Chenocidio armenio

Mapa d'o chenocidio armenio de 1915.

Se conoix como chenocidio armenio ye o conchunto de mortaleras d'armenios que han feito os suyos vicins kurdos, turcos y azerís. Encara que o numero de victimas supera amplament o millón, bells gubiernos como o turco u lo israelí no lo reconoixen.

As fuents armenias parlan de tres fases en o chenocidio:

  • A primera fase estió quan o zaguer soldán otomán Abdul Hamid, que ninvió a los hamidiye kurdos y se calcula que morioron 300.000 armenios.
  • A segunda fase estió quan a I Guerra Mundial baixo o mandato d'o gubierno d'os Chóvens Turcos, encara que s'estima que a mayor parte d'as mortaleras estioron obra d'os guerrillers kurdos. Se calcula que as victimas estioron entre 600.000 y 800.000. Tipicament mataban a los hombres en as casas y deportaban a las mullers y ninas, a las que feban andar dica ta desiertos d'o sur, y si no moriban de camín u yeran raptatas de camín, remataban morindo de fambre y sete. Tamién i heba campos de concentración on moriban os armenios por maltratos u de fambre, como un que liberoron os franceses en o suyo abance por Siria.
  • A tercera fase ye menos documentata, os armenios encara denunciaban o chenocidio en as primeras decadas de mandato de Mustafa Kemal, quan Anatolia Occiental quedó sin población armenia, por refuchiar-se en l'Armenia Oriental.

En os tiempos d'as dos zagueras fases tamién os azerís feban mortaleras, encara que en menor mesura, por tener menos medios, y tamién i habió muitos civils armenios muertos quan a guerra con Cheorchia.

Negación d'o chenocidio

Rafael de Nogales Méndez (1879-1936), un oficial venezolano en o exercito turco que presencio as mortaleras en Van y escribio o suyo testimonio en o suyo libro Cuatro años bajo la media luna

A negación u aceptación d'o chenocidio s'argumenta d'alcuerdo con qui tien a responsabilidat d'os escayeiximientos.

Os turcos consideran que en una situación de guerra, o gubierno d'os chóvens turcos heba de desplazar a poblacions que a priori yeran favorables a Rusia y que en ixa mesma situación de guerra ixa operación esdevinió una trachedia humanitaria. Niegan que fuese un chenocidio ordenato dende o estato, (feito discutible). Tamién argumentan que en Anatolia Oriental morioron més musulmans turcos y kurdos que armenios, (feito discutible porque os armenios no yera prou numerosos, ni teneban prou poder, ni yeran prou organizatos como para matar tantos musulmans como armenios, a més que en a rechión de Kars i heba encara muita población musulmana dimpués d'a guerra, (os musulmans yeran una tercera part d'a población en l'Armenia independient d'entreguerras).

O gubierno israelí no reconoixe o chenocidio armenio con o falso argumento que no fue ordenato dende as autoridatz estatals y que no yera organizato. Dezaga d'esto ye o deseyo d'Israyel de mantener buenas relacions con Turquía, y tener a exclusiva d'un gran chenocidio pa mantener as suyas reivindicacions territorials en Orient Meyo. Bells nacionalistas armenios dicen que os chodigos domnatz ocuporon o puesto d'a burguesía armenia en Turquía.

Other Languages
العربية: مذابح الأرمن
беларуская: Генацыд армян
Esperanto: Armena genocido
hornjoserbsce: Genocid Armenjanow
Bahasa Indonesia: Genosida Armenia
Basa Jawa: Genosida Armenia
Lëtzebuergesch: Armenesche Vëlkermuerd
македонски: Ерменски геноцид
Bahasa Melayu: Genosid Armenia
Nederlands: Armeense genocide
srpskohrvatski / српскохрватски: Armenski genocid
Simple English: Armenian Genocide
slovenčina: Arménska genocída
slovenščina: Armenski genocid
татарча/tatarça: Ärmännär genotsidı
українська: Геноцид вірмен
Tiếng Việt: Diệt chủng Armenia