Johannes Tzimiskes

Johannes I.
Kaiser vom Byzantinische Riich
Dr Johannes, beschützt vo Gott und dr Jungfrau Maria.
Regierigsziit 11. Dezämber 969 – 10. Januar 976
Name Johannes I. Tzimiskes
Uf d Wält cho öbbe 924-925
Geburtsort Konstantinopel
Gstorbe 10. Januar 976 (im Alter vo 50)
Dodesort Konstantinopel
Vorgänger Nikephoros II.
Nochfolger Basileios II.
Verhürotet mit Maria Sklerena
Theodora, Dochder vom Konstantin VII.
Dynastii Makedonischi Dünastii

Dr Johannes I. Tzimiskes ( middelgriech. Iōannēs A′ (I.) „Tzimiskēs“ Kurkuas Ἰωάννης A′ „Τζιμισκὴς“ Κουρκούας; * woorschinlig 924 z Konstantinopel; † 10. Januar 976 z Konstantinopel) isch vo 969 bis 976 dr byzantinisch Kaiser gsi. Er isch gstorbe won er vom ene Fäldzuug gege d Araber häimchoo isch, woorschinlig am Typhus. Si Biinaame „Tzimiskes“ chunnt vom armenische Wort „tschemschkik“, was „roote Stiifel“ bedütet.

Lääbe

Dr Johannes isch an d Macht cho, won er am 11. Dezämber 969 dr Kaiser Nikephoros umbrocht het, wenn au offiziell d Chroone de minderjöörige Söön vom Romanos II. ghöört het. Im Früelig vo 971 het er en erfolgiiche Chrieg gege d Bulgare aagfange. 974/75 het er im Oste gege d Araber Chrieg gfüert und Damaskus, Emesa und Baalbek erooberet, denn Däil vo Palestina, aber nid Jerusalem. Dr Johannes isch gstorbe, won er vo Sürie uf Konstantinopel zruggcho isch.

Im Innere het er sich gege d Groossgrundbsitzer müesse duuresetze, in dr Ussebolitik het er sini Verbindige mit em Häilige Römische Riich usbaut und 972 si Niesse Theophanu zum Otto I. gschickt, wo si denn dr spööter Otto II. ghürootet het.

Other Languages
العربية: يوحنا زيمسكي
беларуская: Іаан I Цымісхій
български: Йоан I Цимиски
čeština: Jan I. Tzimiskes
hrvatski: Ivan I. Cimisk
Bahasa Indonesia: Ioannes I Tzimiskes
lietuvių: Jonas I Cimiskis
македонски: Јован I Цимискиј
português: João I Tzimisces
srpskohrvatski / српскохрватски: Jovan I Cimiskije
slovenščina: Ivan I. Cimisk
српски / srpski: Јован I Цимискије
Türkçe: I. İoannis
українська: Іоанн I Цимісхій
Tiếng Việt: Ioannes I Tzimiskes