Dominio (biolochía)

Un árbol filochenetico d'os sers vivos, alazetato en as mudernos conoiximientos sobre lo rRNA, que amuestra la separación d'Eubacteria, Archaea y Eukarya.

En biolochía, dominios (también ditos superreinos u imperios) son cadaguna d'as tres prencipals cuaternacions d'os sers vivos: Eubacteria (u Bacteria), Archaea y Eukarya.

Dica fa pocos anyos encara se clasificaban os sers vivos en reinos sin garra atra clasificación superior que no fuese la de procariotas u eucariotas en pendendo d'a suya manca u posesión de nuclio, respectivament. Agora, os modernos estudeos d'o nivel molecular (especialment d'a estructura de lipidos, proteínas y acidos nucleicos) han amostrato que, tamién a dintro d'as procariotas bi ha diferencias prou grans como ta deseparar-ne dos grans agrupacions, que poderban estar consideraus tan diferents d'entre ellos como en yeran d'antes as bacterias y eucariotas.

Actualment, os dominios son os taxons més alters d'a clasificación biolochica, y sin de dar-les importancia a os significatos d'os suyos nombres, reflectan as diferencias evolutivas esencials que bi han escaitas en os chenomas d'os organismos mientres a historia d'a vida en a Tierra, dica l'actualidat.

Este sistema, dito d'os Tres Dominios, estió disenyato per Carl Woese en l'anyo 1990 ta sustituir os antigos sistemas cladisticos d'os Dos Dominios (o primer en esistir) y d'os Seis Reinos (emplegato dica fa poquetz anyos).

  • O Sistema d'os Dos Dominios, estió lo primer de presentar-se, quan os scientificos d'o sieglo XIX treballaban ta trobar nuevas clasificacions d'os sers vivos alazetadas en o sistema d'a nomenclatura binominal de Carl von Linné. En os suyos primers anyos clasificaba un "dominio" dito Mineralia (os minerals) que se contraposaba con o "dominio" que deciban Biota u d'os sers vivos. Dimpués d'ixa clasificación, quan que os minerals se deseparoron, s'incluyoron os dominios Cytota (ta os sers vivos formatos per como minimo una celula, lo que significa tal y como consideramos huei) y Acytota ta os sers vivos sin de celulas (virus, virions, prions...). Fuera d'as polemicas actuals sobre la pertenencia d'ixas zagueras "particlas" a lo mundo d'os sers vivos, este sistema fue reformato per as escuelas "bi-doministas" de cladistica, a mayoría nortamericanas, que encara huei se resisten a albandonar-lo, y as qualas miran de fer-lo acceptable considerando dos solos dominios actuals: procariota y eucariota.

Actualment, o Sistema d'os Tres Dominios de Carl Woese redefine las agrupacions mayors d'os sers vivos como se veye en a figura, y define que només que os Eukarya tienen reinos (Plantae, Animalia, Fungi y Protista) mientres que lo taxón inmediatament inferior d'o dominio a dintro de Archaea y Eubacteria ye lo filo.

Diferents cuaternacions historicas

Haeckel (1894)
Tres reinos
Whittaker (1969)
Cinco reinos
Woese (1977)
Seis reinos
Woese (1990)
Tres dominios
Cavalier-Smith (1998)
Dos imperios
y seis reinos
AnimalAnimalAnimalEucariotaEucariotaAnimal
PlantaFongoFongoFongo
PlantaPlantaPlanta
ProtistaProtistaCromista
ProtozouProtozou
MoneraArqueobacteriaProcariotaArqueobacteriaProcariotaBacteria
EubacteriaEubacteria
Other Languages
Alemannisch: Domäne (Biologie)
العربية: نطاق (تصنيف)
башҡортса: Домен (биология)
беларуская: Дамен (біялогія)
беларуская (тарашкевіца)‎: Дамэн (біялёгія)
کوردی: دەڤەر
dolnoserbski: Domena (biologija)
עברית: על-ממלכה
hornjoserbsce: Domena (biologija)
Bahasa Indonesia: Domain (biologi)
한국어: 역 (생물학)
Lëtzebuergesch: Domän (Biologie)
lietuvių: Domenas
македонски: Домен (биологија)
Bahasa Melayu: Domain (biologi)
Nederlands: Domein (biologie)
norsk nynorsk: Biologisk domene
Kapampangan: Sakup (biolohia)
русиньскый: Домена (біолоґія)
srpskohrvatski / српскохрватски: Domen (taksonomija)
Simple English: Domain (biology)
српски / srpski: Domen (biologija)
Türkçe: Üst âlem
татарча/tatarça: Домен (биология)
українська: Домен (біологія)
Tiếng Việt: Vực (sinh học)
West-Vlams: Domein (taxonomie)
吴语: 域 (生物)
中文: 域 (生物)
粵語: