unindo a la mayor parte d'os pueblos d'o noreste peninsular, con un exercito de 30000 hombres y quasi 4000 chinetz. Indíbil morió en a batalla y Mandonio cayó prisionero y fue executato.

Roma imposó a los ilerchetz un rei vasallo de Roma, perdioron l'autonomía y capacidat d'organizar tropas y quedoron sozmesos a pagar un impuesto regular como atros pueblos d'a peninsula.

Mencions en fuents aragonesas

En a " Grant Cronica d'Espanya", compilación historica de Chuan Ferrández d'Heredia en parlan:

assi q(ue) tornos[ ]ende / & passo otra uegada Ebro. Scipion huyendo las nueuas d(e)los nueuos enemigos co(n) toda su companya corrio / & fue alla. & como el huuiesse p(re)so ue(n)ga(n)c'a de algunos de aq(ue)llos q(ue) Asdrubal hauia tornados assi el sen uino con todo su nauilio derecho a Ampurias dexada sufficie(n)t guarda / o guarnizon en Tarragona. Mas tantost q(ue)l sende fue p(ar)tido. Asdrubal uino alli & costrinyo el pueblo d(e)los yllerges / q(ue) quiere dezir de lerida. por q(ue) hauian dado ostages a Sc'ipion / & q(ue) hauian defallido a el. & co(n) lur p(ro)p(r)ia ioue(n)tut priso se a gastar la tierra d(e)los companyeros fieles alos Romanos. mas Scipion ot(r)a uegada esueylado retorno d(e)las tiendas yuernales enta Ebro. Et como el huuiesse escometida la ge(n)t d(e)los yllerges aq(ue)llos q(ue) hauian estado actores de lur defalle(n)c'a sen fuyeron. & Scipion con toda su huest fazie(n)do les danyo costrinyolos de retornasse a el. & sitio la çiudat dauatagre que era cabeça de aq(ue)l pueblo la q(u)al se re(n)dio ael en breu tiempo / & requirio d(e)los yllerges muchos mas ostages que no tenia d(e)llos a(n)tes. Et encara mas. los (con)dampno en penna peccuniaria. & ap(re)s reçibiolos ensu pod(er) / & ensu senyoria. & despues de alli fuessende (con)t(r)a los suetanos qui era(n) (com)panyeros d(e)los pennos. los q(u)ales eran dalla de ebro.
Other Languages
български: Илергети
català: Ilergets
English: Ilergetes
español: Ilergetes
euskara: Ilergete
français: Ilergetes
galego: Ilerxetes
magyar: Ilergetesek
italiano: Ilergeti
русский: Илергеты