Wissenschaftstheorie

D Wüsseschaftstheorii isch e Däilgebiet vo dr Filosofii, wo sich mit de Vorussetzige, Methode und Ziil vo dr Wüsseschaft und iirer Art, wie mä zu Erkenntnis chunnt, beschäftigt.

D Kärnfrooge vo dr Wüsseschaftstheorii si:

  1. Was für Charakteristika het die wüsseschaftligi Erkenntnis? (z. B. Erkläärig, Brognoose vo experimentelle Resultaat)
  2. Was isch bsundrigs an däm, wie d Wüsseschaft zu Erkenntnis chunnt (Methodologii)?
  3. Git es e wüsseschaftlige Fortschritt?
  4. Was für e erkenntnistheoretische Status häi wüsseschaftligi Theorie und d Entidääte, wo si postuliere? Isch d Wüsseschaft e Form vo Wooretsfindig oder muess mä die wüsseschaftligi Erkenntnis pragmatischer konzipiere?
  5. Was für e Iifluss häi esthetischi Faktore uf wüsseschaftligi Erkenntniss und uf d Entwicklig vo de Wüsseschafte?
  6. Was söll s Verhältnis vo dr Wüsseschaft zur Ethik si?

Scho in dr Antike häi Dänker wie dr Aristoteles sich mit wüsseschaftstheoretische Brobleem beschäfdigt, vor allem mit sonige, wo d Struktuur und d Entwicklig vo de wüsseschaftlige Kenntniss und Methode beträffe. Filosofe wie dr Francis Bacon, Descartes, Leibniz, D'Alembert, Diderot, Kant, Fichte, Hegel und spööter dr Bolzano häi witer Undersuechige zu Däilbrobleem vo dr Wüsseschaftstheorii gmacht. D Wüsseschaft wird in deene Undersuechige vor allem as e Süsteem vo wüsseschaftlige Erkenntniss verstande, und d Wüsseschaftstheorii isch in däm Sinn äng mit dr Erkenntnistheorii und dr Methodologii verbunde.Si stützt sich uf d Ergäbniss vo Undersuechige, wo us dr Sicht vo de äinzelne Diszipline gwunne wärde, z. B. Ökonomii, Soziologii, Psüchologii u. a., und vo do us chunnt si zum ene äigeständige Begriffssüsteem, duet uf deere Grundlaag die disziplinäre Erkenntniss verallgemäinere und brobiert sälber zum äihäitlige theoretische Fundamänt vo alle äinzelne Forschigsdiszipline z wärde.

Other Languages
العربية: فلسفة العلوم
azərbaycanca: Elmin fəlsəfəsi
čeština: Filosofie vědy
فارسی: فلسفه علم
Bahasa Indonesia: Filsafat ilmu
日本語: 科学哲学
한국어: 과학철학
Bahasa Melayu: Falsafah sains
norsk nynorsk: Vitskapsteori
srpskohrvatski / српскохрватски: Filozofija nauke
Simple English: Philosophy of science
slovenčina: Filozofia vedy
српски / srpski: Филозофија науке
Basa Sunda: Filsafat élmu
Türkçe: Bilim felsefesi
українська: Філософія науки
Tiếng Việt: Triết học khoa học
中文: 科学哲学
Bân-lâm-gú: Kho-ha̍k tiat-ha̍k