Fachhochschule

E Fachhochschuel (FH) isch e Typ von ere Schuel, wo tuet Studänten usbilde und Sache erforsche und drby gmäss wüsseschaftliche Regle und nooch bi dr Arbetspraxis handlet. Drum het mene au dr Name Hochschuel für di agwändeti Wüsseschaft ggä.

Im Änglische heisse die Schuele University of Applied Sciences.

Dr Name isch i dr 1960er Joore z Dütschland uufcho, wo’s i de Bundesländer immer me sötigi Schuele ggä het.

Z Öschtryych het me anne 1990 pschlosse, Fachhochschuele yzrichte, und i dr Schwiiz anne 1995.

So wie a de Universitääte isch au bi de Fachhochschuele sid öppe anne 2000 s Studium noch em Bologna-Syschteem organisiert, und es het Bachelor-Küürs und Master-Küürs.