Weltwirtschaftsforum

Logo vum WEF

S Wältwirtschaftsforum (änglisch World Economic Forum, churz WEF) isch e gmainnitzigi Stiftig, wu ihre Sitz z Cologny im Kanton Gämf (Schwyz) het.

Aktivitete

D Stiftig isch vor allem bekannt fir ihre Johresdräffe, wu si alljohr z Tafaas im Kanton Graubinde veraastaltet. Bi däne Dräffe chemme international fierendi Wirtschaftsexpärte, Bolitiker, Intellektuälli un Schurnalischte zämme go iber aktuälli globali Froge z dischpetiere, näbe dr Wirtschaftsbolitik zelle do au Gsundhaits- un Umwältbolitik derzue. S Forum organisiert au s «Annual Meeting of the New Champions» z China un verschideni regionali Dräffe iber s Johr. Näbe dr Organisation vu däne Johresdräffe git s Forum Forschigsbricht uuse. Finanziert wird s Forum vu syne rund 1000 Mitglidsunternämme.

Other Languages
беларуская (тарашкевіца)‎: Сусьветны эканамічны форум
Bahasa Indonesia: Forum Ekonomi Dunia
Lingua Franca Nova: Foro Economial Mundial
Bahasa Melayu: Forum Ekonomi Dunia
srpskohrvatski / српскохрватски: Svjetski ekonomski forum
Simple English: World Economic Forum