Geschlechtliche Fortpflanzung

As gschlächtligi oder sexuelli Furtpflanzig bezäichnet m d Erzüügig vo äigeständige Noochkomme, wenn die mit dr Usbildig vo Gschlächter verbunde isch. Mäistens wärde drbii wiibligi und männligir Käimzälle (Gschlächtszälle) bildet, wo denn mitenander zun ere Zygote verschmelze (Befruchdig). Näbe dere zwäigschlächtlige oder bisexuelle Furtpflanzig git s bin e Hufe Organisme au en äigschlächtligi oder unisexuelli Furtpflanzig, wenn us wiiblige Gschlächtszälle ooni Befruchdig oder us meerzällige Furtpflanzigskörper nöiji Indiwidue entstöön. Vo dene bäide Forme vo dr gschlächtlige Furtpflanzig wird die ungschlächtligi oder asexuelli Furtpflanzig underschiide, wo s bin ere kä Differenzierig in verschiideni Gschlächter git.

E Soomezälle und en Äizälle am Aafang vo dr Besoomig und churz vor dr Befruchgig

Die gschlächtligi Furtpflanzig chunnt bi fast alle Organisme mindestens gläägentlig vor. Wil s drbii vo äinere Generazioon zur neggste zun ere Rekombinazioon vo Erbaalaage (Gen) chunnt, waggst eso die genetischi Vilfalt innerhalb vo dr Populazioon.

Die gschlächtligi wie au die ungschlächtligi Furtpflanzig isch fast immer, aber nit umbedingt, mit ere Vermeerig verbunde, das häisst, ass d Zaal vo de Indiwidue gröösser wird.

  • tüpe vo dr gschlächtlige furtpflanzig

Tüpe vo dr gschlächtlige Furtpflanzig

  • Wenn bäidi Gschlächtszälle, wo zur Zygote verschmelze, vo underschidlige Indiwidue stamme, so redet mä vo Xenogamii oder Fremdbefruchdig.
  • Wenn bäidi Gschlächtszälle, wo zur Zygote verschmelze, vom gliiche Indiwiduum stamme, so redet mä vo Autogamii oder Sälbstbefruchdig.
Information icon.svg Dä Artikel basiert uff ere fräie Übersetzig vum Artikel „Geschlechtliche_Fortpflanzung“ vu de dütsche Wikipedia.

E Liste vu de Autore un Versione isch do z finde.

Other Languages
العربية: تكاثر جنسي
हिन्दी: लैंगिक जनन
Kreyòl ayisyen: Repwodiksyon seksyèl
íslenska: Kynæxlun
日本語: 有性生殖
한국어: 유성 생식
Bahasa Melayu: Pembiakan seks
norsk nynorsk: Kjønna formeiring
Simple English: Sexual reproduction
slovenščina: Spolno razmnoževanje
српски / srpski: Polno razmnožavanje
Türkçe: Eşeyli üreme
татарча/tatarça: Җенси үрчү
Tiếng Việt: Sinh sản hữu tính
中文: 有性生殖
Bân-lâm-gú: Iú-sèng seⁿ-si̍t