Arro

Iste articlo tracta sobre Arro que ye un lugar d'o Sobrarbe. Ta altros usos d'a parola arro se veiga Arro (desambigación).
Arro
Localidat d'Aragón
01.Arro iglesia.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

35 hab. (2009)
Altaria610 m.
Distancia
 • 119 km
 • 9 km

enta Uesca
enta l'Aínsa
Codigo postal22330
PatronsAsumpción de María
Parroquial
 • Diocesi
 •Arciprestato

Balbastro-Monzón
Sobrarbe
RíosA Nata

Arro ye un lugar aragonés d'o municipio de l'Aínsa-Sobrarbe, en a provincia de Uesca y comarca d'o Sobrarbe. A suya población ye de 35 habitants (2009[1])

O lugar d'Arro se troba en l'altura d'un tozalet, en as estribacions d'a sierra d'Arro desalpartau d'o groso d'a sierra por un recolón que i forma o barranco d'O Plano, en dominando a envista d'os campos que el rodeyan y d'o tramo central d'o río d'A Nata. Como en altros nuclios d'o Sobrarbe, a suya posición lo menos un poquet debantada por alto d'as tierras que el rodeyan fa pensar en una planificación defensiva d'a suya construcción orichinal.

O nuclio consiste d'una carrera unica, que en l'actualidat conecta con a carretera N-260 de l'Aínsa ta Campo en a sola surtida d'o lugar, y todas as casas tienen as suyas fronteras principals en mirando cara ta ella, cosa que puede interpretar-se como un formalismo defensivo d'antigos. A plaza d'Arro contiene a ilesia, que s'adedica á l'advocación de Santa María de L'Asumpción, construida en o sieglo XVI. A caracteristica definidera que remata l'aspecto actual d'o nuclio ye lo diposito d'augua en alto, construcción d'o sieglo XX, que s'albira per dencima d'os tellaus en o centro d'o lugar, en estando que pareix que ye a construcción más altera que se i puede trobar.

Arro teneba municipio propio dica lo periodo 1842 - 1857, quan que diz que s'achuntó con Griebal, Cherbe y Banastón ta formar achuntamiento de conchunta.[2] En a decada d'os anyos 1960 os quatro nuclios s'achuntoron con l'Aínsa renunciando á l'achuntamiento propio, pasando á fer parte d'o numero creixedor de nuclios adscritos á ixa villa, como tamién el fayoron en o mesmo periodo Castillón de Sobrarbe, Cosculluela, Guaso, Buil y Sieste.[2] En 1981, o municipio conchunto de l'Aínsa, con totz os ditos nuclios, s'achuntó con l'achuntamiento d'Alto Sobrarbe ta formar l'Aínsa-Sobrarbe.[2]


Evolución demografica
1362 f1495 f1842185718601877188718971900
--156------
199219941996199719981999200020012002
------353434
200320042005200620072008200920102011
31303235373735--
20122013201420152016201720182019-
---------
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.
Other Languages
español: Arro (Huesca)
français: Arro (Huesca)